Zeremi 20:9 - A SƐB-SÕW

⁹ Mãa wa yel: «Ɩ̃ bɛ lɛb tɩ́ɛrɛ a Sore yele ɩ, ɩ̃ kʋ̃ lɛb ƴɛ̀r a ʋ yúor ƴãw a», a lɛn daar a, a mɩ́ ɩ na mɛ̃ vũu na dɩrɛ a ɩ̃ pʋ̃ɔmɩ za a. Ɩ̃ mɩ́ bàl'ɩ ɩ̃ tʋɔra k'ɩ̃ɩ tʋ̃ɔ́ ʋ tɛr, ɛcɛ ɩ̃ bɛ mɩ́ tʋ̃ɔ́ ɩ.

Zeremi 20:9 ပူးပေါင်းရင်းမြစ်များ

Sɛb-sõw yielu 39:3

Lɛ n'a ɩ̃ tɩ ɩ a wõw, ɩ a gbili, ɩ̃ bɛ sàw yel bom ɛ. Ɛcɛ a 'wɔbrʋ tɩ gãw mɛ̃ na.

Zeremi 23:29

A ɩ̃ ƴɛ̀rʋ bɛ ɩ mɛ̃ vũu a ɩ? A bɛ ɩ mɛ̃ 'hama na mɩ́ ŋmɛ pìir wɛl a ɩ?»

Zeremi 23:9

Ƴɛ̀rʋ na ƴɛ̀r càar'ɩ a naaŋmɩn-ƴɛ̀r-manbɛ a. A ɩ̃ pʋɔ za sãw na, a ɩ̃ ƴã-gan za màwr'a. Ɩ̃ ɩ na mɛ̃ dã-kuole a, mɛ̃ nɩr divɛ̃ na tʋ̃ɔ́ a. A Sore, a Naaŋmɩn na ɩ sõw a ƴãw n'a, nɩ a ʋlɩ bom nɛ ʋ na yel a:

Zeremi 4:19

'Woi! Ɩ̃ pʋɔ! Ɩ̃ pʋɔ! A 'wɔbrʋ 'wɔbr mɛ̃ na! A ɩ̃ socir na ŋmãa na! A ɩ̃ socir za damnɛ na! Ɩ̃ kʋ̃ tʋ̃ɔ́ ɩ gbili ɛ, bʋ̃ʋ n'ʋ vɛ̃, ɩ̃ wõ n a ɩɩl pɛblʋ, nɩ a zɛbr cɛlsɩ.

Zeremi 6:11

A Sore suur paalɩ mɛ̃ na, ɩ̃ kʋ̃ tʋ̃ɔ́ cãà nyɔw ʋ tɛr ɛ. «Lɩɛb ʋ ƴãw a bibiir a sɛ́ɛ zu nɩ a pɔlbili za zu. Bɛ na nyɔw nɩ bɛ za cen nɩ, dɛbr nɩ pɔwbɛ, nɩbɛ na kòr nɩ nɩbɛ na kòr tɩ kòr a.

Ezekɩɛl 3:14

Lɛ n'a a Vʋʋrʋ na tɩ zɛw mɛ̃ ìr'ɩ a tẽw a tɩ ɓáw mɛ̃ cen nɩ. A Sore kpɛnʋ tɩ nyɔw mɛ̃ na ɩ̃ kʋ̃ tʋ̃ɔ́ zawrɩ ɛ, ɩ̃ɩ tɩ tɔl cen nɩ socir na sãw ɛ́ dam a.

Ezekɩɛl 3:3

Ʋ tɩ yel'a ƴãw pʋɔ: «A fʋ̃ʋ nɩsaal bie, paalɩ a fʋ púor ɛ́ kʋ̀ a fʋ ƴã-gan fãw nɩ a sɛbɛ ŋa na pili ɩ̃ kʋ̀rɛ fʋ a.» Lɛ n'a ɩ̃ tɩ 'wɔb ʋ: ʋ tɩ nʋmɛ nɩ a ɩ̃ nʋɔrɩ́ mɛ̃ sɩwr a.

Amɔsɩ 3:8

Gbẽw ùor'a, ãa n'ʋ kʋ̃ zɔ dɛ̃bɩ̃ɛ? A Sore Naaŋmɩn ƴɛ̀r'a, ãa n'ʋ na vɛ̃ a ʋ ƴɛ̀rʋ manʋ?

Zonasɩ 1:2

«Ìr cen a Nɩnɩɩvʋ tẽ-kpɛ̃ɛ pʋɔ tɩ yere ʋ zɛbr'ɩ, bʋ̃ʋ n'ʋ vɛ̃, ɩ̃ pãa bàl'a nɩ a ʋ nɩbɛ ɩ-faar.»

Zonasɩ 1:3

Ɛcɛ a Zonasɩ tɩ ìr'a k'ʋʋ zɔ cen Tarsisɩ zãá nɩ a Sore. Lɛ n'a ʋ tɩ cen Zafa tẽw tɩ nyɛ̃ gbor na cɔbrɩ Tarsisɩ cenu baarɩ a. Ʋ tɩ ya n a ʋ zɩma zie, ɛ́ kpɛ a gbor lãwnɩ a gbor-duwrbɛ k'ʋʋ cen a Tarsisɩ, zãá nɩ a Sore.

Luka 9:62

A Yeezu tɩ sɔw ʋ na: «Nɩr wa nyɔw a kùur ɛ́ lɛb ŋmɛlɛ kaar pùor a, ʋ bɛ sɛwnɩ a Naaŋmɩn Naalʋ ɛ.»

Nɩ-toni 17:16

A Pol na tɩ be a Atɛn cɛlɛ a Sɩlasɩ nɩ a Timote a, a ʋ pʋɔ tɩ sãw na ʋ na tɩ nyɛ̃ a tɩbɛ paalɩ a Atɛn tẽw a ƴãw.

Nɩ-toni 18:5

Ɛcɛ a Sɩlasɩ nɩ a Timote na tɩ yi a Masedʋan wa ta a, a Pol tɩ bɛr'ɩ bom za, ɛ́ tu a Yel-nʋ̃ɔ̀ hieru tɛwr pùor. Ʋ mɩ́ tɩ wul'a a sãá a Zifʋ mɩnɛ zie, kɛ́ a Yeezu n'ɩ a Kɩrɩta.

Nɩ-toni 4:20

Tɩɩm ƴãw a, tɩ kʋ̃ tʋ̃ɔ́ bɛ manɛ a alɩ bome nɛ tɩ na nyɛ̃ ɛ́ wõ a ɩ.»