Zeremi 20:7 - A SƐB-SÕW

⁷ Sore e, fʋ bɛlɩ mɛ̃ na, ɩ̃ɩ bɛr fʋ bɛlɩ mɛ̃ nyɔw. Fãw n'a fʋ ɩ n mɛ̃, tʋ̃ɔ́ mɛ̃. A nɩbɛ ɩrɛ mɛ̃ na laar bibie za, bɛ za kpɔwrɛ mɛ̃ na.

Zeremi 20:7 ပူးပေါင်းရင်းမြစ်များ

2 Na-mɩnɛ 2:23

A Elize tɩ yi n a Zeriko cere Betɛl. Ʋ na tɩ be a sɔ́r zu a, bibiir kãw na tɩ yi a tẽ-kpɛ̃ɛ pʋɔ wa a, tɩ ɩrɛ ʋ na laar, cɩɩrɛ yere nɩ: «Dúor, zu-kpalɛ ɛ! Dúor, zu-kpalɛ ɛ!»

A Zɔb sɛbɛ 12:4

Ɩ̃ bʋɔlɛ nɩ a Naaŋmɩn tɩɛrɛ k'ʋʋ sɔw mɛ̃, ɛ́ mãa n'ɩ ŋan lɩɛbɩ nɩr a ʋ bárɩ na ɩrɛ laar a: a nɩ-mɩŋa, a nɩr ʋl na bɛ tɛr sãwna a, ʋlɛ n'ʋ bɛ ɩrɛ laar!

A Zɔb sɛbɛ 30:9

Ɛcɛ ƴɛrɛŋa a, mãa n'ʋ a nɩbɛ bɛ ŋa lore nɩ nuru, mãa yele n'a bɛ manɛ.

Sɛb-sõw yielu 119:51

A pɔ̀lʋ dem ɩ m a la vla vla, ɛcɛ ɩ̃ bɛ gùr pùor cɔw a fʋ wulu ɛ.

Ɩzayi 8:11

A Sore nyɔw mɛ̃ na ɛ́ yel mɛ̃ k'ɩ̃ɩ taa cɔwrɛ a nɩbɛ bɛ ŋa ɩb ɛ. À ŋá n'a ʋ yel mɛ̃:

Zeremi 15:10

Ɩ̃ mã a, nyɛ̃ kpɩɛrʋ fʋ na ƴãw mɛ̃, fʋ na dɔw mɛ̃ a! A tẽw za pʋɔ a, a nɩbɛ bɛ de a ɩ̃ yele ɩ: bɛ mɩ́ ŋmɩɛr'ɩ a ɩ̃ ƴɛ̀rʋ lɔbr. Ɩ̃ bɛ pɛ̃w nɩr ɩ̃ libir ɛ, ɛ́ mɩ́ bɛ pɛ̃w libir nɩr zie ɩ. Ɛ́ a nɩbɛ za ŋmɩɛr ƴãwn mɛ̃.

Zeremi 15:18

Bʋ̃ʋ n'ʋ so a wob wone mɛ̃ bɛ tɛr baarʋ daar? Bʋ̃ʋ n'ʋ so a ɩ̃ natɩr bɛ tɛr sanʋ, ɛ́ bɛ bɔbr a ɓãafʋ? Fʋ sɩrɩ na lɩɛbɩ bàa na bɛ̀lɛ a, a ɩ̃ zie, mɩ́ tɛr kʋ̃ɔ ta sɔgɔ bɛ tɛr ɛ.

Zeremi 17:16

Ɩ̃ bɛ fɛr fʋ kɛ́ fʋ ɩ a kpɩɛrʋ wa ɩ, Sore e. Ɩ̃ bɛ tɩ bɔbr k'aa bibi-faa ŋa ta ɩ, fʋ bãwnɩ a na. A ʋlɩ bom nɛ ɩ̃ na yel a, a fʋ niŋé na ɩ̃ yel.

Zeremi 20:9

Mãa wa yel: «Ɩ̃ bɛ lɛb tɩ́ɛrɛ a Sore yele ɩ, ɩ̃ kʋ̃ lɛb ƴɛ̀r a ʋ yúor ƴãw a», a lɛn daar a, a mɩ́ ɩ na mɛ̃ vũu na dɩrɛ a ɩ̃ pʋ̃ɔmɩ za a. Ɩ̃ mɩ́ bàl'ɩ ɩ̃ tʋɔra k'ɩ̃ɩ tʋ̃ɔ́ ʋ tɛr, ɛcɛ ɩ̃ bɛ mɩ́ tʋ̃ɔ́ ɩ.

Zeremi 29:26

«A Sore ɩ na fʋ ɩ bàwr-maalɛ lɩɛrɩ a bàwr-maalɛ Yehoyada. A fɛr'a kɛ́ fʋ mɩ́ piwre a Ŋmɩn-yir-kpɛ̃ɛ pʋɔ, a yãyaar dem bɛl za na yel kɛ́ bɛ ɩ n naaŋmɩn-ƴɛ̀r-manbɛ a. A fɛr'a kɛ́ fʋ mɩ́ ƴãw bɛ 'lẽ bɛ nɩ bãzɔlɛ nɩ kure kɔkɔrɩ-bãw.

Zeremi 38:19

A nãà Sedesɩasɩ tɩ sɔw nɩ a Zeremi: «Ɩ̃ zɔrɛ nɩ a Zuda tẽw nɩbɛ bɛl na de bɛ tʋɔra kʋ̀ a Babɩlɔn tẽw dem a dɛ̃bɩ̃ɛ. Bɛ nãà wa de m'a ƴãw a bɛ nuru pʋɔ, bɛ ɩ m la.»

A Lãw-mʋɔlɛ 3:14

A ɩ̃ bʋʋrɛ nɩbɛ za kpɔwrɛ mɛ̃ na, bɛ yiele na ɩrɛ nɩ mɛ̃ laar bibie za.

Ezekɩɛl 3:14

Lɛ n'a a Vʋʋrʋ na tɩ zɛw mɛ̃ ìr'ɩ a tẽw a tɩ ɓáw mɛ̃ cen nɩ. A Sore kpɛnʋ tɩ nyɔw mɛ̃ na ɩ̃ kʋ̃ tʋ̃ɔ́ zawrɩ ɛ, ɩ̃ɩ tɩ tɔl cen nɩ socir na sãw ɛ́ dam a.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Zonasɩ 4:2

Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.

Mise 3:8

Ɛcɛ mãa a, a Sore Vʋʋrʋ ʋ na kʋ̀ m a zũú, ɩ̃ tɛr'ɩ fãw yaga za. Mɩnʋ nɩ kanyir be n a ɩ̃ zie, ɩ̃ yere a Zakɔb bʋʋrɛ sãwna kʋ̀rɛ bɛ, ɛ́ yere a Ɩsɩrayɛl nɩbɛ yel-bier kʋ̀rɛ bɛ.

Luka 16:14

A Faarizɩ̃ɛ mɩnɛ na nɔnɛ a libie, ɛ́ tɩ bɛr wõ a Yeezu ƴɛ̀rʋ á ŋá za a, tɩ ɩrɛ ʋ na laar.

Luka 23:11

A Erɔdɩ nɩ a sojarɩ bɛl na gùre ʋ a, tɩ jewr'ɩ a Yeezu, ɛ́ ɩ ʋ la. Bɛ tɩ de nɩ dɛpaal-kparʋ su ʋ, ɛ́ lɛb dáa ʋ bɛr a Pɩlatɩ zie.

Nɩ-toni 17:18

Yã-bãwnbɛ bɛ mɩnɛ kãw, bɛ na bʋɔlɛ Epikiir nɩbɛ nɩ Sitoyisɩ̃ɛ mɩnɛ a, mɩ̀ tɩ be n be ƴɛ̀rɛ nɩ a Pol. Bɛ mɩnɛ tɩ yere na: «Bʋ̃ʋ n'ʋ a gɔmɛ sob ŋa yere?» Ɛ́ bɛ mɩnɛ yere: «Ŋmɩn-sãanbɛ bɛ mɩnɛ kãw yele tɔ̃w n'a ʋ manɛ.» A Yeezu yele nɩ a kũu-pʋɔ-lɛb-yibu yele n'a a Pol tɩ hiere kʋ̀rɛ bɛ.

Nɩ-toni 17:32

Bɛ na tɩ wone a kũu-pʋɔ-lɛb-yibu ƴɛ̀r-bir wa báarɛ a, bɛ mɩnɛ tɩ ɩrɛ ʋ na laar, ɛ́ bɛ mɩnɛ yere: «A na ta ka a, bibir kãw n'a tɩ na lɛb bãw bɛr wõ a fʋ ƴɛ̀rʋ a yel ŋa ƴãw.»

1 Korɛ̃tɩ 9:6

Mãa yõ nɩ a Banabasɩ, tɩmɛ nɛbɛ bɛ tɛr sɔ́r na bɛr a tome ɩ?

Ebre 11:36

Bɛ mɩ̀ tɩ ɩ n bɛ mɩnɛ la ɛ́ fɔb bɛ, ɛ́ ƴãw bɛ mɩnɛ bamɛ lɔb ƴãw gaso pʋɔ.