Zeremi 20:5 - A SƐB-SÕW

⁵ A tẽ-kpɛ̃ɛ ŋa naalʋ za, a alɩ bome nɛ ʋ na páw a ʋ tome pʋɔ, a ʋ bʋ̃-vɩɛlɩ vɩɛlɩ za, a Zuda tẽw na-mɩnɛ na-bome za a, ɩ̃ na de a na ƴãw a bɛ dɔ̃ dem nuru pʋɔ. Bɛ na zá a na, wob a cen nɩ a Babɩlɔn tẽw.

Zeremi 20:5 ပူးပေါင်းရင်းမြစ်များ

2 Bibie za yel-manɩ 36:10

A yũon paala daar, a nãà Nabikodonozɔɔr tɩ ƴãw na bɛ nyɔw ʋ wa n a Babɩlɔn, lãwnɩ a Sore yir-kpɛ̃ɛ pʋɔ bʋ̃-vɩɛlɩ vɩɛlɩ, ɛ́ ƴãw a Yoyakin yɛb Sedesɩasɩ ɩ a nãà a Zerizalɛm nɩ a Zuda Tẽw.

Ɩzayi 39:6

“Bibir kãw, a bome al za na be a fʋ yir pʋɔ a, a bome a na-mɩnɛ na de fʋ niwn a na bɔ gbõ taa a, a za na cen nɩ a Babɩlɔn tẽw. Bom za bɛ cãà bere a ka ɩ, a Sore n'ʋ yere.

Zeremi 12:12

A zi-sãwnbɛ be n a wɛja-kpalɛ sɛ́ɛ za zu waar. A Sore zɛbr-sɔ-kpɛ̃ɛ sãwnɛ nɩ bom za bɛrɛ a tẽw lowr ŋa tɩ tɔ lowr ŋa. Ƴã-ɓaarʋ bɛ ka be nɩr za ƴãw ɛ.

Zeremi 15:13

Zuda a, a fʋ tɛra, a fʋ na-bome, ɩ̃ na de a na tɩr bɛ zá. Alɛ n'ɩ a fʋ sãwna fʋ na maalɩ a fʋ tẽw za pʋɔ a sã-ya.

Zeremi 17:3

Zuda nɩbɛ ɛ, nyɩɩm na maalɛ a ŋmɩn-bɛlɛbɛlɛ a tan zu nɩ a wɩ̀ɛ pʋɔ a, ɩ̃ na de nɩ a nyɩ tɛra, a nyɩ na-bome nɩ a nyɩ maalʋ-ziir tɩr bɛ zá. Ɩ̃ na ɩ n à à ŋá za a sãwna nyɩ na sãw a nyɩ tẽw za pʋɔ a zũú.

Zeremi 3:24

Ɛcɛ, a tɩ pɔ̀lʋ daarɩ́ za a, a Báàl maalʋ na ɩrɛ vĩ a baar'ɩ a alɩ bome nɛ za a tɩ sãà mɩnɛ na tɩ bàl bɛ tʋɔra páw a, a bɛ píir, a bɛ bʋʋr, a bɛ nĩi, a bɛ bidɛbr nɩ a bɛ pɔwyaar.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 39:2

A Sedesɩasɩ naalʋ-dɩb yome pie nɩ been sob, a cuwr piwaɩ sob daar a, a Babɩlɔn tẽw dem tɩ ŋmɛ n a tẽ-kpɛ̃ɛ dacin puo.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 4:20

Bɛ cɩɩrɛ na: «Yel-sãwnɩ n'a dɔwlɩ dɔwlɩ taa wɛ!» Sɩza, a tẽw za sãw na. Bɛ ùr'a wɩl a tɩ pɛnɛ-sɛwr, a tɩ sɔwlʋ ziir ŋmʋr'a bɔr.

A Lãw-mʋɔlɛ 1:10

A dɔ̃ dem de nɩ a Zerizalɛm na-bome za. Mɔ̃ mɩ̀, a tẽ-kpɛ̃ɛ ŋa nyɛ̃ nɩ a nɩ-bʋʋr-yoru bɛ kpɛ a ʋ zi-sõw pʋɔ. Ɛcɛ Sore e, fʋ tɩ piw bɛ nɩ sɔ́r, kɛ́ bɛ ta kpɛ a fʋ lãw nɩbɛ pʋɔ ɩ.

A Lãw-mʋɔlɛ 1:7

A ʋ bibie al ʋ na tɩ bɔrɛ gʋɔr ɛ́ nyɛrɛ vĩ a, a Zerizalɛm tɩ lɛb'a tɩɛrɛ a ʋ bʋ̃-vɩɛlɩ za ʋ na tɩ tɛr a koro za a. A lɛn daar a ʋ nɩbɛ na tɩ lo a bɛ dɔ̃ dem nuru pʋɔ a, nɩr kãw za bɛ tɩ wa sõw ʋ ɛ. A ʋ dɔ̃ dem tɩ nyɛ̃ ʋ na ɛ́ ɩ ʋ la ʋ na tɩ lo a ƴãw.

A Lãw-mʋɔlɛ 4:12

A tẽw zu na-mɩnɛ nɩ nɩr kãw za a tẽ-daa zu bɛ tɩ sàw k'aa dɔ̃ sob na zɛb tʋ̃ɔ́ a nãà tu n a Zerizalɛm dɩ̃dɛɛ ƴãw kpɛ ɩ.

Ezekɩɛl 22:25

A bɛ nɩ-bɛrɛ ŋmɛ̃ na mɛ̃ wɛ-baar na ùore ɛ́ tawr a dʋ̃w a na nyɔw a ɓɛlɛ a. Bɛ kʋrɛ nɩ nɩbɛ, zure a bɛ taabɛ na-bome nɩ a bɛ tɛra, ɩrɛ a pɔw-kɔbɛ nʋɔr dɔwlɛ.

A naaŋmɩn-ƴèr-manɛ Oze sɛbɛ 13:15

A Efarayim yele za saa maalɛ vla a ʋ yɛbr sɔgɔ a, ɛcɛ saa-pɛrí sɛsɛb na wa na, Sore sɛsɛb na yi wɛja-kpalɛ pʋɔ a na wa na wa ɩ a bul-nɛ́ɛ nɩ a kʋ̃ɔ-'wɔ̃wfʋ zie a ko gã. Bɛ na faa nɩ a na-bome za, a bʋ̃-vɩɛlɩ vɩɛlɩ za cen nɩ.