Zeremi 20:4 - A SƐB-SÕW

⁴ Bʋ̃ʋ n'ʋ vɛ̃, à ŋá n'a a Sore yere: “Dɩ̃a na ta a, ɩ̃ na ɩ na fʋ lɩɛbɩ pʋl-vʋ̃ɔ bom, a fʋ̃ʋ tɛɛ za ƴãw nɩ a fʋ bárɩ ƴãw. A bɛl a, a bɛ dɔ̃ dem zɛbr-sɔ-kpɛ̃ɛ na kʋ bɛ na, ɛ́ a fʋ̃ʋ a, fʋ na nyɛ̃ nɩ a bɛ kũu. Ɩ̃ na ƴãw nɩ a Zuda tẽw nɩbɛ a Babɩlɔn tẽw dem nãà nuru pʋɔ. Ʋ na tɛr bɛ na cen nɩ a Babɩlɔn tẽw bɩɩ ʋ na ƴãw na bɛ kʋ bɛ.

Zeremi 20:4 ပူးပေါင်းရင်းမြစ်များ

2 Na-mɩnɛ 25:7

Bɛ tɩ kʋ n a Sedesɩasɩ bidɛbr a ʋ mimirí. Al pùorí a Nabikodonozɔɔr ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn.

Sɛb-sõw yielu 73:19

Bɛ wa bere na a ɩ a za n'a, bɛ baarɩ na, dɛ̃bɩ̃ɛ kʋ bɛ na pàw pɛr!

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 13:19

A Negɛɛvʋ tẽ-bɛrɛ za pàw na, nɩr za bɛ cãà yuore a pamɛ ɩ. Bɛ diw nɩ a Zuda nɩbɛ za cen nɩ tẽ-yũo, bɛ za kpɛ̃lɛ̃kpɛ̃lɛ̃ nɛbɛ bɛ diw cen nɩ.»

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 20:6

Ɛ́ a fʋ̃ʋ, Pasehuur i, fʋ na cen nɩ gbãgbaalʋ pʋɔ, fʋ̃ʋ nɩ a bɛlɩ dem za na lãw kpɩɛr'ɩ fʋ a. Fʋ̃ʋ wa ta a Babɩlɔn a, fʋ na kpi na, ɛ́ a be n'a bɛ na ũù fʋ, fʋ̃ʋ nɩ a fʋ bárɩ bɛl za zie fʋ na tɩ ɩ naaŋmɩn-ƴɛ̀r-man-ziri sob a.”»

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 29:21

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere a Kolaya bidɛb, Akab, nɩ a Maaseya bidɛb, Sedesɩasɩ, ƴãw. Bɛ za ayi yel'a kɛ́ a Sore yúor ƴãw n'a bɛ ƴɛ̀rɛ, ɛ́ a ɩ ziri: “Ɩ̃ na ƴãw bɛ nɩ a Babɩlɔn tẽw nãà, Nabikodonozɔɔr, nuru pʋɔ, ʋ ƴãw bɛ kʋ bɛ a nyɩ mimirí.

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 52:24

A nãà gùrbɛ nɩ-kpɛ̃ɛ tɩ ƴãw na bɛ nyɔw a bàwr-maal-kara, Seraya, a ʋ tuure Sefanɩa, nɩ a bàwr-maalbɛ ata bɛl na gùre a Ŋmɩn-yir-kpɛ̃ɛ dɩ̃dɔr a.

Zeremi 52:27

A Babɩlɔn tẽw nãà tɩ ƴãw na bɛ kʋ bɛ a be, a Hamatɩ tẽw. À à ŋá n'a bɛ tɩ diw a Zuda tẽw nɩbɛ cen nɩ, zãá nɩ a bɛ tẽw.

Zeremi 6:25

Nyɩ taa yire a wɩ̀ɛ pʋɔ ɩ, nyɩ taa cere a sɛ́ɛ zu ɛ, bʋ̃ʋ n'ʋ vɛ̃, a dɔ̃ sob be n a be kʋrɛ. A dɛ̃bɩ̃ɛ n'a a ziir za.

1 Samɩɛl 2:33

Ɛcɛ, ɩ̃ na cãà na ƴãw a fʋ nɩr kãw ʋ pɩɛlɩ a ɩ̃ bàwr-maal-kuur, k'aa nyuur nɩ a tɩɛrʋ kʋ b. Ɛ́ a fʋ yir nɩbɛ za na cɛ a, bɛ na kpi n a bɛ pɔ̀lʋ daar.»