Zeremi 20:18 - A SƐB-SÕW

¹⁸ Bʋ̃ʋ n'ʋ so ɩ̃ yi a ɩ̃ mã puori, alɛ wa ɩ k'ɩ̃ɩ nyɛrɛ wʋ̀ʋr nɩ kpɩɛrʋ, ɛ́ wa kpi n vĩ a?

Zeremi 20:18 ပူးပေါင်းရင်းမြစ်များ

1 Na-mɩnɛ 19:4

ɛ́ cen bibi-ɓil a wɛja-kpalɛ pʋɔ, tɩ zɩ̃ tɩle kãw pile. Ʋ tɩ zɛlɛ nɩ a kũu yere nɩ à ŋá: «Ƴɛrɛŋa ʋl a, Sore e, ɩ̃ bɛ cãà laar ɛ! De a ɩ̃ nyɔ-vʋurʋ, bʋ̃ʋ n'ʋ vɛ̃, ɩ̃ bɛ sa a ɩ̃ sãàkʋm-kore ɩ.»

A Zɔb sɛbɛ 14:1

A nɩsaal, a pɔw bʋ̃-dɔwra, a ʋ nyɔ-vʋʋrʋ ɩ n ŋmãalɛ, ɛ́ ɩ niw-sʋba tɛwr.

A Zɔb sɛbɛ 14:13

Ɩ̃ Naaŋmɩn i, fʋ̃ʋ nɩ̃ɛ tɩ sàw sɔwlɩ mɛ̃ a kpɩmɛ tẽw a, fʋ̃ʋ tɩ piw mɛ̃ tɛr ɛ́ gù a fʋ suur tɩ tɔl a! Fʋ̃ʋ tɩ ƴãw dàa kʋ̀ m fʋ na na lɛb tɩɛrɩ a ɩ̃ yele a!

A Zɔb sɛbɛ 3:20

Bʋ̃ʋ n'ʋ so a Naaŋmɩn mɩ́ ɩ a tuo-wonbɛ nyɛ̃ a cãà? Bʋ̃ʋ n'ʋ so ʋ mɩ́ kʋ̀ a nyɔ-vʋʋrʋ a wʋ̀ʋr dem?

A Zɔb sɛbɛ 5:7

Ɛcɛ nãw-woro ƴãw n'a a nɩsaal dɔw, mɛ̃ a vũu-zɛlɛ na be saa-zu ƴaw-dob ƴãw a.

Sɛb-sõw yielu 102:3

Ta mɩ́ lɩɛbɩ kpaar cɔw mɛ̃ a kpɩɛrʋ bibir ɛ. Cɩɩl a fʋ tobr cɔw mɛ̃. A bibir ʋl ɩ̃ na mɩ́ bʋɔlɛ fʋ a, mɩ́ sɔw mɛ̃ fɔ̃w.

Sɛb-sõw yielu 69:19

Taw pɩɛlɩ mɛ̃, kaa a ɩ̃ zie, faa mɛ̃, a ɩ̃ dɔ̃ dem ƴãw.

Ɩzayi 1:6

A gbɛ́ɛ tɩ tɔ a zu a, zie za bɛ cɛ ɩ. Wʋlɛ n'ɩ a ziir za, ŋmɩɛrʋ ziir na sãá a nɩ na-tɩ-zɩɩr nɩr za na bɛ pɛ́w a, na bɛ 'lẽ a, na bɛ ɩ kãá sɔ a.

Ɩzayi 51:7

Nyɩ bɛrɛ wone a ɩ̃ ƴɛ̀rʋ, nyɩɩm na bãw a yel na tu a mɩnʋ a, nyɩɩm na tɛr a ɩ̃ wulu a nyɩ socie pʋɔ a: nyɩ ta zɔrɛ a nɩsaalbɛ ɩ-lab ɛ, a bɛ zʋmɛ, a taa wa tʋ̃ɔ́nɛ nyɩ ɛ.

Zeremi 15:10

Ɩ̃ mã a, nyɛ̃ kpɩɛrʋ fʋ na ƴãw mɛ̃, fʋ na dɔw mɛ̃ a! A tẽw za pʋɔ a, a nɩbɛ bɛ de a ɩ̃ yele ɩ: bɛ mɩ́ ŋmɩɛr'ɩ a ɩ̃ ƴɛ̀rʋ lɔbr. Ɩ̃ bɛ pɛ̃w nɩr ɩ̃ libir ɛ, ɛ́ mɩ́ bɛ pɛ̃w libir nɩr zie ɩ. Ɛ́ a nɩbɛ za ŋmɩɛr ƴãwn mɛ̃.

Zeremi 15:18

Bʋ̃ʋ n'ʋ so a wob wone mɛ̃ bɛ tɛr baarʋ daar? Bʋ̃ʋ n'ʋ so a ɩ̃ natɩr bɛ tɛr sanʋ, ɛ́ bɛ bɔbr a ɓãafʋ? Fʋ sɩrɩ na lɩɛbɩ bàa na bɛ̀lɛ a, a ɩ̃ zie, mɩ́ tɛr kʋ̃ɔ ta sɔgɔ bɛ tɛr ɛ.

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 8:18

A ɩ̃ pʋ-sãwna bɛ tɛr tɩ̃ɩ ɛ, a ɩ̃ socir kone nɩ a ɩ̃ pʋ̃ɔmɩ za.

A Lãw-mʋɔlɛ 1:12

A nyɩɩm za na tɔlɛ a ka a, a faa ŋa bɛ páw nyɩ ɛ. Nyɩ jɩ́r nyɛ̃: kpɩɛrʋ be n be ŋmɛ̃ mɛ̃ a ɩ̃ dem, bɩɩ ŋmɛ̃ mɛ̃ a ʋl a Sore na ɩ ʋ lo a ɩ̃ zu a ʋ su-tʋlʋ bibir a?

A Lãw-mʋɔlɛ 3:1

Ɩ̃ ɩ n a nɩr ʋl na nyɛ̃ a kpɩɛrʋ a Sore su-yãyaar ŋmɩɛrʋ pʋɔ a.

Habakukɩ 1:3

Bʋ̃ʋ n'ʋ so fʋ ɩ ɩ̃ nyɛrɛ a faalʋ? Ŋmɩŋmɩn za n'a fʋ sàw jɩ́rɛ a tɩ kpɩɛrʋ? Dɔwrʋ nɩ po-to-fãw-ɩb'ɩ á ŋá a ɩ̃ niŋé, ƴɛ̀rʋ-dɩb nɩ zɛbr be n a ziir za.

Zã 16:20

Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na tɛr'ɩ pʋ-sãwna kone ŋmɩɛr'ɩ cɛlsɩ ɛ́ a tẽ-daa cɩlɛ. Nyɩ na tɛr'ɩ pʋ-sãwna, ɛcɛ a nyɩ kpɩɛrʋ na lɩɛb'ɩ nʋ̃ɔ̀.

Nɩ-toni 5:41

A nɩ-toni tɩ lɛb'a yi a ƴɛ̀rʋ-dɩb-lãw zie, ɛ́ nʋ̃ɔ̀ ɩrɛ bɛ yaga, a Naaŋmɩn na tɩ nyɛ̃ bɛ, bɛ sɛwnɩ zʋmɛ a Yeezu yúor ƴãw a.

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

Ebre 10:36

Kanyir'a a fɛr kɛ́ nyɩ dɩrɛ, tʋ̃ɔ́ maalɩ a Naaŋmɩn pʋ-tɩɛrʋ ɛ́ páw a ʋlɩ bom nɛ ʋ na ƴãw nʋɔr k'ʋʋ na tɩr a a.

Ebre 11:36

Bɛ mɩ̀ tɩ ɩ n bɛ mɩnɛ la ɛ́ fɔb bɛ, ɛ́ ƴãw bɛ mɩnɛ bamɛ lɔb ƴãw gaso pʋɔ.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 13:13

A na ɩ à ŋá a, nyɩ ɩ tɩ yi a laɩ pʋɔ tuor ʋ, ɛ́ sàw de a ʋlɩ vĩ-been nɛ.