Zeremi 20:12 - A SƐB-SÕW

¹² Sore kpɛnʋ-za-sob i, fʋ mɩ́ nyɛ̃ nɩ a nɩr na tu b a bãw. Fʋ bãw nɩ a tɩ bʋ̃-bɔbrɩ nɩ a tɩ tɩɛrʋ. Fʋ̃ʋ n'ʋ ɩ̃ de a ɩ̃ yele kʋ̀. Wul mɛ̃ a lɛ fʋ na na yáa a san kʋ̀ m a.

Zeremi 20:12 ပူးပေါင်းရင်းမြစ်များ

2 Bibie za yel-manɩ 24:22

A nãà Zowasɩ tɩ yiir'ɩ a vla a Zekarɩa sãà, Yehoyada, na tɩ maal'ʋ a, ɛ́ tɩ ƴãw bɛ kʋ a Zekarɩa. A Zekarɩa na tɩ kpiir a, ʋ tɩ yel'a: «A Sore, ʋ nyɛ̃ bom nɛ fʋ na ɩrɛ a, ɛ́ sowri fʋ bom!»

Sɛb-sõw yielu 11:5

A Sore nɔnɛ nɩ a nɩ-mɩŋa yele, ɛcɛ ʋ bɛ nɔnɛ a nɩ-faa yele ɩ, nɩ a nɩr na ɩrɛ po-to-fãw-ɩb a.

Sɛb-sõw yielu 139:23

Naaŋmɩn i, jɛl a ɩ̃ pʋɔ bãw mɛ̃, ɩ m kaa, bãw a bom nɛ na ƴãwnɛ mɛ̃ tɩɛrʋ a.

Sɛb-sõw yielu 17:3

Fʋ wa n tɩ̃ɩsɔw, kɛ́ fʋ wa jɛl a ɩ̃ pʋɔ bãw a ɩ̃ yel-mɩŋa. Fʋ ɩ m a kaa, ɛ́ bɛ nyɛ̃ sãwna a ɩ̃ zie ɩ. Ɩ̃ bɛ ƴɛ̀r ƴɛ̀rʋ kãw za

Sɛb-sõw yielu 54:7

A faa, ʋ́ lɛb lo a ɩ̃ dɔ̃ dem zu! Kʋ bɛ pàw pɛr a fʋ nɔ̃wfʋ ƴãw.

Sɛb-sõw yielu 58:10

A gʋʋr, gɔ-ɓaar bɩɩ gʋʋr na nyɔw vũu a, kʋ̃ tɔ a nyɩ ziduwli sɛr ɛ, ɛ́ a Naaŋmɩn pɩɩrɩ bɛ tɔl'ɩ.

Sɛb-sõw yielu 59:10

Fʋ̃ʋ n'ʋ ɩ̃ jɩ́rɛ, fʋ̃ʋ na ɩ a ɩ̃ fãw a. Naaŋmɩn i, fʋ̃ʋ n'ɩ a ɩ̃ zɛbr-yir-kpɛ̃w.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Sɛb-sõw yielu 7:9

Sore e, fʋ̃ʋ na dɩrɛ nɩ a nɩ-bʋʋrɛ ƴɛ̀rʋ a, dɩ n mɛ̃ a ƴɛ̀rʋ, Sore e, tu n a ɩ̃ mɩnʋ nɩ ɩ̃ na bɛ tɛr sãwna a.

Sɛb-sõw yielu 86:4

Sore e, a mãa na ɩ a fʋ tõ-tõ-bie a, ɩ̃ lɩɛbɛ nɩ a niwn cɔwr fʋ, ɩ k'ɩ̃ nyɛ̃ nʋ̃ɔ̀.

Ɩzayi 37:14

A Ezekɩasɩ tɩ de nɩ a sɛb-tʋɔla a nɩbɛ bɛ na tõ n a nuru pʋɔ kanɩ. Al pùorí ʋ do a Sore ŋmɩn-yir-kpɛ̃ɛ́, tɩ dɔl a sɛbɛ a Sore niŋé.

Ɩzayi 38:14

A ɩ̃ kon ŋmɛ̃ na taa nɩ bɛlaarɛkule kon, ɩ̃ kone na mɛ̃ ŋmam na kone a. A ɩ̃ mimie bàl a nɩ a salom úorú. — Sore e, ɩ̃ bɛ cãà laar ɛ, ɩ ɩb kãw a ɩ̃ ƴãw.—

Zeremi 11:20

Ɛcɛ a fʋ̃ʋ Sore, kpɛnʋ-za-sob, fʋ mɩ́ dɩ n a ƴɛ̀rʋ nɩ mɩnʋ. Fʋ mɩ́ jɛl'ɩ a nɩbɛ za bʋ̃-bɔbrɩ nɩ a bɛ tɩɛrʋ. Ɩ̃ na tʋ̃ɔ́ na nyɛ̃ a lɛ fʋ na na yáa a san a bɛ zu a, bʋ̃ʋ n'ʋ vɛ̃, fʋ̃ʋ n'ʋ ɩ̃ de a ɩ̃ yele kʋ̀.

Zeremi 12:8

A bɛlɩ dem ɩ̃ na so a, ɩ n a ɩ̃ zie mɛ̃ gben na be mʋ̃ɔ pʋɔ a. Bɛ ùore nɩ a ɩ̃ ƴãw, alɛ so ɩ̃ bɛ cãà nɔnɛ bɛ ɩ.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 17:18

Vĩ, a nyɔw a bɛlɩ dem na dɔwrɛ mɛ̃ a, ɛ́ bɛr a mãa! Dɛ̃bɩ̃ɛ, a tɛr bɛ bɛ màwr, ɛ́ bɛr a mãa! Ɩ a kpɩɛrʋ bibir wa a bɛ zu, sãw bɛ bɛr pelẽpelẽ!

1 Pɩɛr 2:23

ʋl bɛ na mɩ́ tɩ tʋ, ʋʋ bɛ tʋ yáa a san a, ʋl na mɩ́ tɩ wone tuo ɛ́ bɛ ŋmɩɛr ƴãwn nɩr za a. Ʋ nɩ̃ɛ na mɩ́ tɩ de ʋ tʋɔra bɛr kʋ̀ a Naaŋmɩn na maalɛ a ƴɛ̀rʋ nɩ mɩnʋ a,

1 Pɩɛr 4:19

A na ɩ à ŋá a, a bɛlɩ dem na wone tuo mɛ̃ a lɛ a Naaŋmɩn na bɔbr a, bɛ de a bɛ mɩŋa za ƴãw a bɛ Íre na ŋmɛ̃ ʋ ŋmɛ̃a a nuru pʋɔ, ɛ́ cãà ɩrɛ a vla.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Yel-wula 6:10

Bɛ tɩ cɩɩrɛ na nɩ kɔkɔr-kpɛ̃w yere: «Zu-sob na ɩ sõw, ɛ́ ɩ Zu-sob sɩza a, debor'a fʋ na gù n a ƴɛ̀rʋ-maalʋ nɩ a tɩ kũu san sowru a tẽw zu nɩbɛ zie tɩ ta?»

1 Samɩɛl 1:15

A Ana tɩ sɔw ʋ na: «Pɔw-zu-kpɛ̃w sob bɛ nɛ m ɛ, ɩ̃ bɛ nyũ divɛ̃ bɩɩ dã-kpɛ̃w kãw za na kuole a ɩ, a Sore n'ʋ ɩ̃ kone a ɩ̃ kpɩɛrʋ kʋ̀rɛ.