Zeremi 2:8 - A SƐB-SÕW

⁸ A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 2:8 ပူးပေါင်းရင်းမြစ်များ

1 Na-mɩnɛ 18:22

A Eli tɩ lɛb'a yel: «Ɩ̃ cɛ nɩ ɩ̃ yõ ɩ a Sore ƴɛ̀r-manɛ, ɛ́ a Báàl ƴɛ̀r-manbɛ ɩ kɔbr anaar dɔwlɩ lɩz'a ayi nɩ pie (450).

1 Na-mɩnɛ 18:29

A mʋ̃tɔ̃w na wa gɔ̃w a, bɛ lɛb'a bãw bʋɔlɛ a Báàl ɩrɛ nɩ mɛ̃ kɔ̃tɔ̃-ìrbɛ a, tɩ ta n a zaanʋɔra bàwr tɛm. Ɛcɛ bɛ bɛ tɩ wõ sɔwfʋ kãw za ɩ: bɛ bɛ wõ ƴɛ̀r-bir, bɛ nyɛ̃ bãwfʋ ɛ.

1 Na-mɩnɛ 18:40

A Eli tɩ yel bɛ na: «Nyɩ nyɔw a Báàl ƴɛ̀r-manbɛ! Nyɩ ta sàw a bɛ been kãw za wa cɩ̃ɛ ɩ!» A nɩbɛ tɩ nyɔw nɩ bɛ za. A Eli tɩ ƴãw na bɛ tɛr bɛ siw nɩ a Kison bà-fʋɔla nʋɔr, ʋ tɩ ƴãw bɛ ŋmaarɩ bɛ kɔkɛɛ bɛ za.

A Zɔb sɛbɛ 35:10

Ɛcɛ kãw za kʋ̃ yel: «Nyɩnɛ n'a a Naaŋmɩn na maalɩ mɛ̃ a be? Ʋl na mɩ́ ƴãw tɩ yielu tɩɛrʋ a kpɩɛrʋ daar a,

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

Ɩzayi 30:5

Nɩ-bʋʋrɛ na kʋ̃ tʋ̃ɔ́ ɩ bom za a bɛ ƴãw a na ɩ na a bɛ tɩɛrʋ wɛ. A Eziptɩ tẽw dem kʋ̃ tɛr sõwfʋ kãw za a bɛ zie ɩ, bɛ kʋ̃ tɛr yel-ɩra kãw za a bɛ zie ɩ. Bɛ na nɩ̃ɛ na ɩ a bɛ vĩ nɩ yo-sãw.

Zeremi 10:21

A nɩ-bɛrɛ nɛbɛ so a ɩ à à ŋá: bɛ ɩ n dãbol-ɩb, bɛ bɛ bɔ a Sore ɩ. Alɛ n'a so bɛ ɩ gù, ɛ́ a nɩbɛ bɛ na kaarɛ a yaarɩ be a ziir za.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 2:11

Nɩ-bʋʋrɛ mɩ́ lɩɛr'ɩ a bɛ ŋmɩmɛ ɛ? Ŋmɩmɛ bɛ n'a mɩ̀ ɛ! A ɩ̃ nɩbɛ bɛl a, bɛ de m'a tɛw nɩ ŋmɩmɛ na kʋ̃ tʋ̃ɔ́ ɩ bom za a, mãa na ɩ a bɛ dɛpaalʋ a.

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Zeremi 7:8

Ɛcɛ nyɩ bɛ̀lɛ nɩ nyɩ tʋɔra nɩ ƴɛ̀r-ziri na bɛ tɛr pɛr a.

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

Ezekɩɛl 34:2

«A fʋ̃ʋ nɩsaal bie, ƴɛ̀r naaŋmɩn-ƴɛ̀r-manɛ ƴɛ̀rʋ càar'ɩ a Ɩsɩrayɛl nɩbɛ nɩ-bɛrɛ. Ƴɛ̀r mɛ̃ naaŋmɩn-ƴɛ̀r-manɛ a yel bɛ: À ŋá n'a a mãa Sore Naaŋmɩn yere: Baw-bio páw nyɩ na, a nyɩɩm Ɩsɩrayɛl nɩbɛ cɩ̃ɩnbɛ! Nyɩ kaarɛ nɩ nyɩ mɩŋa zie! A píir zie bɛ tʋ̃ɔ́ n'a a pi-cɩ̃ɩnbɛ mɩ́ sɛw kɛ́ bɛ kaarɛ ɩ?

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Habakukɩ 2:18

A tɩbɛ yel-ɩra n'ɩ bo a tɩɩb-maalɛ na mɩ́ maal'a bin a? Kure bʋ̃-maalɩ na mɩ́ ŋmarɛ ziri bɛ mɩ́ sàw de a tɛwr'a. Bʋ̃ʋ ƴãw n'a a nɩsaalɛ na mɩ́ ƴãw a ʋ tɩɛrʋ, a tɩbɛ á ŋá ƴãw na bɛ tɛr nʋɔr ƴɛ̀rɛ, ɛ́ ɩ ʋl mɩŋa n'ʋ maal'a a?

Matie 16:26

Bʋnʋ tɔnɛ n'a a nɩsaal na nyɛ̃, ʋlɛ wa páw a tẽ-daa za ɛ́ a ʋ nyɔ-vʋʋrʋ bɔr a? Bɩɩ bʋ̃ʋ n'ʋ a nɩsaal na tʋ̃ɔ́ tɩr ya de nɩ a ʋ nyɔ-vʋʋrʋ?

Luka 11:52

Baw-bio dem n'ɩ nyɩ, Naaŋmɩn wulu bãw-bãw-karɩ ɩ! Nyɩ sɔwl'ɩ a Naaŋmɩn yele bãwfʋ dɩ̃dɔr pĩi. A nyɩɩm tɛɛ za bɛ kpɩɛr ɛ, ɛ́ mɩ̀ bɛ lɛb sàwr a bɛlɩ dem na bɔbr a kpɛb a, ɛ́ bɛ kpɛ ɩ.»

Zã 16:3

À ŋá n'a bɛ na ɩrɛ, bɛ na bɛ bãw a ɩ̃ Sãà ɛ́ mɩ̀ bɛ bãw mɛ̃ a ƴãw.

Zã 8:55

Nyɩ bɛ bãw ʋ ɛ, ɛ́ mãa bãw ʋ. Mãa tɩ yere k'ɩ̃ɩ bɛ bãw ʋ a, ɩ̃ nãá ɩ n zir-ŋmarɛ mɛ̃ a nyɩɩm a, ɛcɛ ɩ̃ bãw ʋ na, ɛ́ dier a ʋ ƴɛ̀rʋ.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

Wulu-ayi-sob 33:10

Bɛlɛ nɛbɛ wule a Zakɔb bʋʋrɛ a tub fʋ na ƴãw a, nɩ a fʋ wulu a Ɩsɩrayɛl nɩbɛ. A tɩ-suur-zɔ̃-na-nyùur-vla-vla-a de-kʋ̀b nɩ a nyɩw-a-za-bagɛ a, bɛlɛ nɛbɛ dier a kʋ̀rɛ fʋ a fʋ bàwr-maal-kuur zu.

1 Samɩɛl 12:21

Nyɩ taa zawrɛ ʋ bɛrɛ ɩ, bʋ̃ʋ n'ʋ vɛ̃, nyɩmɛ wa zawr'ʋ bɛr a, nyɩ na tuur'ɩ bʋ̃-zawlɛ na bɛ tɛr pɛr, ɛ́ kʋ̃ tʋ̃ɔ́ faa nɩr a, a na faa ɩ bʋ̃-zawlɛ a ƴãw.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.