Zeremi 2:7 - A SƐB-SÕW

⁷ Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

Zeremi 2:7 ပူးပေါင်းရင်းမြစ်များ

Neemi 9:25

Bɛ zɛb'a de tẽ-bɛrɛ bɛ na gù vla a, tẽsɔw-vɩɛlɩ, yie na paalɩ bʋ̃-vɩɛlɩ bʋʋrɛ za a, buli na tuw a, divɛ̃ tɩɩr, olivʋ tɩɩr nɩ tɩ-wɔnɩ yaga. A fʋ nɔ̃wfʋ na ɩ kpɛ̃ɛ a zũú a, bɛ dɩ na tɩw, bɛ 'wɔr'a, bɛ wõ n nʋ̃ɔ̀.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Ɩzayi 19:25

A Sore, a kpɛnʋ-za-sob, na maal'ɩ a tẽ-daa yel à ŋá: «Ɩ̃ maalɛ nɩ a Eziptɩ tẽw dem, a ɩ̃ nɩ-bʋʋrɛ, a Asiiri tẽw dem, a ɩ̃ nuru bʋ̃-maalɩ, nɩ a Ɩsɩrayɛl nɩbɛ, a mãa mɩŋa bom.»

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 3:2

Dʋɔ a zu a tãli lowr ɛ́ jɩ́r nyɛ̃, tãli-been be n be zie fʋ bɛ gã nɩ a fʋ sɛn kãw ɛ? Fʋ mɩ́ tɩ zɩ̃ n a sɔ́r nʋɔr gùre a fʋ sɛnbɛ, mɛ̃ a wɛja-kpalɛ pʋɔ nɩ-yʋɔra na gùre a nɩbɛ ʋ na na ŋmãa a. Fʋ dɛw nɩ a tẽw nɩ a fʋ pɔw-yɛm ɩ-ɩrɩ, nɩ a fʋ cenu na bɛ vɩɛl a.

Zeremi 3:9

Ʋ maal'ɩ pɩ̃ɔ-yele nɩ kʋsɩɛr nɩ dàa ŋmɩmɛ, ʋ dɛw nɩ a tẽw nɩ a ʋ pɔw-yɛm ɩ-ɩrɩ na ɩrɛ vĩ a.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zeremi 32:30

A mãa, a Sore, ɩ̃ yere na: a Ɩsɩrayɛl nɩbɛ za nɩ a Zuda tẽw dem a, a bɛ pɔ̀lʋ̀ daar za n'a bɛ ɩ a ʋlɩ bom nɛ na bɛ pɛlɩ a ɩ̃ pʋɔ a. Sɩza, a ɩ̃ suur tɛwr'a a Ɩsɩrayɛl nɩbɛ ɩ ʋ ìr nɩ a bɛ ɩ-ɩrɩ.

Ezekɩɛl 20:24

Bʋ̃ʋ n'ʋ vɛ̃, bɛ bɛ tɩ tu a ɩ̃ nɛ́ɛ ɩ, bɛ bɛ tɩ ŋmɛlɩ kaa a ɩ̃ wulu ɛ, bɛ tɩ jewr'ɩ a pɩ̃ɛnʋ-bibir, bɛ tɩ bɛr'ɩ a bɛ sãàkʋm-kore ŋmɩn-bɛlɛbɛlɛ bɛlɩ nyɔw bɛ.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Ezekɩɛl 20:6

A ʋlɩ bibir nɛ a, ɩ̃ pɔ na yel bɛ k'ɩ̃ɩ na ƴãw na bɛ yi a Eziptɩ tẽw, ɩ̃ tɛr bɛ cen nɩ tẽw kãw ɩ̃ na nɛb kaa a bɛ ƴãw a. A ten za pʋɔ tẽ-vla vla za n'ʋ, tẽw bʋ̀rʋ nɩ sɩwr na gbɔlɛ a.

Ezekɩɛl 23:35

Alɛ n'a so a mãa Sore Naaŋmɩn yere à ŋá: Fʋ na faa yiiri mɛ̃ bɛr, jɛ m bɛr a, fʋ na tuo nɩ a fʋ pɔw-yɛm vĩ-ɩb.»

Ezekɩɛl 36:17

«A fʋ̃ʋ nɩsaal bie, bɛrɛ wone! A lɛn daar a Ɩsɩrayɛl nɩbɛ na tɩ cãà kpɩɛr a bɛ tẽw pʋɔ a, bɛ tɩ sɩrɩ na vʋʋrɩ faa, ɛ́ tɩ dɛw a bɛ tẽw bɛr. A bɛ nyɔ-vʋʋrʋ tɩ dɛw na man pɔw zɩ̃ɩ a ʋ sɩɛ-loba daar.

A naaŋmɩn-ƴèr-manɛ Oze sɛbɛ 9:3

Efarayim kʋ̃ tʋ̃ɔ́ kpɩɛr a Sore tẽw pʋɔ ɩ, ʋ na lɛb'a cen a Eziptɩ bɩɩ a Asiiri tɩ dɩrɛ bʋ̃-dɩ-dɛgɛ.

Mise 2:10

Nyɩ ìr! Nyɩ cere! A nyɩ pɩ̃ɛnʋ baar'a! Kpɩɛrʋ na bɛ tɛr manʋ a gùre nyɩ na, a nyɩ ɩ-faar ƴãw.»

Sɔr-nɛ́ɛ 13:27

À ŋá n'a bɛ tɩ manɩ kʋ̀ a Moyiir: «Tɩ cen nɩ a tẽw ʋl pʋɔ fʋ na tõ tɩ a. Yel-mɩŋa sa ziri, tẽw bʋ̀rʋ nɩ sɩwr na gbɔlɛ a n'ʋ. Nyɛ̃ a tẽw tɩ-wɔmɛ a mɩnɛ.

Wulu-ayi-sob 21:23

A ʋ ƴã-gan bɛ ganɛ a tɩɛ zu a tɩ̃ɩsɔw ɛ. A fɛr'a kɛ́ nyɩ ũù ʋ a ʋlɩ bibir nɛ tɔr za. Bʋ̃ʋ n'ʋ vɛ̃, kũu na yawlɩ tɩɛ zu à ŋá a, ʋ bʋɔlɛ nɩ Naaŋmɩn ŋmɛ-ƴãw ƴãwn a tẽw. A na ɩ à ŋá a, nyɩ gù vla taa dɛwr a tẽw a Sore nyɩ Naaŋmɩn na kʋ̀rɛ nyɩ kɛ́ nyɩ so a bɛrɛ ɩ.

Wulu-ayi-sob 32:9

ɛcɛ ʋ kaa na ír so a Ɩsɩrayɛl bʋʋrɛ, ʋlɛ n'ʋ gùre a Zakɔb bʋʋrɛ.

Wulu-ayi-sob 6:18

Nyɩ ɩrɛ a lɛ na tu sɔ́r a, nyɩ ɩrɛ a lɛ na pɛlɩ a Sore pʋɔ a. A lɛn daar a, nyɩ na wone nɩ nʋ̃ɔ̀, ɛ́ nyɩ na tʋ̃ɔ́ na so a tẽ-vla a Sore na pɔ yel k'ʋʋ na kʋ̀ n a nyɩ sãàkʋm-kore a.