Zeremi 2:5 - A SƐB-SÕW

⁵ À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Zeremi 2:5 ပူးပေါင်းရင်းမြစ်များ

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

Sɛb-sõw yielu 115:8

A bɛlɩ dem na maalɩ a a, bɛ ŋmɛ̃ taa nɩ a, nɩ a bɛlɩ dem za na ƴãw a bɛ tɩɛrʋ a ƴãw a.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 44:9

A bɛlɩ dem na maalɛ a tɩbɛ a, bɛ za bɛ ɩ bom za ɩ, ɛ́ a bɛ bʋ̃-vɩɛlɩ bɛ tɛr yel-ɩra kãw za ɩ. A ɩ n a bɛ dãsɩɛ dem, ɛ́ ɩ dãsɩɛ dem na bɛ nyɛrɛ bom za a, na bɛ bãw bom za ɛ́ na ƴãw bɛ vĩ a.

Ɩzayi 46:12

Nyɩ bɛrɛ wone a ɩ̃ ƴɛ̀rʋ, nyɩɩm zu-kpɛn dem i, nyɩɩm na zãá nɩ a mɩnʋ a!

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 12:2

Fʋ sɛl bɛ na, bɛ tɛ n nyɩgɛ, bɛ kɛrɛ na, bɛ wɔnɛ nɩ wɔmɛ. A fʋ yúor be n a bɛ nʋɔrɩ́ kʋralɛ, ɛ́ a bɛ socir zãá nɩ fʋ.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 2:4

Nyɩ bɛr wõ a Sore ƴɛ̀rʋ, a nyɩɩm Zakɔb bʋʋrɛ, Ɩsɩrayɛl dɔwlʋ za nɩbɛ ɛ.

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

Ezekɩɛl 11:15

«A fʋ̃ʋ nɩsaal bie, nyɛ̃ a wulu a bɛlɩ dem na kpɩɛr a Zerizalɛm a na kʋ̀rɛ a fʋ yɛbr, a fʋ yir nɩbɛ, a Ɩsɩrayɛl nɩbɛ za bɛ na diw cen nɩ a: “Nyɩ àr zãá nɩ a ka a Sore na be a. Tɩɩm n'a ʋ kʋ̀ a tẽw ŋa.”

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

Zonasɩ 2:8

A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

Matie 15:8

“Nɛ́ɛ tɛwr'a a nɩbɛ bɛ ŋa ƴãwnɛ nɩ mɛ̃, ɛcɛ a bɛ pʋʋr zãá nɩ mɛ̃.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Wulu-ayi-sob 32:21

Bɛ tɛr'ɩ ŋmɩn-ziri, ƴãw k'ɩ̃ kpɛ nyuur. Bɛ ɩ na nɩ a bɛ tɩɩb-zawlɛ, a ɩ̃ suur ìr. Mãa a, nɩbɛ na bɛ ɩ nɩ-bʋʋrɛ mɩ̀ a nɛbɛ, ɩ̃ na ɩ na kɛ̀ bɛ kpɛ nyuur. Nɩ-bʋʋrɛ na bɛ bãw yã a nɛbɛ, ɩ̃ na ɩ na a bɛ suur ìr.

1 Samɩɛl 12:21

Nyɩ taa zawrɛ ʋ bɛrɛ ɩ, bʋ̃ʋ n'ʋ vɛ̃, nyɩmɛ wa zawr'ʋ bɛr a, nyɩ na tuur'ɩ bʋ̃-zawlɛ na bɛ tɛr pɛr, ɛ́ kʋ̃ tʋ̃ɔ́ faa nɩr a, a na faa ɩ bʋ̃-zawlɛ a ƴãw.