Zeremi 2:32 - A SƐB-SÕW

³² Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Zeremi 2:32 ပူးပေါင်းရင်းမြစ်များ

Yele-za-pɛr-tib 24:22

A nyɔ̃wmɩ na wa nyũ baar'a, a dɛb de nɩ salm-zɩɛ nyɔ-bãw na tɩbrɛ ta gɩram ayʋɔb a, nɩ salm-zɩɛ nuru bamɛ ayi, kãw za na tɩbrɛ zuo gɩram kʋba a (100), kʋ̀ a pɔwsɩrale,

Yele-za-pɛr-tib 24:30

Ʋ tɩ nyɛ̃ nɩ a nyɔ-bãw nɩ a bamɛ a ʋ yeepuule na ƴãw a, ɛ́ wõ ʋ manɩ a lɛ a dɛb na yel a. Ʋ tɩ cen na tɩ nyɛ̃ ʋ, ʋ àr'ɩ a ʋ nyɔ̃wmɩ a bule pɛr.

Yele-za-pɛr-tib 24:53

Al pùorí, ʋ ír salm-pla nɩ salm-zɩɛ pɩ̃ɛmɛ nɩ kparɩ a ʋ tuor pʋɔ kʋ̀ a Erebeka. Ʋ mɩ̀ tɩ kʋ̀ n bʋ̃-vɩɛlɩ vɩɛlɩ a powle yɛ-dɛb nɩ a ʋ mã.

2 Samɩɛl 1:24

Ɩsɩrayɛl pɔwbɛ ɛ, nyɩ kone a Sawul! Ʋ mɩ́ tɩ su nyɩ nɩ kpar-vɩɛlɩ vɩɛlɩ, a daarʋ na bɛ gbʋ́r a, ʋ mɩ́ tɩ ƴãw nɩ salm-zɩɛ pɩ̃ɛmɛ a nyɩ kpar-wowr.

Sɛb-sõw yielu 106:21

Bɛ tɩ yiir'ɩ a Naaŋmɩn, bɛ faarɛ, bɛr, ʋl na tɩ maalɩ yel-bɛrɛ a Eziptɩ tẽw a,

Sɛb-sõw yielu 9:17

A Sore ɩ na bɛ bãw ʋ, ʋ dɩ n a ƴɛ̀rʋ, a nɩ-faa lɛb'a kpɛ a ʋ mɩŋa bɛra pʋɔ. bàalʋ bàalʋ ŋmɛb Tɛw-àrʋ

Ɩzayi 17:10

Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 2:11

Nɩ-bʋʋrɛ mɩ́ lɩɛr'ɩ a bɛ ŋmɩmɛ ɛ? Ŋmɩmɛ bɛ n'a mɩ̀ ɛ! A ɩ̃ nɩbɛ bɛl a, bɛ de m'a tɛw nɩ ŋmɩmɛ na kʋ̃ tʋ̃ɔ́ ɩ bom za a, mãa na ɩ a bɛ dɛpaalʋ a.

Zeremi 2:33

Nyɛ̃ fʋ na bãw na-ɩ-lɛ a nɔ̃wfʋ pùor zɔ-tub ƴãw a! Ɛ́ a al ƴãw a, fʋ tɛr'a tɩ mili nɩ a nɩr kʋb.

Zeremi 23:27

Bɛ mɩ́ tɩɛr'a kɛ́ bɛ ɩ a ɩ̃ nɩbɛ yiiri a ɩ̃ yúor, a bɛ zánʋ bɛ na mɩ́ manɛ kʋ̀rɛ taa a zũú, mɛ̃ a lɛ a bɛ sãàkʋm-kore na tɩ tu a bɛ Báàl yiiri a ɩ̃ yúor bɛr a.

Zeremi 3:21

Cɛlsɩ yire nɩ a maalʋ-ziir: a Ɩsɩrayɛl nɩbɛ nɛbɛ kone zɛlɛ nɩ yãayãa. Bʋ̃ʋ n'ʋ vɛ̃, bɛ tuli nɩ a sɔ́r, bɛ yiiri mɛ̃ na bɛr, a mãa, a Sore bɛ Naaŋmɩn.

Ezekɩɛl 22:12

A fʋ pʋɔ a, Zerizalɛm i, nɩbɛ sàwr'ɩ bʋ̃-kʋ̀rɩ nɩbɛ kʋb ƴãw. Bɛ mɩ́ pɛ̃w nɩ libie gùre nɩ tɔnɛ yaga, bɛ mɩ́ nɛb'ɩ a bɛ tẽ-bi-taabɛ kpɛ naalʋ. Ɛ́ mãa a, bɛ yiiri mɛ̃ na bɛr a nʋɔr kʋ, a mãa Sore Naaŋmɩn n'ʋ yere.

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.

Ƴɛ̀r-dɩrbɛ 8:34

ɛ́ bɛ yiiri a Sore bɛ Naaŋmɩn bɛr, ʋl na tɩ faa bɛ a bɛ dɔ̃ dem na tɩ viiri koli bɛ a nuru pʋɔ a.