Zeremi 2:30 - A SƐB-SÕW

³⁰ Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 2:30 ပူးပေါင်းရင်းမြစ်များ

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:14

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

2 Bibie za yel-manɩ 24:21

Lɛ n'a a nɩbɛ tɩ bʋ taa a Zekarɩa ƴãw, ɛ́ a nãà ƴãw bɛ lɔb'ɩ ʋ kʋsɛbɛ a Sore yir-kpɛ̃ɛ davʋra pʋɔ.

2 Bibie za yel-manɩ 28:22

A kpɩɛrʋ daar ŋa pʋɔ a, a Akaazɩ tɩ cãà bɛ tu a Sore ɩ:

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

Ɩzayi 59:3

Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Ɩzayi 9:13

Lɛ n'a a Sore tɩ ŋmãa a zú nɩ a zʋʋr, a kpãkparmɛ tɩɛ wule nɩ a bàa-kɛkɛr a Ɩsɩrayɛl tẽw pʋɔ, bibi-been.

Zeremi 31:18

Ɩ̃ sɩrɩ na wõ a Efarayim tẽw nɩbɛ na kone zɛbr yere nɩ a: “Sore e, fʋ kpãa tɩ nɩ faa faa, mɛ̃ a lɛ bɛ na mɩ́ dɔwrɩ nadɛr-pɔl na bɛ sàwr cere a. Ɛcɛ ɩ tɩ lɛb wa a fʋ zie, kɛ̀ tɩ tʋ̃ɔ́ sɩrɩ lɛb wa a fʋ zie. Bʋ̃ʋ n'ʋ vɛ̃, a fʋ̃ʋ a, Sore e, fʋ̃ʋ n'ɩ a tɩ Naaŋmɩn.

Zeremi 46:14

«Nyɩ yel a yel a Eziptɩ tẽw pʋɔ, nyɩ ɩ bɛ bãw ʋ a Migɩdɔl, a Mɛmfisɩ nɩ a Dafine tẽ-bɛrɛ pʋɔ. Nyɩ yel bɛ: “Nyɩ ìr! Nyɩ cɔbrɩ a zɛbr ƴãw!” A zɛbr kʋ n a bɛlɩ dem na viiri koli nyɩ a baarɩ!

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 7:28

A na ɩ à ŋá a, fʋ na yel bɛ na: “Nyɩ ɩ n a nɩ-bʋʋrɛ bɛl na bɛ bɛrɛ wone a Sore bɛ Naaŋmɩn a, nɩ-bʋʋrɛ na zawrɛ a ʋ wulu bɛrɛ a. A nyɩ zie a, a yel-mɩŋa kpi na, nɩr za bɛ cãà pore a ʋ yúor ɛ.”»

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

Ezekɩɛl 22:24

«A fʋ̃ʋ nɩsaal bie, yel kʋ̀ a Ɩsɩrayɛl nɩbɛ k'aa bɛ tẽw ŋmɛ̃ na mɛ̃ tẽsɔw na bɛ páw saa a. Saa bɛ cɔ̀r ʋ a ɩ̃ suur bibir ɛ.

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

Matie 23:29

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩɩm na mɩ́ mɛ a naaŋmɩn-ƴɛ̀r-manbɛ yarʋ, ɛ́ maalɩ a nɩ-mɩn yarʋ a vɩɛl a,

Nɩ-toni 7:52

Naaŋmɩn-ƴɛ̀r-man-buor sob'ʋ a nyɩ sãàkʋm-kore bɛ dɔwrɩ? Bɛ kʋ n a bɛl na tɩ dãw hiere a nɩ-mɩŋa waa a. A Nɩ-mɩŋa ŋa tɔr za nyɩ na pãa mɩl kʋ a,

1 Tesalonikɩ 2:15

A Zifʋ mɩnɛ nɛbɛ kʋ a Sore Yeezu nɩ a naaŋmɩn-ƴɛ̀r-manbɛ, ɛ́ mɩ̀ dɔwrɩ tɩ, bɛ bɛ ɩrɛ a pɛlɛ a Naaŋmɩn pʋɔ ɩ, ɛ́ ɩ a nɩsaalbɛ za dɔ̃ dem.

Yel-wula 16:9

Tʋlʋ na bɛ dɩ vuo a tɩ dɩ n a nɩsaalbɛ. Bɛ tɩ tʋ n a Naaŋmɩn yúor zʋmɛ, a Naaŋmɩn na tɛr fãw a bʋ̃-faar á ŋá zu a, ɛcɛ, bɛ bɛ tɩ lɩɛbɩ a bɛ ɩb zɛw a ʋ yúor ɛ.