Zeremi 2:27 - A SƐB-SÕW

²⁷ Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Zeremi 2:27 ပူးပေါင်းရင်းမြစ်များ

2 Bibie za yel-manɩ 29:6

Bʋ̃ʋ n'ʋ vɛ̃, a tɩ sãà mɩnɛ bɛ tu a Sore tɩ Naaŋmɩn ɛ, bɛ ɩ n bom nɛ na bɛ pɛlɩ a ʋ pʋɔ a: bɛ zawrɩ ʋ na bɛr, bɛ lɩɛbɩ kpaar cɔw a ʋ zi-sõw, ɛ́ ŋmɛlɩ pùor cɔw ʋ.

Ɩzayi 26:16

Sore e, a kpɩɛrʋ daar a, fʋ̃ʋ n'ʋ a nɩbɛ mɩ́ bɔbr. Fʋ̃ʋ wa ƴãwnɛ a dɔwrʋ a lɛn daar a, bɛ mɩ́ puore na 'hũ'hune nɩ.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 18:17

A dɔ̃ sob wa tarɛ a, ɩ̃ na diw nɩ a ɩ̃ nɩ-bʋʋrɛ yaarɩ, mɛ̃ a lɛ a saa-pɛrɩ́ sɛsɛb na mɩ́ de a uuru cen nɩ a. A bɛ kpɩɛrʋ bibir a, ɩ̃ na wul bɛ nɩ a ɩ̃ kpaar, ʋ kʋ̃ ɩ a ɩ̃ niwn ɛ.»

Zeremi 2:24

Fʋ ŋmɛ̃ na mɛ̃ bõw-nyãw-gaara na mili a wɛja-kpalɛ ziir a. A bʋ̃-daar vʋla wa tɛr ʋ a, ʋ mɩ́ fõwne nɩ a sɛsɛb. A bʋ̃-daar vʋla wa ìr ʋ a, ãa n'ʋ na tʋ̃ɔ́ nyɔw ʋ? A bòn-daar na bɔbr ʋ a kʋ̃ tʋ̃ɔ́ bàlɛ a tʋɔra ɩ. A bʋ̃-daar vʋla wa dɛ tɛrɛ ʋ wa báarɛ a, a mɩ́ nyɛ̃ ʋ na.

Zeremi 22:23

Fʋ̃ʋ na kpɩɛr a Libã tuw pʋɔ, ɛ́ tɛr a cow a sɛɛdɩr tɩɩr zu a, fʋ na kõ n a lɛn daar a 'wɔbrʋ wa ùr lo a fʋ zu a, a lɛn daar fʋ na na wone tuo mɛ̃ pɔw na dɔwr a!»

Zeremi 3:9

Ʋ maal'ɩ pɩ̃ɔ-yele nɩ kʋsɩɛr nɩ dàa ŋmɩmɛ, ʋ dɛw nɩ a tẽw nɩ a ʋ pɔw-yɛm ɩ-ɩrɩ na ɩrɛ vĩ a.

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

Zeremi 42:2

a naaŋmɩn-ƴɛ̀r-manɛ Zeremi, ɛ́ yel ʋ à ŋá: «Yãayãa, sàw a tɩ zɛlʋ! Puori a Sore fʋ Naaŋmɩn kʋ̀ a tɩɩm na cãà vʋʋrɛ a. Bʋ̃ʋ n'ʋ vɛ̃, tɩ tɩ yãwmɛ na, ɛcɛ tɩ bɛ lɛb cãà yãwmɛ ɩ, mɛ̃ a lɛ fʋ na nyɛ̃ a.

Ezekɩɛl 23:35

Alɛ n'a so a mãa Sore Naaŋmɩn yere à ŋá: Fʋ na faa yiiri mɛ̃ bɛr, jɛ m bɛr a, fʋ na tuo nɩ a fʋ pɔw-yɛm vĩ-ɩb.»

Ezekɩɛl 8:16

Ʋ tɩ tɛr mɛ̃ na cen nɩ a Ŋmɩn-yir-kpɛ̃ɛ sɔwlɩsɔw davʋra lowr. A zi-sõw kpɛb zie a, a davʋra nɩ a bàwr-maal-kuur cará a, dɛbr tɩ be n be ta mɛ̃ dɛbr lɩzɛr'ɩ anũu a. Bɛ tɩ ŋmɛlɩ nɩ kpaar cɔw a zi-sõw, lɩɛbɩ a niŋe cɔw a saa-pɛrɩ́, ɛ́ tɩ gbĩ dume gũu tɩ tɔ tẽw a mʋ̃tɔ̃w niŋé.

A naaŋmɩn-ƴèr-manɛ Oze sɛbɛ 4:12

Dàar tɩɩb zie n'a a ɩ̃ nɩ-bʋʋrɛ sowre bʋ̃-sowri. Dakʋra n'ʋ wule bɛ bʋ̃-wuli! Pɔw-yɛm ɩ-ɩrɩ yã bɔrɛ nɩ bɛ na. A pɔw-yɛm ɩ-ɩrɩ zũú, bɛlɛ nɩ a bɛ Naaŋmɩn bʋ́r'ɩ taa.

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

A naaŋmɩn-ƴèr-manɛ Oze sɛbɛ 7:14

A bɛ pʋɔ za bɛ n'ʋ bɛ mɩ́ kone cɔwr'ɩ mɛ̃ ɩ. Ɛcɛ bɛ mɩ́ gã na kone, wɛrɛ nɩ a bɛ ƴã-gan, tɩɛr kɛ́ lɛ n'a bɛ na ɩ a bɛ ble nɩ a bɛ divɛ̃ tɩ-wɔmɛ maalɩ vla. À à ŋá bɛ na ɩrɛ a, mãa n'ʋ bɛ zawrɛ bɛrɛ.