Zeremi 2:26 - A SƐB-SÕW

²⁶ Mɛ̃ a lɛ vĩ na mɩ́ nyɔw nyãnyuwe bɛ na ùr nyɔw a, lɛ n'a a Ɩsɩrayɛl nɩbɛ mɩ́ na nyɛ̃ vĩ, a bɛl, a bɛ na-mɩnɛ, a bɛ tõ-tõ-bi-bɛrɛ, a bɛ bàwr-maalbɛ nɩ a bɛ naaŋmɩn-ƴɛ̀r-manbɛ.

Zeremi 2:26 ပူးပေါင်းရင်းမြစ်များ

Ɛsɩdɩrasɩ 9:7

A tɩ sãàkʋm-kore daar za wa tɩ tɔ a dɩ̃a bibir a, a tɩ nɩ-bʋʋrɛ maal'ɩ yel-bebe bɛ dɩ vuo ɩ. A al ƴãw n'a a tɩɩm, a tɩ na-mɩnɛ nɩ a tɩ bàwr-maalbɛ tɩ lo na-sãanbɛ nuru pʋɔ, tɩ bãw a zɛbr, a zi-yũo diw-cenu, a tɩ bʋ̃-tɛrɩ fáb nɩ a vĩ, mɛ̃ à à ŋá a na cãà ŋmɛ̃ tɩ a dɩ̃a a.

Sɛb-sõw yielu 97:7

Bɛlɩ dem za na maalɛ a tɩbɛ a, bɛlɛ so vĩ, bɛlɩ dem na mɩ́ ɩrɛ ƴãwn a bʋ̃-zawlɛ á ŋá ƴãw a. A ŋmɩmɛ za, a lo gbĩ dume a Sore niŋé!

Ɩzayi 1:29

Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

Ɩzayi 44:11

Bɛlɩ dem za na tu a a, bɛ na nyɛ̃ nɩ vĩ. A nuru tõ-tonbɛ na maalɛ a a, bɛ ɩ n nɩsaalbɛ tɛwr! Bɛ ɓã taa bɛ za, bɛ yi àr: dɛ̃bɩ̃ɛ na nyɔw bɛ na ɛ́ vĩ ɩrɛ bɛ za.

Ɩzayi 44:9

A bɛlɩ dem na maalɛ a tɩbɛ a, bɛ za bɛ ɩ bom za ɩ, ɛ́ a bɛ bʋ̃-vɩɛlɩ bɛ tɛr yel-ɩra kãw za ɩ. A ɩ n a bɛ dãsɩɛ dem, ɛ́ ɩ dãsɩɛ dem na bɛ nyɛrɛ bom za a, na bɛ bãw bom za ɛ́ na ƴãw bɛ vĩ a.

Zeremi 2:36

Nyɛ̃ lɩɛrʋ fʋ na mɩ́ lɩɛrɩ a fʋ kpɛ-ta-tɔ mɔlɛ lɛ a! Ɛcɛ fʋ nyɛ̃ nɩ vĩ a Eziptɩ tẽw mɛ̃ a lɛ fʋ na tɩ nyɛ̃ a vĩ a Asiiri tẽw a.

Zeremi 22:22

Sɛsɛb de nɩ a fʋ nɩ-bɛrɛ za cen nɩ, bɛ diw nɩ a fʋ nɩ-nɔnɩ cen nɩ tẽ-yũo. A fʋ̃ʋ a, a fʋ yúor na sãw na, vĩ na nyɔw fʋ nɩ a faa al za fʋ na maalɩ a zũú.

Zeremi 32:32

A Ɩsɩrayɛl nɩbɛ nɩ a Zuda tẽw dem maal'ɩ faa yaga, ƴãw a ɩ̃ suur ìr. Bɛ maal'ɩ faa, a bɛl, a bɛ na-mɩnɛ, a bɛ nɩ-bɛrɛ, a bɛ bàwr-maalbɛ, a bɛ naaŋmɩn-ƴɛ̀r-manbɛ, a Zerizalɛm nɩbɛ nɩ a Zuda tẽw nɩbɛ na cɛ a.

Zeremi 4:9

A Sore yere na: «A yele á ŋá wa ta a, a nãà nɩ a tõ-tõ-bi-bɛrɛ kanyir na bɔr'a, a na ɓãa nɩ a bàwr-maalbɛ nʋɔr, ɛ́ pʋl-vʋ̃ɔ tɛr a naaŋmɩn-ƴɛ̀r-manbɛ.

Zeremi 48:27

Mowab i, lɛb tɩɛrɩ a lɛ fʋ na tɩ ɩrɛ a Ɩsɩrayɛl laar a. Fʋ tɩ ɩ na mɛ̃ fʋ de ʋ na k'ʋ ɩ nyãnyuwe a. Bʋ̃ʋ n'ʋ vɛ̃, fʋ bɛ tʋ̃ɔ́ mɩ́ tɩ ƴɛ̀rɛ a ʋ ƴɛ̀rʋ, ɛ́ ɩrɛ ʋ laar gɔwrɛ nɩ zu ɛ?

Ezekɩɛl 16:54

Lɛ n'a a na kpɛ b, fʋ na bɛ cãà tɛr yúor a. Vĩ na nyɔw fʋ na a al za fʋ na ɩ a zũú: a na ɩ n mɔwlʋ a tẽ-bɛrɛ á ŋá zie.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

Zakari 5:4

A Sore, a Kpɛnʋ-za-sob, yere na kɛ́ ʋl mɩŋa n'ʋ ƴãw a ŋmɛ-ƴãw ŋa waar: ʋ na tɩ kpɛ n nɩr za na zure nɩ nɩr za na mɩ́ pɔ, ɛ́ bɛ ír a ʋ pɔɛ a yir pʋɔ, be a be, sãwnɛ bom za bɛrɛ, mɩ́ tɩ lãwnɩ a wɛwr nɩ a kʋsɛbɛ.»

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.