Zeremi 2:25 - A SƐB-SÕW

²⁵ “Maal ɩrɛ, Ɩsɩrayɛl i! Fʋ na ƴãw nɩ a fʋ gbɛ́ɛ bàalʋ ɛ́ a fʋ kɔkɔr ko.” Ɛcɛ fʋ sɔw na: “Nyɩ ta dɩ tuo bàlɛ nyɩ tʋɔra ɩ! Ɩ̃ nɔnɛ nɩ a ŋmɩn-sãanbɛ ɛ́ bɔbr k'ɩ̃ɩ tu a!”

Zeremi 2:25 ပူးပေါင်းရင်းမြစ်များ

2 Bibie za yel-manɩ 28:22

A kpɩɛrʋ daar ŋa pʋɔ a, a Akaazɩ tɩ cãà bɛ tu a Sore ɩ:

2 Bibie za yel-manɩ 28:23

ʋ tɩ maal'ɩ bagɛ kʋ̀ a Damasɩ tẽw ŋmɩmɛ na tɩ zɛb tʋ̃ɔ́ ʋ a, ɛ́ yel: «A Asiiri tẽw na-mɩnɛ ŋmɩmɛ n'a sõwne bɛ. A na ɩ lɛ a, ɩ̃ mɩ̀ na maal'ɩ bagɛ kʋ̀ a, k'aa tʋ̃ɔ́ mɩ̀ sõw mɛ̃.» Ɛcɛ a ŋmɩmɛ á ŋá n'a nɩ̃ɛ ɩ ʋlɛ nɩ a Ɩsɩrayɛl nɩbɛ za lo.

Ɩzayi 2:6

Sore e, fʋ zawr'ɩ a fʋ nɩ-bʋʋrɛ bɛr, a Zakɔb yir dem. Bʋ̃ʋ n'ʋ vɛ̃, a Saa-pɛrɩ́ bàwr-bʋwrbɛ paal'ɩ a bɛ tẽw. A tɩtɩlbɛ yãwmɛ na man a Filisɩtɛ̃ mɩnɛ. A fʋ nɩ-bʋʋrɛ maalɛ nɩ yɛ̀rʋ́ nɩ a nɩ-sãanbɛ.

Ɩzayi 57:10

Fʋ mɩ́ cen nɩ a cenu a bàl fʋ. Ɛcɛ fʋ bɛ mɩ́ yel: «Ɩ̃ na bɛr'a ɩ». Fʋ lɛb'a nyɛ̃ a fʋ fãw, fʋ tʋ̃ɔ́ nɩ a fʋ bàlʋ.

Zeremi 13:21

Fʋ na yel'a kɛ́ bo a lɛn daar a bɛlɩ dem fʋ na mili nɩ, bɛ ɩ a fʋ bárɩ, nãà wa ìr a fʋ ƴãw bɔbr kɛ́ bɛ tʋ̃ɔ́ fʋ a? Sɩza n'a, fʋ na wone nɩ tuo mɛ̃ pɔw, a ʋ dɔwfʋ daar a.

Zeremi 13:22

Lɛ n'a fʋ na sowri: “Bʋ̃ʋ n'ʋ so à á ŋá za tarɛ mɛ̃?” A fʋ sãwna na tɩbrɛ a zũú n'a bɛ vaarɩ a fʋ kparʋ do n, ɛ́ fɛrɛ fʋ.

Zeremi 14:10

À ŋá n'a a Sore ƴɛ̀rɛ a nɩbɛ bɛ ŋa ƴãw: «Sɩza, a nɩbɛ bɛ ŋa nɔnɛ nɩ cɔlʋ, bɛ bɛ zɩnɛ zi-been ɛ.» Ɛcɛ, bɛ na bɛ pɛlɩ a Sore pʋɔ a, ƴɛrɛŋa a, ʋ lɛb'a tɩɛrɩ a bɛ sãwna ɛ́ na dɔwrɩ bɛ a bɛ yel-bebe zũú.

Zeremi 18:12

Ɛcɛ bɛ na sɔw na: «Fʋ bàlɛ nɩ fʋ tʋɔra! Tɩ na ɩ n a lɛ tɩ na yel a, tɩ na tuur'ɩ a tɩ tɩɛr-faar.»

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 22:20

«Zerizalɛm i, do a Libã tãw zu tɩ lɔbr cɛlsɩ, ɩ bɛ wõ a fʋ kɔkɔr a Basan tã-sɛr zu. Lɔbr cɛlsɩ a Avarim tan zu, a fʋ sɛnbɛ za na bɛ cãà be a ƴãw.

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

A Lãw-mʋɔlɛ 1:2

Ʋ mɩ́ kõ n a tɩ̃ɩsɔw a ʋ kɔ́rɛ za tɩ vʋɔrɛ mʋta-kʋ̃ɔ. A bɛlɩ dem za na tɩ nɔnɛ ʋ a pʋɔ a, nɩr bɛ ka be mɔwlɛ ʋ ɛ. A ʋ bárɩ za mɩl ʋ na, ƴɛrɛŋa a, bɛ lɩɛb'ɩ a ʋ dɔ̃ dem.

A Lãw-mʋɔlɛ 4:4

A kʋ̃ɔ-nyúur ɩ na a bi-pɩɩlɛ zɛ̀lɛ mɛrɛ a bɛ lán. A bibiir zɛlɛ nɩ a bʋ̃-dɩrɩ, ɛ́ nɩr bɛ ka be kʋ̀rɛ bɛ ɩ.

Ezekɩɛl 20:32

Nyɩ yel'a: Tɩ bɔbr'a kɛ́ tɩ ɩ mɛ̃ a nɩ-bʋʋr-yoru a, mɛ̃ a tẽ-yoru nɩbɛ a, tɩ bɔbr'a kɛ́ tɩ maalɛ tɩɩr nɩ kʋsɛbɛ. Ɛcɛ a lɛ nyɩ na tɩɛr'a kʋ̃ ɩ ɛ.

A naaŋmɩn-ƴèr-manɛ Oze sɛbɛ 2:3

Nyɩ yere a nyɩ yɛbr kɛ́: «Ɩ̃ nɩ-bʋʋrɛ!», ɛ́ a nyɩ yeepuuli kɛ́: «Pɔw-nɔna nɔna.»

A naaŋmɩn-ƴèr-manɛ Oze sɛbɛ 2:5

Alɛ bɛ ɩ lɛ, ɩ̃ na yàa nɩ a ʋ bʋ̃-suuri ɛ́ bɛr ʋ ƴã-gã-kpãkpol, ɩ̃ na ɩ na ʋ ŋmɛ̃ mɛ̃ a ʋ dɔwfʋ bibir a! Ɩ̃ na ɩ na ʋ ŋmɛ̃ taa nɩ a wɛja-kpalɛ, ɩ̃ na ɩ na ʋ lɩɛbɩ tẽsɔw-kõw, ɩ̃ na ɩ na ʋ kpi n kʋ̃ɔ-nyúur.»

Malasɩ 3:14

À ŋá n'a nyɩ yel: “A Naaŋmɩn tome tob bɛ tɛr pɛr ɛ. Tɩ sàw nɩ a ʋ nɛ́ɛ, ɛ́ tu a kpɩɛrʋ daar tub a Sore kpɛnʋ-za-sob niŋé, ɛ́ a ɩ zawla.

Luka 15:22

Ɛcɛ a sãà tɩ yel'ɩ a ʋ tõ-tõ-biir: “Nyɩ kpɛ fɔ̃w tɩ de a kpar-bal-bie wa su ʋ, nyɩ ƴãw ʋ nũ-tʋʋr a nobirí, ɛ́ ƴãw ʋ nafawr a gbɛ̃ɛ́.

Luka 16:24

Lɛ n'a ʋ tɩ lɔb cɛl yel: “Ɩ̃ sãà Abraham i, zɔ ɩ̃ nɩbaalʋ, ɛ́ ƴãw a Lazaar cen tɩ tõ nobir kʋ̃ɔmɩ́ wa ɓãá nɩ mɛ̃ zɛl, ɩ̃ wone nɩ tuo yaga a vũu á ŋá pʋɔ.”

Ʋrɔm 8:24

Tɩ nyɛ̃ nɩ a faafʋ, ɛcɛ ʋ cãà na ɩ bom tɩ na tɩɛrɛ a. Fʋ̃ʋ wa nyɛ̃ a ʋlɩ bom fʋ na tɩɛrɛ a, ʋ bɛ cãà ɩ tɩɛrʋ fʋ tɩɛrɛ ɩ: a bom fʋ na nyɛ̃ a, fʋ na ɩ n ŋmɩn cãà tɩɛrɛ ʋ?

Wulu-ayi-sob 28:48

nyɩ na lɩɛb'ɩ a dɔ̃ dem a Sore na na ɩ bɛ wa a nyɩ ƴãw a gbãgbaar, nyɩ na ɩ n kɔ̃ nɩ kʋ̃ɔ-nyúur dem, nyɩ kʋ̃ tɛr bʋ̃-suuri ɛ, nyɩ kʋ̃ tɛr bom za ɩ. Kure dàa n'ʋ a Sore na dĩ nɩ a nyɩ nyuru, ɛ́ gù ʋ tɩ kʋ nyɩ pàw pɛr.

Wulu-ayi-sob 32:16

A Ɩsɩrayɛl nɩbɛ tɩ ɩrɛ nɩ ɩb na bɛ maal'ɩ wob a, ƴãw a Sore nyɛrɛ suur. Bɛ tɩ maalɛ nɩ ŋmɩn-yoru ɩ kɛ̀ nyuur ɩrɛ ʋ.