Zeremi 2:19 - A SƐB-SÕW

¹⁹ A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 2:19 ပူးပေါင်းရင်းမြစ်များ

1 Na-mɩnɛ 18:18

A Eli tɩ sɔw ʋ na: «Mãa bɛ n'ʋ so a Ɩsɩrayɛl nɩbɛ wʋ̀ʋr ɛ. Fʋ̃ʋ nɩ a fʋ yir dem nɛbɛ, nyɩ na zawrɩ a Sore nɛ-ƴãwnɩ bɛr, ɛ́ maalɩ Báàl mɩnɛ a.

2 Bibie za yel-manɩ 12:5

A naaŋmɩn-ƴɛ̀r-manɛ Semaya tɩ cen na tɩ páw a Orobowam nɩ a Zuda nɩ-bɛrɛ na tɩ ɓã taa a Zerizalɛm, a Sɩsakɩ waa daar a, yel bɛ: «À ŋá n'a a Sore yere: “A nyɩɩm, nyɩ zawrɩ mɛ̃ na bɛr, alɛ so a mãa, ɩ̃ mɩ̀ zawrɛ nyɩ bɛrɛ kʋ̀rɛ a Sɩsakɩ.”»

2 Bibie za yel-manɩ 21:10

Ɛcɛ a Edɔm nɩbɛ wa tɩ so nɩ bɛ tʋɔra a Zuda tẽw nɩbɛ zie wa tɩ tɔ a dɩ̃a. A lɛn daar mɩ̀ n'a a Livina tẽ-kpɛ̃ɛ mɩ̀ tɩ ìr lo a Zuda zu, zawrɩ a ʋ naalʋ-dɩb bɛr, a Yoram na bɛ tɩ cãà sàwr a Sore, a ʋ sãàkʋm-kore Naaŋmɩn nɛ́ɛ a ƴãw.

2 Bibie za yel-manɩ 25:16

Ɛcɛ a Amazɩasɩ tɩ tur'a de a ƴɛ̀rʋ sowr'ʋ: «Ãa n'ʋ kaa ír fʋ fʋ ɩ a nãà yã-wule? Fʋ̃ʋ bɛ wa bɔbr ŋmɩɛrʋ a, fʋ̃ʋ taa lɛb háarɛ nʋɔr ɛ.» A naaŋmɩn-ƴɛ̀r-manɛ bɛ lɛb tɩ háa nʋɔr ɛ, al pùorí, ʋ yel: «Ɩ̃ bãwnɩ a na, a Naaŋmɩn yel'a kɛ́ bɛ kʋ b, à à ŋá fʋ na ɩ a ƴãw, nɩ fʋ na zawrɩ na bɛr wõ a yã ɩ̃ na wule fʋ a.»

Sɛb-sõw yielu 36:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. A Sore tõ-tõ-bie Daviir so ʋ.

Eziptɩ tẽw yib 33:6

A Orɛb tãgɛ̃́ n'a a Ɩsɩrayɛl nɩbɛ tɩ tĩ bɛ cãà ƴãwnɛ a bɛ pɩ̃ɛmɛ ɩ.

Zʋkpaɩ 1:31

A na ɩ à ŋá a, nyɩ na tuo nɩ a sãwna a nyɩ ɩb na wa n a, a lɛ nyɩ na tɩɛrɩ kɛ́ nyɩ ɩ a na gel nyɩ nɩ pʋɔ.

Zʋkpaɩ 1:32

Bʋ̃ʋ n'ʋ vɛ̃, a bɛlɩ dem na bɛ bãw bom a zuru mɩ́ kpɛmɛ na, ɛ́ bɛ mɩ́ kpi a bɛ zu-kpɛ̃w kũu. A dãbole mɩ́ vʋʋrɛ na ɛ́ bɛ tɛr tɩɛrʋ ɛ, a mɩ́ wa n a bɛ loba.

Zʋkpaɩ 5:22

A nɩ-faa ɩ-faar tɛɛ za bɛra n'ʋ na nyɔw ʋ, ɛ́ a ʋ yel-bier mie lɩr ʋ tɛr.

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Ɩzayi 5:5

Ƴɛrɛŋa a, ɩ̃ na yel'ɩ ʋlɩ bom nɛ ɩ̃ na na ɩ a ɩ̃ divɛ̃ tɩɩr púo a kʋ̀ nyɩ: ɩ̃ na ír'ɩ a dàbáw bɛr a dʋn 'wɔb a tɩɩr váar. Ɩ̃ na dáa nɩ a dacin na viiri koli ʋ a lɔb, a sɔr-tɔlbɛ nɛb ʋ.

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Zeremi 1:16

Ɩ̃ na dɩ n nɩ a tẽw ŋa nɩbɛ ƴɛ̀rʋ. Bʋ̃ʋ n'ʋ vɛ̃, bɛ sɩrɩ na maalɩ faa: Bɛ zawrɩ mɛ̃ na bɛr, bɛ maal'ɩ bagɛ kʋ̀ ŋmɩn-yoru, ŋmɩmɛ bɛ na maalɩ ɛ́ puore a.

Zeremi 13:22

Lɛ n'a fʋ na sowri: “Bʋ̃ʋ n'ʋ so à á ŋá za tarɛ mɛ̃?” A fʋ sãwna na tɩbrɛ a zũú n'a bɛ vaarɩ a fʋ kparʋ do n, ɛ́ fɛrɛ fʋ.

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zeremi 4:18

Zerizalɛm i, a fʋ cenu, a fʋ ɩ-ɩrɩ n'a wa n à á ŋá za a fʋ zu. A fʋ faalʋ tɔnɛ n'a, sɩza n'a, a tuo tɔ! A kpɛ b'a tɩ tɔ!»

Zeremi 5:22

A Sore yere na: A ɩ lɛ nyɩ bɛ ƴãwnɛ mɛ̃ ʋ? A ɩ lɛ nyɩ bɛ màwr a ɩ̃ niŋé ʋ? Mãa n'ʋ ɩ a biire ɩ a kʋ̃ɔ-kpɛ̃ɛ tɛwfʋ zie, tʋr-bɔw n'ʋ gã kʋralɛ a kʋ̃ɔ-kpɛ̃ɛ kʋ̃ tʋ̃ɔ́ gãw ɛ. A ʋ kʋ̃ɔ-mie na saa mɩ́ ìre dúor a, ɛcɛ a bɛ tɛr fãw ɛ, a na tʋ̃ɔ́ na mɩ́ ɩrɛ gɔmɛ, ɛcɛ a bɛ gãwnɛ a tʋr-bɔw ɛ.

Zeremi 5:24

Nyɩ bɛ mɩ́ yel: “Nyɩ ɩ tɩ tɛr ƴãwfʋ a Sore tɩ Naaŋmɩn zie ɩ. Ʋ mɩ́ kʋ̀ tɩ nɩ a saa a ʋ daar, a kpãcãan nɩ a sɩ̃ɛ-kpɛ-paala, ɛ́ yũon za, ʋ mɩ́ bãwnɩ nɩ a tɩ bʋ̃-dieri-deb dàrʋ.”

Zeremi 5:6

Alɛ so a gbẽw mɩ́ yi a tuwr pʋɔ bɛ bɛrɛ bɛ ɩ, a wɛja-kpalɛ pʋɔ wɛ-baar 'wɔbr bɛ. A nyũo mɩ́ gù a tẽ-bɛrɛ ƴãw tawr nɩr za na yire a cɩɛrɛ. Bʋ̃ʋ n'ʋ vɛ̃, a bɛ na gaarɩ a ɩ-ɩrɩ dɔwlɛ nɩ taa, ɛ́ nɩr kʋ̃ tʋ̃ɔ́ sɔ́r a Sore pùor-bɛ-tub ɩ-ɩrɩ ɛ.

Zeremi 7:19

A Sore yere na: «Mãa n'ʋ bɛ ɩrɛ a kpɩɛr ɩ? Aɩ, a bɛl tɛɛ za nɛbɛ, ɛ́ a tɩ sɛw na k'aa ɩrɛ bɛ vĩ.»

Zeremi 8:5

Ɛ́ bʋ̃ʋ n'ʋ so a Zerizalɛm nɩbɛ na tuli a sɔ́r a, cãà zawrɩ a ɩ̃ tub? A nɩbɛ bɔbr'ɩ a bɛ ŋmɩn-bɛlɛbɛlɛ á ŋá tuotuo, bɛ zawr'a na lɛb wa a ɩ̃ zie.

Ezekɩɛl 39:24

Ɩ̃ ŋmɛlɩ nɩ a kpaar cɔw bɛ, ɛ́ ɩ bɛ tu n a bɛ ɩ-faar nɩ a bɛ sãwna.

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

A naaŋmɩn-ƴèr-manɛ Oze sɛbɛ 13:9

Ɩsɩrayɛl ɩ, fʋ̃ʋ n'ɩ ŋan bɛ ŋmɛr bɛr, mãa yõ n'ʋ na faa fʋ.

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

A naaŋmɩn-ƴèr-manɛ Oze sɛbɛ 4:16

A Ɩsɩrayɛl tɩ tõ n zu-kpɛ̃w tome mɛ̃ na-kʋ́ɔra bɛ na ƴãwnɛ dàa a nyũumɩ́ ʋ bɛ sàwr a. Bʋnʋ ƴãw n'a a Sore na kaarɛ bɛ zie mɛ̃ píir bɛ na kparɛ cere nɩ dʋn mʋ̃ɔ 'wɔbrʋ zie a?

A naaŋmɩn-ƴèr-manɛ Oze sɛbɛ 5:5

A Ɩsɩrayɛl nyʋ̀ʋ́r'a yere a ʋ sãwna. A Ɩsɩrayɛl nɩ a Efarayim ŋmɩɛr'ɩ gbɛ́ɛ a bɛ sãwna ƴãw. A Zuda mɩ̀ lãw nɩ bɛ na ŋmɩɛr a gbɛ́ɛ.

A naaŋmɩn-ƴèr-manɛ Oze sɛbɛ 7:2

Bɛ bɛ mɩ́ tɩɛr'ɩ bɛ pʋɔ ɩ̃ na bɛ yiire a bɛ ɩ-faar kãw za bɛrɛ a ɩ. Ƴɛrɛŋa a, a bɛ ɩ-faar pili na pàw bɛ. Alɛ n'ɩ a ŋan gã a ɩ̃ niŋé.

A naaŋmɩn-ƴèr-manɛ Oze sɛbɛ 9:1

Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Mise 1:5

A Zakɔb bʋʋrɛ bɛ-wonu, a Ɩsɩrayɛl yir dem yel-bebe n'a so à á ŋá za. Ãa n'ʋ so a Zakɔb bʋʋrɛ bɛ-wonu? A Samaari tẽw bɛ n'ʋ ɛ? Ãa n'ʋ so a Zuda nɩbɛ na ƴãwnɛ a tɩbɛ a? A Zerizalɛm tẽw bɛ n'ʋ ɛ?

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.

Ʋrɔm 3:18

Bɛ bɛ zɔrɛ a Naaŋmɩn towtow ɛ.»

Ƴɛ̀r-dɩrbɛ 10:13

Ɛcɛ nyɩɩm a, nyɩ zawrɩ mɛ̃ na bɛr ɛ́ maalɛ ŋmɩn yoru. Alɛ so ɩ̃ kʋ̃ lɛb faa nyɩ ɛ.