Zeremi 2:17 - A SƐB-SÕW

¹⁷ Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 2:17 ပူးပေါင်းရင်းမြစ်များ

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

A Zɔb sɛbɛ 34:27

Bʋ̃ʋ n'ʋ vɛ̃, a nɩbɛ bɛ ŋa tɩ gur'ɩ pùor cɔw ʋ, bɛ bɛ tɩ bɔbr kɛ́ bɛ bãw a ʋ wulu ɛ.

A Zɔb sɛbɛ 4:8

Yel ŋa n'ʋ mãa nyɛ̃: a bɛlɩ dem na kʋɔr a faalʋ ɛ́ bʋ̀rɛ a nãw-woro a, a faalʋ nɩ a nãw-woro n'a bɛ mɩ́ cɛ.

Sɛb-sõw yielu 107:7

Ʋ ɩ na bɛ lo sɔr-daadaa cen zie nɩbɛ na kpɩɛr a.

Sɛb-sõw yielu 136:16

Ʋ tɛr'ɩ a ʋ nɩ-bʋʋrɛ kpɛ n wɛja-kpalɛ pʋɔ, a ʋ nɔ̃wfʋ na be kʋralɛ a ƴãw.

Sɛb-sõw yielu 77:20

Fʋ tu na tɔl a kʋ̃ɔ-kpɛ̃ɛ sɔgɔ, fʋ puo nɩ a fʋ sɔ́r a kʋ̃ɔ-zulu pʋɔ, ɛ́ nɩr za bɛ nyɛ̃ a fʋ gbɛ́ɛ bɔwrɩ ɛ.

Zʋkpaɩ 15:10

Sob nɛ na mɩ́ bɛr a sɔr-vla a na nyɛ̃ nɩ kpãàfʋ na ta kpãàfʋ a. Sob nɛ na bɛ sàwr bɛ yere ʋ a na kpi na.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Zeremi 13:22

Lɛ n'a fʋ na sowri: “Bʋ̃ʋ n'ʋ so à á ŋá za tarɛ mɛ̃?” A fʋ sãwna na tɩbrɛ a zũú n'a bɛ vaarɩ a fʋ kparʋ do n, ɛ́ fɛrɛ fʋ.

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 4:18

Zerizalɛm i, a fʋ cenu, a fʋ ɩ-ɩrɩ n'a wa n à á ŋá za a fʋ zu. A fʋ faalʋ tɔnɛ n'a, sɩza n'a, a tuo tɔ! A kpɛ b'a tɩ tɔ!»

Zeremi 44:3

À á ŋá za ta na, a faa bɛ na maalɩ ƴãw a ɩ̃ suur ìr a zũú. Bʋ̃ʋ n'ʋ vɛ̃, bɛ cen na tɩ maalɩ bagɛ kʋ̀ ŋmɩn-yoru ɛ́ maalɩ a. Ɛcɛ bɛ bɛ bãw a ŋmɩmɛ á ŋá ɩ. Lɛb waar mɩ̀, a nyɩɩm nɩ a nyɩ sãàkʋm-kore mɩ́ bɛ tɩ bãw a ɩ.

Zeremi 5:25

A nyɩ sãwna dam'ɩ à á ŋá za nyaw taa, a nyɩ yel-bebe n'a piw nyɩ nyɩ bɛ páw a yel-vɩɛlɩ á ŋá ɩ.

Ezekɩɛl 39:24

Ɩ̃ ŋmɛlɩ nɩ a kpaar cɔw bɛ, ɛ́ ɩ bɛ tu n a bɛ ɩ-faar nɩ a bɛ sãwna.

A naaŋmɩn-ƴèr-manɛ Oze sɛbɛ 13:9

Ɩsɩrayɛl ɩ, fʋ̃ʋ n'ɩ ŋan bɛ ŋmɛr bɛr, mãa yõ n'ʋ na faa fʋ.

Mise 1:5

A Zakɔb bʋʋrɛ bɛ-wonu, a Ɩsɩrayɛl yir dem yel-bebe n'a so à á ŋá za. Ãa n'ʋ so a Zakɔb bʋʋrɛ bɛ-wonu? A Samaari tẽw bɛ n'ʋ ɛ? Ãa n'ʋ so a Zuda nɩbɛ na ƴãwnɛ a tɩbɛ a? A Zerizalɛm tẽw bɛ n'ʋ ɛ?

Sɔr-nɛ́ɛ 32:23

Ɛcɛ nyɩmɛ bɛ wa ɩ à à ŋá a, nyɩ bãwnɩ a vla, nyɩ na maal'ɩ yel-bier a Sore zie, ɛ́ a na tuur nyɩ na.

Wulu-ayi-sob 32:10

A Sore nyɛ̃ nɩ a ʋ nɩ-bʋʋrɛ a wɛja-kpalɛ pʋɔ na tɩ ɩ gbõgbo-cili kon tɛwr'a. Ʋ kaa nɩ bɛ zie, ʋ wul bɛ na, ʋ gù bɛ na mɛ̃ a ʋ mimi-biir a.

Wulu-ayi-sob 32:19

A Sore na wa nyɛ̃ a lɛ a ʋ bidɛbr nɩ a ʋ pɔwyaar na ɩrɛ ʋ laar a, ʋ bɛ bʋɔlɩ bɛ nɩbɛ ɩ.