A Eziptɩ tẽw ƴãw n'a fʋ ƴãw a fʋ tɩɛrʋ, a bàa-kɛkɛr-kaba ŋa na mɩ́ nyɩ̀r sob nɛ za, na mɩ́ yel k'ʋʋ nyɔw ʋ kɛ́ àr a, nũú a. À ŋá n'a a Eziptɩ tẽw nãà, Faarawɔ̃, ŋmɛ̃ a bɛlɩ dem za na mɩ́ ƴãw a bɛ tɩɛrʋ a ʋ ƴãw a zie!
A Faarawɔ̃ Neko tɩ ƴãw ʋ nɩ bamɛ cen nɩ Irivɩla, Hamatɩ tẽw, k'ʋʋ ta cãà dɩrɛ a naalʋ a Zerizalɛm ɛ. A Neko mɩ̀ tɩ ŋmãa nɩ salm-pla kilo túr-ata (3 000) nɩ salm-zɩɛ kilo lɩzɛr'ɩ pie san kʋ̀ a Zuda tẽw.
Ʋ na tɩ tɔ n a Zuda naalʋ-tẽw, ʋ na paal'a yi nɛ́ɛ, paalɩ pàw ʋ, do tɩ ƴãw ʋ a kɔkɛɛ. Ʋ na yɛ̀lɩ na, a ʋ kõkowe tɩ zãá, ʋ na pàw nɩ a fʋ tẽw yɛ̀lʋ za, Ɩmanɩɛl i.»
A Sore tɩ ƴɛ̀r'ɩ a Zeremi zie. A ƴɛ̀rʋ tɩ càar'ɩ a Zuda nɩbɛ za na tɩ kpɩɛr a Eziptɩ tẽw, a Migɩdɔl, a Dafine, a Mɛmfisɩ tẽ-bɛrɛ pʋɔ, nɩ a Patʋrɔsɩ vuo pʋɔ a. A Zeremi tɩ yel bɛ na:
«Nyɩ yel a yel a Eziptɩ tẽw pʋɔ, nyɩ ɩ bɛ bãw ʋ a Migɩdɔl, a Mɛmfisɩ nɩ a Dafine tẽ-bɛrɛ pʋɔ. Nyɩ yel bɛ: “Nyɩ ìr! Nyɩ cɔbrɩ a zɛbr ƴãw!” A zɛbr kʋ n a bɛlɩ dem na viiri koli nyɩ a baarɩ!
Eziptɩ tẽw dem i, nyɩ cɔbrɩ a nyɩ tuor a tẽ-yũo cenu ƴãw. A Mɛmfisɩ tẽ-kpɛ̃ɛ na lɩɛb'ɩ zie na kpɛ faa yaga a. Ʋ na sãw nɩ ʋ za, nɩr za kʋ̃ lɛb kpɩɛr ʋ ɛ.
A bɛlɩ dem na zɔrɛ a, bɛ bàl'a. Bɛ tɛw na àr a Hɛsɩbon tẽw. Ɛcɛ vũu yi n a Hɛsɩbon tẽw pʋɔ, vũu-zɛlɛ yi n a Sihon nãà yir pʋɔ. A dɩ n a Mowab tacɩlɛ, nɩ a po-to-fãw dem zuŋmamɛ.
À ŋá n'a a mãa Sore Naaŋmɩn yere: Ɩ̃ na sãw nɩ a Mɛmfisɩ tẽw ŋmɩn-bɛlɛbɛlɛ nɩ a dasuli za bɛr. Nɩr za kʋ̃ cãà be dɩrɛ naalʋ a Eziptɩ tẽw zu ɛ, ɩ̃ɩ na ɩ n dɛ̃bɩ̃ɛ lo a tẽw za pʋɔ.
Ɩ̃ na nyɩw nɩ a Eziptɩ tẽw bɛr. A bɛlɩ dem na kpɩɛr a Sin tẽw a na màwr'ɩ dɛ̃bɩ̃-mawfʋ. Bɛ na puo nɩ vʋɔr a Tɛb tẽ-kpɛ̃ɛ dacine ƴãw, ɛ́ kʋ̃ɔ na paal'a pàw a tẽ-kpɛ̃ɛ.
Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.
A Gadɩ bʋʋrɛ ƴãw a, a Moyiir tɩ yel'a: «A Sore tɛr'ɩ puoru, ʋl na kʋ̀ a Gadɩ zie ʋ yɛlmɛ a! A Gadɩ gã na mɛ̃ gbẽw a, ʋ 'wɔbr'ɩ a dʋ̃w ʋ na nyɔw a bawŋman nɩ a zu mɔ̃ mɩ̀.
