Zeremi 19:7 - A SƐB-SÕW

⁷ A zie ŋa tɛɛ za pʋɔ a, ɩ̃ na sãw nɩ a lɛ za a Zuda tẽw nɩ a Zerizalɛm tẽw nɩbɛ na cɔbrɩ a bɛr. Ɩ̃ na ɩ na a bɛ nɩbɛ kpi a zɛbr pʋɔ a bɛ dɔ̃ dem niŋé. A bɛlɩ dem na bɔbr a bɛ kũu a nɛbɛ ɩ̃ na ɩ n bɛ a lɛ. Ɩ̃ na kʋ̀ n a bɛ kũuni a sidume nɩ a gbõgbo-cili a dɩ a.

Zeremi 19:7 ပူးပေါင်းရင်းမြစ်များ

2 Na-mɩnɛ 21:14

Ɩ̃ na jɛ n a ɩ̃ nɩ-bʋʋrɛ nɩbɛ bɛl na cɛ a bɛr, ɩ̃ na ƴãw bɛ nɩ a bɛ dɔ̃ dem nuru pʋɔ, bɛ za a bɛ tẽw, fá n a bɛ bome za.

Zʋkpaɩ 21:30

Yã-bãwfʋ kãw za, yã kãw za nɩ tɩ́ɛrʋ kãw za bɛ ɩ bom a Sore niŋé ɩ.

Ɩzayi 29:14

Alɛ so ɩ na cãà cow maalɛ nɔ-ɓãa yele a bɛ zie. A bɛ yã-bãwnbɛ yã-bãwfʋ na tɔl'a gù, ɛ́ a bɛ yã dem yã bɔr.»

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

Zeremi 15:2

Ɛ́ bɛlɛ wa sowre fʋ: “Nyɩnɛ n'a a fɛr kɛ́ tɩ cen?” Fʋ na sɔw bɛ na: “À ŋá n'a a Sore yere: Ŋa za na mɩ́ tu n a ʋ sɔ́r. Bɛ mɩnɛ a, a na ɩ n a jɛ̀lmɛ̃ kũu, bɛ mɩnɛ a ɩ a zɛbr kũu, bɛ mɩnɛ a ɩ a kɔ̃ kũu, ɛ́ bɛ mɩnɛ a ɩ a bɛ tẽw bɛ na na ìr bɛ cen nɩ tẽ-yũo a!”

Zeremi 15:9

A pɔw ʋl na dɔw bibiir ayopõi a, bɛ cãà ɩ bom za ɩ. Ʋ vʋʋrɛ na guur. Ʋl zie a, a mʋ̃tɔ̃w kpɛ n a mʋ̃tɔ̃-tuo daarɩ́. Vĩ nyɔw ʋ na, ʋ bɛ cãà nyɛrɛ ƴãwfʋ ɛ. A bɛlɩ dem na cãà vʋʋrɛ a, ɩ̃ na ɩ na bɛ kpi zɛbr zie, a bɛ dɔ̃ dem niŋé.» À à ŋá n'a a Sore yel.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 18:21

A na ɩ lɛ a, ɩ kɛ̀ kɔ̃ lo a bɛ bibiir zu, a zɛbr-sɔ-kpɛ̃ɛ, ʋ kʋ bɛ fɔ̃w fɔ̃w. A bɛ pɔwbɛ, bɛ ta cãà tɛr a bɛ bibiir ɛ, bɛ lɩɛbɩ pɔw-kɔbɛ. Jɛ̀lmɛ̃ bàalʋ, ʋ kʋ a bɛ sɩrbɛ! A pɔlbili, bɛ kpi a zɛbr zie!

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 22:19

Bɛ na ũù ʋ na mɛ̃ bõw a. Bɛ na vu n a ʋ kũu tɩ lɔb bɛr zãá nɩ a Zerizalɛm tẽw dɩ̃dɛɛ.»

Zeremi 22:25

Ɩ̃ dier fʋ na ƴãwnɛ a bɛlɩ dem na bɔbr a fʋ kʋb a nuru pʋɔ, a nɩbɛ bɛl dɛ̃bɩ̃ɛ fʋ na zɔrɛ yaga za a, a Babɩlɔn tẽw nãà Nabikodonozɔɔr nɩ a ʋ zɛbr-nɩbɛ nuru pʋɔ.

Zeremi 32:28

A lɛ zũú a, a mãa, a Sore, ɩ̃ yere na: ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà, Nabikodonozɔɔr, nɩ a ʋ zɛbr-nɩbɛ nuru pʋɔ. Ʋ na zɛb'a de ʋ.

Zeremi 34:20

Ɩ̃ na de bɛ na ƴãw a bɛ dɔ̃ dem nuru pʋɔ, a bɛl na bɔbr a bɛ kʋb a. A bɛ ƴã-gamɛ na lɩɛb'ɩ sidume nɩ gbõgbo-cili bʋ̃-dɩrɩ.

Zeremi 46:26

Ɩ̃ na de bɛ na ƴãw a bɛlɩ dem na bɔbr a bɛ kʋb a nuru pʋɔ: a Babɩlɔn tẽw nãà, Nabikodonozɔɔr, nɩ a ʋ sojarɩ. Ɛcɛ, a pùorí a, nɩbɛ na lɛb'a wa, wa kpɩɛr a Eziptɩ tẽw pʋɔ mɛ̃ a dãwdãw a.» A Sore n'ʋ yel.

Zeremi 7:33

A nɩbɛ bɛ ŋa kũuni na lɩɛb'ɩ a sidume nɩ a gbõgbo-cili bʋ̃-dɩrɩ, ɛ́ nɩr za kʋ̃ be be mɩ́ diw a bɛr ɛ!

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Zeremi 8:8

Nyɩ yere na: «Yã-bãwnbɛ n'ɩ tɩ, tɩmɛ nɛbɛ tɛr a Sore wulu.» Ɛcɛ ŋmɩŋmɩn n'a nyɩ na tʋ̃ɔ́ yere a lɛ? A wulu bãw-bãw-karɩ ɩ n zir-ŋmarbɛ na ɩ a wulu bɛ cãà tori a.

Zeremi 8:9

Vĩ n'a a yã-bãwnbɛ zie. Bɛ bɛ bãw ŋmɩŋmɩn za n'a ɩ, bɛlɛ n'ɩ bɛ ŋa lo bɛra pʋɔ. Bɛ na bɛ bɔbr a Sore ƴɛ̀rʋ a, bʋ̃ʋ yel-ɩra n'ʋ a bɛ yã-bãwfʋ na tɛr a bɛ zie?

A Lãw-mʋɔlɛ 3:37

Ãa n'ʋ mɩ́ ƴɛ̀r, ɛ́ a bome be? A Sore bɛ n'ʋ mɩ́ yel ɛ?

Levitɩ mɩnɛ 26:17

Ɩ̃ na ìr'ɩ a nyɩ ƴãw, ɛ́ a nyɩ dɔ̃ dem na tʋ̃ɔ́ nyɩ na. A bɛlɩ dem na hɩ̃ɛn nyɩ a na so nyɩ na, ɛ́ nyɩ na mɩ́ lɩɛb'a zɔrɛ nɩr saa bɛ diwr nyɩ a.

Levitɩ mɩnɛ 26:25

Ɩ̃ na ɩ na zɛbr lo a nyɩ zu a ɩ̃ wõ-taa nyɩ na ɩ k'ʋ sãw a ƴãw. Nyɩ na zɔ na kpɛ a nyɩ tẽ-bɛrɛ pʋɔ. Ɩ̃ na ɩ na a jɛ̀lmɛ̃ bàalʋ páw nyɩ, ɛ́ a nyɩ dɔ̃ dem na so nyɩ na.

Ʋrɔm 3:31

A pãa ɩ lɛ, a sàw-deb zũú, tɩ yel k'aa Wulu bɛ cãà tɛr pɛr towtow ʋ? Lɛ bɛ n'a ɩ, tɩ nɩ̃ɛ na ɩ a Wulu pɛr sɩza ʋ sãá.

Ʋrɔm 4:14

A bɛlɩ dem na sàwr a Wulu a tɛwr wa nɛbɛ páwr a bome a Naaŋmɩn na yel k'ʋʋ na tɩr a a, a sàw-deb bɛ cãà tɛr pɛr ɛ, ɛ́ a lɛ a Naaŋmɩn na yel a bɛ cãà pʋɔ ɩ.

1 Samɩɛl 17:46

A dɩ̃a tɔr za a, a Sore na ƴãw fʋ nɩ a ɩ̃ nuru pʋɔ, ɩ̃ na ŋmɛ b'a kʋ, ɛ́ cɛ b a zu ŋmãa. A dɩ̃a tɔr za a, ɩ̃ na ɩ na a Filisɩtɛ̃ zɛbr-nɩbɛ lɩɛbɩ saa-zu lili nɩ wɛ-dʋn dɩb. Lɛ n'a a tẽw za na bãw k'aa Ɩsɩrayɛl tɛr'ɩ Naaŋmɩn.