Zeremi 19:5 - A SƐB-SÕW

⁵ Bɛ cɔbr'ɩ zi-tuo a ŋmɩn Báàl ƴãw, kɛ́ bɛ mɩ́ nyɩw a bɛ bidɛbr maal'ɩ bàwr kʋ̀ ʋ. Ɛcɛ, ɩ̃ bɛ tɩ ƴãw nʋɔr à á ŋá ƴãw ɛ, ɩ̃ bɛ dãw ƴɛ̀r a ƴɛ̀rʋ ɛ, ɩ̃ bɛ dãw tɛr a tɩɛrʋ ɛ.»

Zeremi 19:5 ပူးပေါင်းရင်းမြစ်များ

2 Na-mɩnɛ 17:17

Bɛ nyɩw nɩ a bɛ bidɛbr nɩ a bɛ pɔwyaar maal'ɩ bàwr. Bɛ tu n tɩtɩblʋ nɩ a nɩ-daar-yele-bãwfʋ ɩ-ɩrɩ pùor. Bɛ tu n ɩ-ɩrɩ na bɛ vɩɛl a Sore zie a pùor, sãw a ʋ suur.

2 Na-mɩnɛ 21:6

Ʋ tɩ nyɩw nɩ a ʋ bidɛb maal'ɩ bàwr, ʋ tɩ tu n a tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr a ɩrɛ a lɛ na bɛ vɩɛl a Sore zie a, a Sore suur tɩ ìr.

2 Bibie za yel-manɩ 28:3

Ʋl mɩŋa tɩ tɩr'ɩ tɩ-suur-zɔ̃-na-nyùur-vla-vla-a de-kʋ̀b bom a Bɛn-Hinom fʋɔla pʋɔ, ɛ́ ƴãw bɛ nyɩw a ʋ bidɛbr maal'ɩ bàwr. A nɩ-bʋʋrɛ bɛl a Sore na tɩ diw k'aa Ɩsɩrayɛl nɩbɛ tʋ̃ɔ́ de a tẽw a, a bɛ ɩ-faar na bɛ maal'ɩ wob a, alɛ n'a a nãà Akaazɩ tɩ cɔwrɛ.

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Ezekɩɛl 16:36

À ŋá n'a a mãa Sore Naaŋmɩn yere: Fʋ wul'ɩ fʋ tʋɔra ɩ ƴã-gã-kpãkpol fʋ za, fʋ ɩ na bɛ nyɛ̃ a fʋ ƴã-gan ziir za, fʋ na tõ a pɔw-yɛm tome nɩ a fʋ sɛnbɛ nɩ a ŋmɩn-bɛlɛbɛlɛ na bɛ vɩɛl towtow a zũú. Mɔ̃ mɩ̀, fʋ kʋ n a fʋ bibiir kʋ̀ a fʋ ŋmɩmɛ.

Ezekɩɛl 20:26

Ɩ̃ tɩ bɛr bɛ na bɛ ɩ dɛwr dem. Bʋ̃ʋ n'ʋ vɛ̃, bɛ tɩ cɔbr'ɩ de-kʋ̀b bome na tɩ fɛr bɛ bɛ kʋ a bɛ bidɛb-dan a. Ɩ̃ tɩ bɔbr'a kɛ́ dɛ̃bɩ̃ɛ kpɛ a bɛl mɩŋa a lɛ bɛ na tɩ ɩrɛ a zũú. Lɛ n'a bɛ tɩ bãw kɛ́ mãa n'ɩ a Sore.»

Ezekɩɛl 38:10

A mãa Sore Naaŋmɩn yere na, a daar ŋa wa ta a, tɩɛr-yaga na waar'ɩ a fʋ zu, ɛ́ fʋ na tɩɛr'ɩ faa maalʋ tɩɛrʋ.

Levitɩ mɩnɛ 18:21

«Fʋ kʋ̃ de a fʋ bie kãw tɩr bɛ nyɩw a ŋmɩn Molɛkɩ ƴãwfʋ ƴãw ɛ, a ɩ̃ yúor'ʋ fʋ na sãw a lɛ. Mãa n'ɩ a Sore, a nyɩ Naaŋmɩn.»

Sɔr-nɛ́ɛ 22:41

A bio daarɩ́ biɓaara a, a Balakɩ tɩ tɛr'ɩ a Balaam do n Bamɔtɩ-Baal. A Balaam tɩ àr'ɩ a be, ɛ́ nyɛ̃ a Ɩsɩrayɛl nɩbɛ ŋmãa.

Wulu-ayi-sob 12:31

Nyɩmɛ wa puore a Sore nyɩ Naaŋmɩn a, nyɩ taa cɔwrɛ bɛ ɩ. Bʋ̃ʋ n'ʋ vɛ̃, a alɩ bome nɛ na kpɛ faa bɛ maal'ɩ wob a Sore zie a, bɛ maalɛ a nɩ a bɛ ŋmɩmɛ ƴãw, mɩ́ tɛr tɩ nyɩw a bɛ bidɛbr nɩ a bɛ pɔwyaar maal'ɩ bàwr kʋ̀ a bɛ ŋmɩmɛ.