Zeremi 19:3 - A SƐB-SÕW

³ Fʋ na tɩ yel'a: A nyɩɩm Zuda tẽw na-mɩnɛ nɩ a nyɩɩm na kpɩɛr a Zerizalɛm a, nyɩ bɛrɛ wone a Sore ƴɛ̀rʋ. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na kɛ̀ dɔwrʋ na ɩ dɔwrʋ a páw a tẽw ŋa, kɛ̀ pʋl-vʋ̃ɔ mɩ́ nyɔw nɩr na na wone bɛ ƴɛ̀rɛ a ʋ ƴɛ̀rʋ a.

Zeremi 19:3 ပူးပေါင်းရင်းမြစ်များ

Sɛb-sõw yielu 102:15

A tɩɩm fʋ tõ-tõ-biir nɔnɛ nɩ a ʋ kʋsɛbɛ, a ʋ tanɛ tɛɛ za ɩrɛ tɩ nɩ nɩbaalʋ.

Sɛb-sõw yielu 110:5

A Sore be n a fʋ dʋrʋ lowr. Ʋ mɩ́ taal'ɩ na-mɩnɛ kʋ a ʋ suur bibir.

Sɛb-sõw yielu 2:10

Ƴɛrɛŋa a, nyɩɩm na-mɩnɛ ɛ, nyɩ zanɩ yã, tẽ-daa ƴɛ̀r-dɩrbɛ ɛ, nyɩ sàw bɛ wul nyɩ.

Ɩzayi 28:19

Lɛn daar za ʋ na na mɩ́ tɔl a, ʋ na mɩ́ nyɔw nyɩ na. Bʋ̃ʋ n'ʋ vɛ̃, ʋ na mɩ́ tɔl'ɩ a biɓaarɛ za, a mʋ̃tɔ̃w nɩ a tɩ̃ɩsɔw, ɛ́ a na mɩ́ ɩ n pʋl-vʋ̃ɔ tɛwr fʋ̃ʋ wa bãw a yel fʋ na wõ a pɛr a.

Zeremi 13:18

Yel kʋ̀ a nãà nɩ a nãà mã: «Nyɩ zɩ̃ tẽw, bʋ̃ʋ n'ʋ vɛ̃, a nyɩ nãà-kpawɔ-vla yi n a nyɩ zũú lo.

Zeremi 17:20

Fʋ na yel bɛ nɩ à ŋá: Zuda tẽw na-mɩnɛ ɛ, Zuda tẽw nɩbɛ nɩ a nyɩɩm za na kpɩɛr a Zerizalɛm, ɛ́ tuur a dɩ̃dɛɛ á ŋá ƴãw kpɩɛr a, nyɩ bɛr wõ a Sore ƴɛ̀rʋ.

Zeremi 18:11

Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 25:29

Bʋ̃ʋ n'ʋ vɛ̃, a tẽ-kpɛ̃ɛ ɩ̃ na so a n'ʋ ɩ̃ tine nɩ a kpɩɛrʋ ɩ̃ na na ɩ a wa a, ɛ́ nyɩɩm kʋ̃ pʋɔ ɩ? Aɩ, ɩ̃ bɛ bɛrɛ nyɩ ɛ. Ɩ̃ bɛrɛ nɩ a zɛbr a waar a tẽ-daa nɩbɛ za zu. A mãa Sore, a kpɛnʋ-za-sob'ʋ yel.»

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 44:3

À á ŋá za ta na, a faa bɛ na maalɩ ƴãw a ɩ̃ suur ìr a zũú. Bʋ̃ʋ n'ʋ vɛ̃, bɛ cen na tɩ maalɩ bagɛ kʋ̀ ŋmɩn-yoru ɛ́ maalɩ a. Ɛcɛ bɛ bɛ bãw a ŋmɩmɛ á ŋá ɩ. Lɛb waar mɩ̀, a nyɩɩm nɩ a nyɩ sãàkʋm-kore mɩ́ bɛ tɩ bãw a ɩ.

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

Ezekɩɛl 7:5

À ŋá n'a a Sore Naaŋmɩn yere: A kpɩɛrʋ waar'a, kpɩɛrʋ na bɛ tɛr tɔ a!

Matie 10:18

Bɛ na tɛr nyɩ na cen nɩ Ʋrɔm tẽw na-kpɛ̃ɛ-lɩɛrbɛ nɩ na-mɩnɛ niŋé a mãa ƴãw, kɛ́ nyɩ tɩ dɩ a nyɩ dãsɩɛ a bɛl nɩ a nɩ-bʋʋr-yoru niŋé.

Yel-wula 2:29

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a.»

1 Samɩɛl 3:11

A Sore tɩ yel'ɩ a Samɩɛl: «Ɩ̃ na ɩ n bʋ̃-kãw a Ɩsɩrayɛl bʋʋrɛ pʋɔ, kɛ̀ nɩr za wa wõ ʋ a, pʋ̀lá ʋ̃ʋ vʋ̃ɔ ʋ mɛ̃ saa na mɩ́ tanɩ a.