Zeremi 19:2 - A SƐB-SÕW

² Tu a Kʋseli dɩ̃dɔr ƴãw yi cen a Hinom fʋɔla pʋɔ. A be a, fʋ na tɩ hier'ɩ a ʋlɩ bom nɛ ɩ̃ na na yel kʋ̀ b a.

Zeremi 19:2 ပူးပေါင်းရင်းမြစ်များ

2 Na-mɩnɛ 23:10

A Zozɩasɩ tɩ ɩ na a Tofɛtɩ, na be a Hinom bà-fʋɔla pʋɔ a, ʋ sãw, kɛ́ nɩr ta mɩ́ lɛb cãà tʋ̃ɔ́ nyɩw a ʋ bidɛb bɩɩ a ʋ pɔwyaa a be, maal'ɩ bàwr kʋ̀ a ŋmɩn Molɛkɩ ɛ.

2 Bibie za yel-manɩ 28:3

Ʋl mɩŋa tɩ tɩr'ɩ tɩ-suur-zɔ̃-na-nyùur-vla-vla-a de-kʋ̀b bom a Bɛn-Hinom fʋɔla pʋɔ, ɛ́ ƴãw bɛ nyɩw a ʋ bidɛbr maal'ɩ bàwr. A nɩ-bʋʋrɛ bɛl a Sore na tɩ diw k'aa Ɩsɩrayɛl nɩbɛ tʋ̃ɔ́ de a tẽw a, a bɛ ɩ-faar na bɛ maal'ɩ wob a, alɛ n'a a nãà Akaazɩ tɩ cɔwrɛ.

2 Bibie za yel-manɩ 33:6

Ʋ tɩ nyɩw nɩ a ʋ bidɛbr maal'ɩ bàwr a Bɛn-Hinom fʋɔla pʋɔ, ʋ tɩ tu n tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr'a ɩrɛ a lɛ na bɛ vɩɛl a Sore zie a, a Sore suur tɩ ìr.

Neemi 3:29

A nidaa a, Ɩmɛɛr bidɛb Sadɔkɩ n'ʋ mɩ̀ tɩ tõ a tome tori nɩ a ʋ yir. A ʋ niŋé a, a bɛl na tɩ tone a n'ɩ bɛ ŋa: Sekanɩa bidɛb Semaya na ɩ a Saa-pɛrɩ́ dɩ̃dɔ-gùre a,

Zeremi 1:7

Ɛcɛ a Sore tɩ yel mɛ̃ na: «Ta yel kɛ́: “Ɩ̃ ɩ n pɔlbil-vɛlvɛl lɛ” ɩ. Zie nɛ za ɩ̃ na tone fʋ a, fʋ na cen nɩ a be. Fʋ na tɩ yel'ɩ bom nɛ za ɩ̃ na yel kɛ́ fʋ yel a.

Zeremi 11:6

A Sore tɩ cãà na yel mɛ̃: «Cen tɩ hieri a ƴɛ̀r-bie á ŋá za a Zuda tẽ-bɛrɛ pʋɔ nɩ a Zerizalɛm sɛ́ɛ pʋɔ: “Nyɩ bɛrɛ wone a wõ-taa ŋa ƴɛ̀r-bie ɛ́ tuur a.

Zeremi 18:2

«Zeremi i, ìr a ƴɛrɛŋa siw a yawr-mɩɛrɛ zie. Be n'a ɩ̃ na tɩ ɩ fʋ wõ a ɩ̃ ƴɛ̀rʋ.»

Zeremi 26:2

«À ŋá n'a a mãa, a Sore, yere: Cen tɩ àr a Ŋmɩn-yir-kpɛ̃ɛ davʋra pʋɔ. Ƴɛ̀r a ƴɛ̀rʋ ŋa kʋ̀ a bɛlɩ dem za na mɩ́ yi a Zuda tẽ-bɛrɛ za pʋɔ wa puori a Sore yir ŋa pʋɔ a. Ƴɛ̀r a ƴɛ̀rʋ al za ɩ̃ na na yel kɛ́ fʋ ƴɛ̀r kʋ̀ bɛ a. Taa íre ƴɛ̀r-bir-been bɛrɛ ɩ.

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Zeremi 7:2

Àr a Ŋmɩn-yir-kpɛ̃ɛ dɩ̃dɔr ƴãw, ɛ́ hieri a ƴɛ̀rʋ á ŋá a be: «Nyɩ bɛrɛ wone a Sore ƴɛ̀rʋ, a nyɩɩm Zuda tẽw nɩbɛ za na tuur a dɩ̃dɔr ŋa ƴãw kpɩɛr a ɩ̃ puoru a.

Zonasɩ 3:2

«Ìr cen a Nɩnɩɩvʋ tẽ-kpɛ̃ɛ pʋɔ, tɩ hieri a ƴɛ̀rʋ ɩ̃ na kʋ̀ b a kʋ̀ ʋ.»

Matie 10:27

Bom nɛ ɩ̃ na mɩ́ yel kʋ̀ nyɩ lige pʋɔ a, nyɩ mɩ́ yel ʋ cãàmɩ́, ɛ́ bom nɛ bɛ na mɩ́ waalɩ ƴãw a nyɩ tobe pʋɔ a, nyɩ mɩ́ do gàrʋ́ hier'ʋ.

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Nɩ-toni 5:20

«Nyɩ cen a Ŋmɩn-yir-kpɛ̃ɛ pʋɔ tɩ be a be hiere a nyɔ-vʋʋrʋ ƴɛ̀r-bie á ŋá za kʋ̀rɛ a nɩbɛ!»

Zozue 15:8

Lɛ n'a ʋ tɩ lɛb do a Hinom fʋɔla, a Zebizitɩ mɩnɛ tãw sɩɛmɩ́, a saa-pɛrɩ́-dʋrʋ-lowr, a be a Zerizalɛm na be a. Al pùorí ʋ lɛb do a tãw na be a Hinom fʋɔla mʋ̃tɔ̃w-kpɛb-lowr a nyʋɔrɩ́, nɩ a Erefayitɩ mɩnɛ fʋɔla saa-pɛrɩ́-gʋba-lowr saa-zu za.