Zeremi 19:13 - A SƐB-SÕW

¹³ A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Zeremi 19:13 ပူးပေါင်းရင်းမြစ်များ

2 Na-mɩnɛ 17:16

Bɛ zawr'ɩ a Sore bɛ Naaŋmɩn nɛ-ƴãwnɩ za bɛr, bɛ nyɩl'ɩ kure maal'ɩ náli ayi, bɛ bà n dà-bara, bɛ puor'ɩ a salom zu bʋ̃-nyɩwrɩ za, ɛ́ maalɩ a Báàl.

2 Na-mɩnɛ 23:10

A Zozɩasɩ tɩ ɩ na a Tofɛtɩ, na be a Hinom bà-fʋɔla pʋɔ a, ʋ sãw, kɛ́ nɩr ta mɩ́ lɛb cãà tʋ̃ɔ́ nyɩw a ʋ bidɛb bɩɩ a ʋ pɔwyaa a be, maal'ɩ bàwr kʋ̀ a ŋmɩn Molɛkɩ ɛ.

2 Na-mɩnɛ 23:12

Ʋ tɩ ƴãw na bɛ ŋmɛr a bàwr-maal-kube, a Zuda tẽw na-mɩnɛ na tɩ ƴãw bɛ mɛ a Akaazɩ diru garɛ zu a, bɛr, nɩ a al a Manase na tɩ mɛ a Ŋmɩn-yir-kpɛ̃ɛ davʋrɩ a za ayi pʋɔ a. Ʋ tɩ ƴãw na bɛ ŋmɛr a bɛr a be, ɛ́ wob a bʋ̃-ŋmaarɛ tɩ lɔb bɛr a Sedrɔ̃ bà-fʋɔla pʋɔ.

2 Na-mɩnɛ 23:14

A Zozɩasɩ tɩ ƴãw na bɛ ŋmɛr a kʋsɛ-teli bɛr, cɛ̀ a dà-barɩ ŋma, ɛ́ yaarɩ nɩsaal kɔbɛa ziir al a bome á ŋá na tɩ dãw be a.

Sɛb-sõw yielu 74:7

Bɛ nyɩw nɩ a fʋ zi-sõw bɛr, bɛ da n a fʋ kpɛb zie lɔb ɛ́ dɛw ʋ bɛr.

Sɛb-sõw yielu 79:1

Sɛb-sõw yielu Asafʋ na maalɩ a. Naaŋmɩn i, a nɩ-bʋʋr-yoru wa na wa yɛ́r pàw a zie fʋ na só a, bɛ dɛw nɩ a fʋ yir-sõw bɛr, bɛ ɩ na a Zerizalɛm yie lɩɛbɩ deboru.

Ɩzayi 22:1

Ƴɛ̀rʋ na ƴɛ̀r a “Yel-nyɛra fʋɔla” ƴãw a. Zerizalɛm i, bʋ̃ʋ n'ʋ so a fʋ nɩbɛ za do a gàrɛ zu?

Zeremi 19:12

Ɩ̃ na ɩ na a tẽ-kpɛ̃ɛ ŋa nɩ a ʋ nɩbɛ bɛ ŋmɛ̃ taa nɩ a Tafɛtɩ, a Sore n'ʋ yel.

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 44:18

Ɛcɛ, tɩ na wa bɛr bɛ cãà nyɩwr a tɩ-suur-zɔ̃-na-nyùur-vla-vla-a ɛ́ bɛ dier a divɛ̃ de-kʋ̀b kʋ̀rɛ a salom pɔw-nãà a, tɩ bɛ tɛr bom za ɩ, ɛ́ a zɛbr nɩ a kɔ̃ kʋrɛ tɩ.»

Zeremi 52:13

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr, baa zuo a za a nɩ-tɩbrɛ yie.

Zeremi 7:18

A bibiir wobr'ɩ dali, a sãà mɩnɛ gbɔwr vũu, ɛ́ a pɔwbɛ nawr zɔ̃ kɛ́ bɛ maal'ɩ gato kʋ̀ a salom zu Pɔw-nãà. Al pùorí bɛ dier divɛ̃ kʋ̀rɛ ŋmɩn-sãanbɛ, ɩrɛ a kpɩɛr mɛ̃.

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Nɩ-toni 10:9

A bio daarɩ́, bɛ na tɩ lo a sɔ́r pɩɛlɛ a Zope a, a Pɩɛr ʋl tɩ do n a gàrʋ́ k'ʋʋ tɩ puori. A tɩ manɛ na mɛ̃ gbãgbãw daar a.

Nɩ-toni 7:42

Lɛ n'a a Naaŋmɩn gùr pùor cɔw bɛ, ɛ́ bɛr bɛ bɛ su zu maalɛ a salom zu bʋ̃-caalɩ, a tu a lɛ a naaŋmɩn-ƴɛ̀r-manbɛ na tɩ sɛb yel a: “Ɩsɩrayɛl yir nɩbɛ ɛ, yome lɩz'a ayi za nyɩ na kpɛ a wɛja-kpalɛ pʋɔ a, nyɩ kʋ n dʋn kʋ̀ m ɩ? Nyɩ maal'ɩ bàwr kʋ̀ m ɩ?

Wulu-ayi-sob 4:19

Nyɩmɛ wa jɩ́rɛ a mʋ̃tɔ̃w, a cuw nɩ a ŋmar-bie nɩ a bʋ̃-nyɩwrɩ za na be a salom zu a, a taa wa ƴãw nyɩ nyɩ puore a ɛ́ maalɛ a ɩ. A tẽ-daa nɩ-bʋʋrɛ na cɛ a nɛbɛ a Sore nyɩ Naaŋmɩn kʋ̀ a ɩ-ɩrɩ á ŋá.