Zeremi 18:23 - A SƐB-SÕW

²³ Ɛ́ a fʋ̃ʋ, Sore e, fʋ bãw nɩ a bɛ nɩ-kʋ yele al za bɛ na cɔbrɛ a ɩ̃ ƴãw a. Ta dɩ a bɛ yel-bier suur ɛ, ta ír a bɛ sãwna bɛr ɛ. Bɛ lo a fʋ niŋé! Ɩ ɩb kãw a bɛ ƴãw a fʋ suur daar!

Zeremi 18:23 ပူးပေါင်းရင်းမြစ်များ

Sɛb-sõw yielu 119:126

Ɩ ɩb kãw, Sore e, a daar ta na: bɛ zawr'ɩ a fʋ wulu.

Sɛb-sõw yielu 35:4

A bɛlɩ dem na bɔbr a ɩ̃ kũu a, bɛ nyɛ̃ vĩ, bʋnɩ àr lɛ! A bɛlɩ dem na tɩɛrɛ a faa a ɩ̃ ƴãw a, bɛ lɛb tɩ̃wnɩ pùor, ɛ́ vĩ nyɔw bɛ!

Sɛb-sõw yielu 56:8

A ɩ-faa ŋa ƴãw, bɛ ɩ ŋmɩn cɩ̃ɛ? Naaŋmɩn i, nyɔw a nɩbɛ bɛ ŋa nɩ suur lɔb tẽw!

Sɛb-sõw yielu 59:5

Ɩ̃ bɛ sãw ɛ, ɛ́ bɛ zɔrɛ waar, bɛ cɔbrɛ. Ìr tuori mɛ̃, ɛ́ jɩ́r nyɛ̃!

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 2:9

Alɛ n'a so a nɩsaalbɛ za na gũu zu, ɛ́ bɛ siwri bɛ. Sore e, taa dɩrɛ suur kʋ̀rɛ bɛ ɩ.

Zeremi 11:23

A ʋlɩ yũon nɛ ɩ̃ na na ìr a Anatɔtɩ tẽw dem ƴãw, ɩ a faa páw bɛ a, nɩr za bɛ cɩ̃ɛnɛ ɩ.»

Zeremi 15:15

Ɛcɛ fʋ̃ʋ a, Sore e, fʋ bãw nɩ bom za na càarɩ mɛ̃ a, tɛr a ɩ̃ tɩɛrʋ, ɩ ɩb kãw a ɩ̃ ƴãw. Yáa a san a bɛlɩ dem na dɔwrɛ mɛ̃ a zie. Ta bɛr mɛ̃ k'ɩ̃ wone tuo fʋ na nyɔwr fʋ tʋɔra a bɛ ƴãw a zũú ɛ. Bãwnɩ a, a fʋ zũú n'a ɩ̃ sàw a zʋmɛ.

Zeremi 17:18

Vĩ, a nyɔw a bɛlɩ dem na dɔwrɛ mɛ̃ a, ɛ́ bɛr a mãa! Dɛ̃bɩ̃ɛ, a tɛr bɛ bɛ màwr, ɛ́ bɛr a mãa! Ɩ a kpɩɛrʋ bibir wa a bɛ zu, sãw bɛ bɛr pelẽpelẽ!

Zeremi 17:4

A na fɛr'a kɛ́ nyɩ bɛr a tẽw nyɩ na so a, a ʋl ɩ̃ na tɩ kʋ̀ nyɩ a. Ɩ̃ na ɩ na nyɩ ɩ a nyɩ dɔ̃ dem gbãgbaar tẽ-yũo nyɩ na bɛ bãw a pʋɔ. Bʋ̃ʋ n'ʋ vɛ̃, nyɩ ɩ na a ɩ̃ suur vũu 'le, ɛ́ na dɩrɛ kʋralɛ.»

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 26:11

A bàwr-maalbɛ nɩ a naaŋmɩn-ƴɛ̀r-manbɛ tɩ yel'ɩ a tẽw nɩ-bɛrɛ nɩ a nɩbɛ za zie: «A nɩr ŋa sɛwnɩ nɩ kũu! Bʋ̃ʋ n'ʋ vɛ̃, ʋ ƴɛ̀r'ɩ a tẽ-kpɛ̃ɛ ŋa sãwfʋ ƴɛ̀rʋ. Nyɩ mɩŋa za wõ a na!»

Zeremi 26:8

A Zeremi na tɩ ƴɛ̀r a ƴɛ̀rʋ, a Sore na tɩ ƴãw a nʋɔr kʋ̀ ʋ k'ʋʋ ƴɛ̀r kʋ̀ a nɩbɛ a, wa baarɩ a, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za tɩ nyɔw ʋ na ɛ́ yere: «Fʋ sɛwnɩ nɩ kũu!»

Zeremi 37:15

A nɩ-bɛrɛ tɩ nyɛ̃ nɩ nɩ a Zeremi suur ɛ́ pɔb ʋ. Al pùorí bɛ pàw ʋ a sɛ-sɛbrɛ Yehonatan yir bɛ na tɩ nyɔw lɩɛbɩ ʋ ɩ gaso a pʋɔ.

Zeremi 38:4

A pùorí a, a tõ-tõ-bi-bɛrɛ tɩ yel'ɩ a nãà Sedesɩasɩ: «Bɛ kʋ a Zeremi! Bʋ̃ʋ n'ʋ vɛ̃, a ʋ ƴɛ̀rʋ pʋɔ a, ʋ ɩrɛ nɩ a zɛbr-nɩbɛ na cãà be a tẽ-kpɛ̃ɛ pʋɔ, nɩ a tẽw nɩbɛ za kanyir báarɛ. A bɛ ɩ a tẽw nɩbɛ vla n'a ʋ bɔbr ɛ, a bɛ faa n'a.»

Zeremi 6:15

Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 6:21

A lɛ pʋɔ a, à ŋá n'a a Sore yere: Ɩ̃ na ƴãw nɩ bom a nɩbɛ bɛ ŋa niŋé, na na ɩ bɛ ŋmɛ gbɛ́r a ʋ ƴãw lo a. Bɛ za na lãw na kpi: a sãà mɩnɛ, a bɛ bibiir, a bɛ sɩman dem nɩ a bɛ bárɩ.»

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

A Lãw-mʋɔlɛ 3:60

Fʋ nyɛ̃ nɩ a lɛ bɛ na yáa a san a ɩ̃ zu a, fʋ nyɛ̃ nɩ a lɛ za bɛ na cɔbrɩ a ɩ̃ ƴãw a.

A Lãw-mʋɔlɛ 3:61

Sore e, fʋ wõ n a zʋmɛ bɛ na tʋʋr a, nɩ a lɛ za bɛ na cɔbrɩ a ɩ̃ ƴãw a.

Luka 21:22

A alɩ bibie nɛ pʋɔ, a Naaŋmɩn na ɩ na kpɩɛrʋ páw a ʋ nɩ-bʋʋrɛ. Lɛ n'a a yele al za na sɛb a na tu.

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,