Zeremi 18:20 - A SƐB-SÕW

²⁰ Bɛ mɩ́ maal'ɩ faa yáa nɩ vla a? Bɛl a, bɛ tuw nɩ bɔw kɛ́ bɛ ɩ ɩ̃ lo. Ɛcɛ, lɛb tɩɛrɩ ɩ̃ na tɩ àr a fʋ niŋé k'ɩ̃ɩ ƴɛ̀r a bɛ vla ƴãw, ɩ a fʋ suur ʋ zãá nɩ bɛ a.

Zeremi 18:20 ပူးပေါင်းရင်းမြစ်များ

A Zɔb sɛbɛ 6:27

Nyɩ na tʋ̃ɔ́ na ŋmɛ gbãw de bi-kpieb, ɛ́ sàw nyɔw a nyɩ bá kʋɔrɩ!

Sɛb-sõw yielu 106:23

Lɛ n'a a Naaŋmɩn tɩ yel k'ʋʋ na kʋ bɛ na pàw pɛr. Ɛcɛ a ʋ nɩ-kaa-íra Moyiir tɩ ŋmãa na yi àr a ʋ niŋé, bɛ sàw ʋ na kʋ bɛ pàw pɛr nɩ suur ɛ.

Sɛb-sõw yielu 119:95

Nɩ-faar gù na kɛ́ bɛ ŋmɛ m lɔb, ɛcɛ a lɛ fʋ na yel a zie n'a mãa cɛlɛ.

Sɛb-sõw yielu 35:12

Bɛ mɩ́ maalɩ mɛ̃ nɩ faa yáa a vla san, mãa n'ɩ ŋan ɩ ɩ̃ yõ tẽtẽ.

Sɛb-sõw yielu 35:7

Ɩ̃ bɛ ɩ bom ɛ, ɛ́ bɛ cɔbrɩ bɛra a ɩ̃ ƴãw, bɛ tuw nɩ bɔw k'ɩ̃ɩ wa lo a ʋ pʋɔ.

Sɛb-sõw yielu 38:20

A ɩ̃ dɔ̃ dem vʋʋrɛ nɩ vla ɛ́ kpɛmɛ, bɛ yãwmɛ na na hɩ̃ɛn mɛ̃ zawla a.

Sɛb-sõw yielu 57:6

Ìr do gãw a salom, Naaŋmɩn i, a fʋ yúor-vɩɛlʋ-danʋ, ʋ nyɩwrɛ pàw a tẽw za!

Sɛb-sõw yielu 7:15

Ʋlɛ n'ɩ ŋan ŋmãa a ʋ ɩ-faar sɩɛ, tɛr a yel-faa pʋɔ, ɛ́ dɔwr a ziri.

Zʋkpaɩ 17:13

Sob nɛ na mɩ́ maalɩ a faa yáa a vla a, kpɩɛrʋ bɛ be na yi zaa a ʋ yir ɛ.

Zʋkpaɩ 26:27

Nɩr na tuwr bɔw a na lo n a ʋ pʋɔ. Nɩr na bile kʋsɩɛr a, a kʋsɩɛr na lɛb'a wa lo dĩ ʋ.

Ekilezɩasɩ 10:8

Nɩr na tuwr bɔw a na tʋ̃ɔ́ na lo a ʋ pʋɔ, ɛ́ nɩr na wɛlɛ dacin a, waab na tʋ̃ɔ́ na cɛ ʋ.

Zeremi 11:14

Ɛ́ a fʋ̃ʋ Zeremi a, taa zɛlɛ bom kãw za a nɩbɛ bɛ ŋa ƴãw ɛ, taa ɩrɛ kɛ̀ puoru bɩɩ yãayãa zɛlʋ kãw za dúor waar a ɩ̃ zie a bɛ ƴãw ɛ. Bʋ̃ʋ n'ʋ vɛ̃, ɩ̃ kʋ̃ bɛr wõ bɛ a lɛn daar bɛ nãà wa be a bɛ kpɩɛrʋ pʋɔ ɛ́ bʋɔlɛ mɛ̃ a ɩ.»

Zeremi 14:20

Sore e, tɩ sàw na kɛ́ tɩ bɛ tõ vla ɩ, tɩ sàw nɩ a tɩ sãàkʋm-kore sãwna. Tɩ sãw fʋ na.

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Zeremi 17:18

Vĩ, a nyɔw a bɛlɩ dem na dɔwrɛ mɛ̃ a, ɛ́ bɛr a mãa! Dɛ̃bɩ̃ɛ, a tɛr bɛ bɛ màwr, ɛ́ bɛr a mãa! Ɩ a kpɩɛrʋ bibir wa a bɛ zu, sãw bɛ bɛr pelẽpelẽ!

Zeremi 18:19

Ɛcɛ fʋ̃ʋ a, Sore e, wul kɛ́ fʋ cɛlɛ nɩ a ɩ̃ yele zie. Bɛr wõ a bɛlɩ dem na yere k'ɩ̃ɩ sãw na a ƴɛ̀rʋ.

Zeremi 18:22

Bɛ wone kpɩɛrʋ gɔmɛ a bɛ yie pʋɔ, a lɛn daar fʋ nãà wa bɛr nɩbɛ na yãwmɛ ɛ́ tɛr zɛbr bome bɛ ùr wa a bɛ ƴãw a! Bʋ̃ʋ n'ʋ vɛ̃, bɛ tuw nɩ bɔw kɛ́ bɛ nyɔw nɩ mɛ̃, bɛ sɔwl'ɩ bɛrɩ a ɩ̃ gbɛ́ɛ ƴãw.

Zeremi 27:18

«Bɛlɛ wa sɩrɩ ɩ a naaŋmɩn-ƴɛ̀r-manbɛ a, bɛlɛ wa sɩrɩ tɛr a Sore ƴɛ̀rʋ na ƴɛ̀r a Sore yúor ƴãw a, bɛ̃ɛ nɩ̃ɛ lɔb nuru zɛlɩ nɩ a Sore, a kpɛnʋ-za-sob, k'ʋʋ ta bɛr bɛ tuo a bʋ̃-vɩɛlɩ na cãà cɛ be a Ŋmɩn-yir-kpɛ̃ɛ pʋɔ, a Zuda tẽw nãà yir pʋɔ nɩ a Zerizalɛm a, cen nɩ a Babɩlɔn ɛ.

Zeremi 5:26

Bʋ̃ʋ n'ʋ vɛ̃, nɩ-faar be n a ɩ nɩbɛ pʋɔ. Bɛ mɩ́ sɔwl'a gù mɛ̃ mʋ̃ɔ pʋɔ lili-nyɔwrbɛ a. Bɛ ƴãw nɩ bɛrɩ kɛ́ bɛ nyɔw nɩ a nɩsaalbɛ.

Zeremi 7:16

A fʋ̃ʋ Zeremi a, taa zɛlɛ bom kãw za a nɩbɛ bɛ ŋa vla ƴãw ɛ, taa puore bɩɩ lɔbr nuru a bɛ ƴãw ɛ, taa wa dɩ tuo bàlɛ fʋ tʋɔra a ɩ̃ zie ɩ, bʋ̃ʋ n'ʋ vɛ̃, ɩ̃ kʋ̃ bɛr wo b ɛ.

A Lãw-mʋɔlɛ 3:59

Sore e, nyɛ̃ a lɛ bɛ na ɩ a kpɛ m a, ɩ a ɩ̃ dem de!

Zã 10:32

Ɛcɛ a Yeezu tɩ lɛb'a yel bɛ: «Ɩ̃ wul nyɩ nɩ tõ-vɩɛlɩ yaga na yi a ɩ̃ Sãà zie a. A tõ-vɩɛlɩ á ŋá buor sob ƴãw n'a nyɩ bɔbr kɛ́ nyɩ lɔb'ɩ mɛ̃ a kʋsɛbɛ?»

Zã 15:25

Ɛcɛ à á ŋá za ɩ na kɛ́ a ƴɛ̀r-bir ŋa na sɛb a bɛ Naaŋmɩn wulu sɛbɛ pʋɔ a tʋ̃ɔ́ tu: “Zawlalɛ n'a bɛ tɩ hɩ̃ɛn mɛ̃.”

1 Samɩɛl 19:4

A Zonatã tɩ mʋʋr'ɩ a Daviir a ʋ sãà Sawul zie, al pùorí ʋ yel: «Nãà, taa ɩrɛ sãwnɛ a fʋ tõ-tõ-bie Daviir ƴãw ɛ, bʋ̃ʋ n'ʋ vɛ̃, ʋ bɛ ɩ sãw fʋ ɛ, a fʋ vla ƴãw n'a ʋ nɩ̃ɛ ɩ bom za wa tɔ a dɩ̃a.