Zeremi 18:18 - A SƐB-SÕW

¹⁸ A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 18:18 ပူးပေါင်းရင်းမြစ်များ

2 Samɩɛl 15:31

Nɩr kãw tɩ yel'a kʋ̀ a Daviir, k'aa Ahitofɛl pʋɔ nɩ a nɩbɛ na bʋ-taa a pʋɔ, a Abɩsalɔm zie. Lɛ n'a a Daviir tɩ yel: «Sore e, ɩ̃ zɛlɛ fʋ na, ɩ a yã a Ahitofɛl na wule a, ɩ dãbolu!»

2 Samɩɛl 17:14

A Abɩsalɔm nɩ a Ɩsɩrayɛl nɩbɛ tɩ yel'a: «A Arkitɩ dɔɔ, Husaɩ, yã vɩɛl a zuo a Ahitofɛl dem.» Bʋ̃ʋ n'ʋ vɛ̃, a Sore tɩ yel'a k'ʋʋ ŋmɛ a Ahitofɛl yã-vla lɔb, ɛ́ ɩ kpɩɛrʋ páw a Abɩsalɔm.

1 Na-mɩnɛ 22:24

Lɛ n'a Kenaana bidɛb, Sidikiyahu, tɩ taw ta ɓa a Mise a kɔrɩ́, ɛ́ yel: «Nyɩn lowr'a a Sore Vʋʋrʋ tu a ɩ̃ zie yi wa ƴɛ̀rɛ a fʋ zie?»

2 Bibie za yel-manɩ 24:21

Lɛ n'a a nɩbɛ tɩ bʋ taa a Zekarɩa ƴãw, ɛ́ a nãà ƴãw bɛ lɔb'ɩ ʋ kʋsɛbɛ a Sore yir-kpɛ̃ɛ davʋra pʋɔ.

A Zɔb sɛbɛ 5:13

Ʋlɛ n'ʋ mɩ́ nyɔw a yã-bãwnbɛ a bɛ cɩbɛ bɛrɩ pʋɔ, ɛ́ mɩ́ de niwn bãw a nɩsaal-libelibe pʋ-tɩɛrʋ.

Sɛb-sõw yielu 21:11

Fʋ na ɩ na bɛ bɛ cãà tɛr wɔm a tẽw zu ɛ, ɛ́ a bɛ bʋʋrɛ baarɩ a nɩsaalbɛ pʋɔ.

Sɛb-sõw yielu 52:2

A Edɔm tẽw Dowɛgɩ na tɩ cen tɩ yel kʋ̀ a Sawul, k'aa Daviir cen nɩ a Ahimelɛkɩ zie a yele n'a.

Sɛb-sõw yielu 57:4

Ʋ́ be a salom zu ɛ́ tɩr a faafʋ kʋ̀ m, ʋ́ ɩ a sob nɛ na bɛ bɛrɛ mɛ̃ a, ʋ nyɛ̃ vĩ, Tɛw-àrʋ ʋ́ tɩr a ʋ nɔ̃wfʋ nɩ a ʋ yel-mɩŋa.

Sɛb-sõw yielu 64:3

Sɔwlɩ mɛ̃ zãá nɩ a po-to-dem na bʋ̀rɛ taa a ɩ̃ ƴãw a, zãá nɩ a yel-fa-maalbɛ na ƴɛ̀rɛ wone taa a ɩ̃ ƴãw a.

Zʋkpaɩ 18:21

A ƴɛ̀rʋ pʋɔ n'a a kũu nɩ a nyɔ-vʋʋrʋ yire. Sob nɛ na nɔnɛ a ƴɛ̀rʋ a, a fɛr'a k'ʋʋ mɩ́ sàw a yele a ƴɛ̀rʋ na waar'ɩ a.

Ɩzayi 32:7

A nɩ-bɛ-tɛr-bir ʋl a, a ʋ ɩ-ɩrɩ mɩ́ ɩ n nɩ-kʋ ɩ-ɩrɩ. Ʋ mɩ́ cɔbr'ɩ cɔbrʋ k'ʋʋ ŋma ziri kʋ n a nan dem. Ɛcɛ a bãbàalbɛ bɛ ŋa a, a alɩ bome nɛ ƴãw bɛ na tɛr sɔ́r a, al tɛwr'a bɛ mɩ́ yel kɛ́ bɛ kʋ̀ bɛ.

Zeremi 1:19

Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Zeremi 18:11

Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 18:19

Ɛcɛ fʋ̃ʋ a, Sore e, wul kɛ́ fʋ cɛlɛ nɩ a ɩ̃ yele zie. Bɛr wõ a bɛlɩ dem na yere k'ɩ̃ɩ sãw na a ƴɛ̀rʋ.

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 26:11

A bàwr-maalbɛ nɩ a naaŋmɩn-ƴɛ̀r-manbɛ tɩ yel'ɩ a tẽw nɩ-bɛrɛ nɩ a nɩbɛ za zie: «A nɩr ŋa sɛwnɩ nɩ kũu! Bʋ̃ʋ n'ʋ vɛ̃, ʋ ƴɛ̀r'ɩ a tẽ-kpɛ̃ɛ ŋa sãwfʋ ƴɛ̀rʋ. Nyɩ mɩŋa za wõ a na!»

Zeremi 37:13

Ʋ na tɩ ta a Bɛ̃zamɛ dɩ̃dɔr ƴãw a, ʋ tɩ tuor'ɩ a soja-zi-gùrbɛ nɩ-kpɛ̃ɛ na dɩ kɛ́ Yiriya a. A Yiriya tɩ ɩ n Selemɩa bidɛb, ɛ́ ɩ Hananɩa yãw. Ʋ tɩ nyɔw nɩ a naaŋmɩn-ƴɛ̀r-manɛ Zeremi yel ʋ: «Zɔba n'a fʋ zɔrɛ cere a Babɩlɔn tẽw nɩbɛ zie!»

Zeremi 43:2

Lɛ n'a Hosaya bidɛb, Azarɩa, Karea bidɛb, Yohanan nɩ a nɩbɛ bɛl za na ɩrɛ pɔ̀lʋ a, tɩ yel a Zeremi: «Zir-ŋmarɛ nɛ b! A Sore tɩ Naaŋmɩn bɛ tõ fʋ a tɩ zie, kɛ́ fʋ wa yel tɩ à ŋá ɩ: “Nyɩ taa wa cere a Eziptɩ tẽw tɩ kpɩɛr naayir ɛ.”

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Zeremi 8:8

Nyɩ yere na: «Yã-bãwnbɛ n'ɩ tɩ, tɩmɛ nɛbɛ tɛr a Sore wulu.» Ɛcɛ ŋmɩŋmɩn n'a nyɩ na tʋ̃ɔ́ yere a lɛ? A wulu bãw-bãw-karɩ ɩ n zir-ŋmarbɛ na ɩ a wulu bɛ cãà tori a.

A Lãw-mʋɔlɛ 3:62

Bibie za a, a ɩ̃ dɔ̃ dem ƴɛ̀rʋ nɩ a tɩɛrʋ bɛ mɩ́ vɩɛl a ɩ̃ ƴãw ɛ.

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

Levitɩ mɩnɛ 10:11

bɩɩ mɩ́ tʋ̃ɔ́ wul a Ɩsɩrayɛl nɩbɛ a nɛ́ɛ ɩ̃ na ƴãw a Moyiir kʋ̀ bɛ a.»

Mise 3:6

A na ɩ à ŋá a, a bʋ̃-nyɛrɩ nʋɔr kʋ na! Zie na sɔb'a pàw nyɩ, naaŋmɩn-ƴɛ̀r-manbɛ ɛ. Nɩdaar yele yelu baar'a! Lige na pili na pàw nyɩ mɛ̃ a lɛ mʋ̃tɔ̃w na mɩ́ wa kpɛ baar'a, ɛ́ nyɩ na be n lige pʋɔ.»

Mise 3:7

A bʋ̃-nyɛrɩ nyɛrbɛ na nyɛ̃ nɩ vĩ, vĩ na ɩrɛ nɩ a bàwr-bʋwrbɛ, bɛ za na pàw nɩ a bɛ niŋe, a Naaŋmɩn na bɛ cãà sɔwr bɛ a ƴãw.

Malasɩ 2:7

Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Luka 11:45

A lɛ n'a Naaŋmɩn wulu bãw-bãw-kara kãw tɩ yel a Yeezu: «Wul-wul-kara a, fʋ̃ʋ wa ƴɛ̀rɛ à ŋá a, tɩɩm n'a fʋ mɩ̀ tʋʋr ƴãw pʋɔ!»

Zã 9:40

A Faarizɩ̃ɛ mɩnɛ na tɩ be a ʋ zie a, ɛ́ wõ a ƴɛ̀r-bie á ŋá a, bɛ tɩ sowr'ʋ na: «A tɩɩm mɩ̀, tɩ mɩ̀ ɩ n zɔn bɩɩ?»