Zeremi 18:17 - A SƐB-SÕW

¹⁷ A dɔ̃ sob wa tarɛ a, ɩ̃ na diw nɩ a ɩ̃ nɩ-bʋʋrɛ yaarɩ, mɛ̃ a lɛ a saa-pɛrɩ́ sɛsɛb na mɩ́ de a uuru cen nɩ a. A bɛ kpɩɛrʋ bibir a, ɩ̃ na wul bɛ nɩ a ɩ̃ kpaar, ʋ kʋ̃ ɩ a ɩ̃ niwn ɛ.»

Zeremi 18:17 ပူးပေါင်းရင်းမြစ်များ

A Zɔb sɛbɛ 27:21

Saa-pɛrɩ́ sɛsɛb ɓáw ʋ na tɔlɛ cere nɩ, ʋ fu n nɩ fãw ír ʋ a ʋ yir.

Sɛb-sõw yielu 48:7

Dɛ̃bɩ̃ɛ mawfʋ tɩ nyɔw bɛ nɩ a be, bɛ ŋmɩɩlɛ mɛ̃ pɔw na dɔwr a,

Zʋkpaɩ 24:16

A nɩ-mɩŋa na tʋ̃ɔ́ na lo ta gb'a ayopõi, ʋʋ na mɩ́ lɛb'a ìr, ɛcɛ a kpɩɛrʋ mɩ́ ɩ n a nɩ-faar bɛ lo.

Zeremi 13:24

Ɩ̃ na ɩ na nyɩ yaarɩ cen a ziir za mɛ̃ mɔ̃-kon a wɛja-kpalɛ pʋɔ sɛsɛb na de cen nɩ a.

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Zeremi 46:21

A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.

Ezekɩɛl 27:26

A fʋ gbor-duwrbɛ tɛr fʋ na cen nɩ a kʋ̃ɔ-zulu pʋɔ, ɛ́ a kʋ̃ɔ-kpɛ̃ɛ sɔwlɩsɔw a, a saa-pɛrɩ́ sɛsɛb ŋmɛ b'a ka.

Ezekɩɛl 7:22

Ɩ̃ kʋ̃ ɩ ɩb za bɛlɛ wa dɛw a ɩ̃ na-bom bɛr a ɩ. Nyãnyu-nɩ-kʋrbɛ na wa na wa ɩ ʋ tɛr dɛwr.

A naaŋmɩn-ƴèr-manɛ Oze sɛbɛ 13:15

A Efarayim yele za saa maalɛ vla a ʋ yɛbr sɔgɔ a, ɛcɛ saa-pɛrí sɛsɛb na wa na, Sore sɛsɛb na yi wɛja-kpalɛ pʋɔ a na wa na wa ɩ a bul-nɛ́ɛ nɩ a kʋ̃ɔ-'wɔ̃wfʋ zie a ko gã. Bɛ na faa nɩ a na-bome za, a bʋ̃-vɩɛlɩ vɩɛlɩ za cen nɩ.

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Wulu-ayi-sob 31:17

Ɩ̃ na nyɛ̃ nɩ bɛ nɩ suur a al ƴãw, ɩ̃ na jɛ bɛ na bɛr, ɩ̃ na gùr'ɩ pùor cɔw bɛ. Lɛ n'a a nɩ-bʋʋr-yoru na vɔl bɛ. Kpɩɛrʋ nɩ wʋ̀ʋr na lo n bɛ zu. A lɛn daar'a a Ɩsɩrayɛl nɩbɛ na yel bɛ tʋɔra: “A kpɩɛrʋ á ŋá wa páw tɩ a, a tɩ Naaŋmɩn na bɛ cãà be a tɩ sɔgɔ a bɛ n'a so ɩ?”

Wulu-ayi-sob 32:35

Ɩ̃ na yáa nɩ a san, ɩ̃ na ya bɛ na tu n a bɛ ɩb, a bɛ loba bibir wa vɩɛ a. A kpɩɛrʋ bibir ŋa bɛ cɛlɛ ɩ, a bɛ loba bibir pɩɛl'a.