Zeremi 18:11 - A SƐB-SÕW

¹¹ Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 18:11 ပူးပေါင်းရင်းမြစ်များ

Yele-za-pɛr-tib 11:7

Alɛ! Tɩ siw tɩ ŋmɛ a bɛ ƴɛ̀rʋ nyaw taa bɛ ta cãà wone taa ƴɛ̀rʋ ɛ.»

1 Na-mɩnɛ 22:23

A Mise tɩ yel a ƴãw pʋɔ, a na ɩ à ŋá a Sore ƴãw ziri vʋʋrʋ a fʋ naaŋmɩn-ƴɛ̀r-manbɛ za nɛ̃ɛ́ a, a wul'a k'aa ʋl mɩŋa ƴɛ̀r'ɩ faa ƴɛ̀rʋ a fʋ ƴãw baarɩ.»

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

2 Na-mɩnɛ 22:13

«Nyɩ cen tɩ sowri a Sore kaa, mãa nɩ a Zuda nɩbɛ za ƴãw, a sɛbɛ ŋa bɛ na nyɛ̃ a ƴɛ̀r-bie ƴãw. Bʋ̃ʋ n'ʋ vɛ̃, a tɩ sãàkʋm-kore bɛ bɛr wõ a sɛbɛ ŋa ƴɛ̀r-bie ɩ, bɛ bɛ tu a alɩ bome nɛ za na sɛb a ʋ pʋɔ a ɩ. A na ɩ à ŋá a, a Sore na nyɛ̃ nɩ tɩ nɩ suur yaga za.»

2 Na-mɩnɛ 5:5

A nãà yel ʋ: «Cen a be. Ɩ̃ na kʋ̀ b'ɩ sɛb-tʋɔla fʋ tɩ kʋ̀ a Ɩsɩrayɛl tẽw nãà.» Lɛ n'a a Naaman tɩ yi, tɛr ta salm-pla kilo kɔbr ata (300), salm-zɩɛ kilo lɩz'a ata nɩ cuw kparɩ pie cen nɩ.

Ɩzayi 5:5

Ƴɛrɛŋa a, ɩ̃ na yel'ɩ ʋlɩ bom nɛ ɩ̃ na na ɩ a ɩ̃ divɛ̃ tɩɩr púo a kʋ̀ nyɩ: ɩ̃ na ír'ɩ a dàbáw bɛr a dʋn 'wɔb a tɩɩr váar. Ɩ̃ na dáa nɩ a dacin na viiri koli ʋ a lɔb, a sɔr-tɔlbɛ nɛb ʋ.

Ɩzayi 57:1

Bɛ kʋrɛ nɩ a nɩ-mɩn, ɛ́ nɩr bɛ cɛlɛ be ɩ. A nɩ-vɩɛlɩ báarɛ na, ɛ́ nɩr bɛ bãwnɩ a ɩ. Ʋ̃ʋ, a nɩ-mɩn báarɛ na a nɩ-faar po-tuolu zũú.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 19:3

Fʋ na tɩ yel'a: A nyɩɩm Zuda tẽw na-mɩnɛ nɩ a nyɩɩm na kpɩɛr a Zerizalɛm a, nyɩ bɛrɛ wone a Sore ƴɛ̀rʋ. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na kɛ̀ dɔwrʋ na ɩ dɔwrʋ a páw a tẽw ŋa, kɛ̀ pʋl-vʋ̃ɔ mɩ́ nyɔw nɩr na na wone bɛ ƴɛ̀rɛ a ʋ ƴɛ̀rʋ a.

Zeremi 25:2

A naaŋmɩn-ƴɛ̀r-manɛ Zeremi tɩ yel'ɩ a Zuda tẽw dem za nɩ a bɛlɩ dem na kpɩɛr a Zerizalɛm a:

Zeremi 25:5

Ʋ yel nyɩ na: “A nyɩ kãw za, ʋ lɩɛbɩ a ʋ ɩb na bɛ vɩɛl a, ʋ bɛr a ʋ ɩ-faar! Lɛ n'a nyɩ na kpɩɛr a tẽw ŋa a Sore na kʋ̀ nyɩ, a nyɩɩm nɩ a nyɩ sãàkʋm-kore a koro kãw za nɩ kʋralɛ a.

Zeremi 26:13

Ƴɛrɛŋa a, nyɩ cere cenu ɛ́ ɩrɛ ɩb na sɛw taa nɩ a. Nyɩ bɛrɛ wone a lɛ a Sore nyɩ Naaŋmɩn na yere a, ʋʋ na lɛb'a bɛr a kpɩɛrʋ ʋ na tɩ yel k'ʋʋ na ƴãw nyɩ na a.

Zeremi 26:3

Kapaw bɛ na bɛr'a wõ ɛ́ ŋa za mɩ́ bɛr a ʋ nyɔ-vʋʋr-faa. Ɩ̃ bɔbr'a k'ɩ̃ɩ ƴãw bɛ dɔwrʋ a faa bɛ na maalɛ a zũú. Ɛcɛ bɛlɛ wa bɛr wõ a, ɩ̃ na lɩɛb'ɩ a ɩ̃ tɩ́ɛrʋ.

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 36:3

Kapaw a Zuda tẽw nɩbɛ nãà wa bãwnɩ a na ɩ̃ na bɔbr k'ɩ̃ɩ ɩ a faa páw bɛ a, ɛ́ ŋa za na bɛr'ɩ a ʋ ɩb na bɛ vɩɛl a. A lɛ pʋɔ a, ɩ̃ na dɩ n a bɛ sãwna nɩ a bɛ yel-bebe suur kʋ̀ bɛ.»

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 4:1

A Sore yere na: «Ɩsɩrayɛl i, fʋ̃ʋ wa lɛbr waar a, fʋ̃ʋ lɛb wa a ɩ̃ zie, fʋ̃ʋ wa ír a fʋ tɩb-faar faar bɛr a ɩ̃ niŋé a, fʋ kʋ̃ cãà ɩ nɩ-cɔla ɩ.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Zeremi 4:23

Ɩ̃ jɩ́rɛ nɩ a tẽw: ʋ ɩ n vuo ɛ́ bɛ tɛr ŋmɛ̃a ɩ, ɛ́ a salom cãà bɔr.

Zeremi 4:6

Nyɩ zɛw bãwfʋ bom ʋ sãá a Sɩyɔ̃ tẽw lowr! Nyɩ cen tɩ sɔwlɩ! Nyɩ taa tɛwr àrɛ sɔ́r zu ɛ! Bʋ̃ʋ n'ʋ vɛ̃, ɩ̃ na ɩ na faa yi a saa-pɛrɩ́-gʋba-lowr waar, kpɩɛrʋ kpɛ̃ɛ n'ʋ.

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.

Zeremi 7:3

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ ɩ a nyɩ cenu nɩ a nyɩ ɩ-ɩrɩ a vɩɛl. Lɛ n'a ɩ̃ na tʋ̃ɔ́ bɛr nyɩ nyɩ kpɩɛr a tẽw ŋa.

Ezekɩɛl 13:22

A nyɩ ziri zũú, nyɩ ɩ na nɩ-mɩn kanyir baarɩ, bɛl ɩ̃ na bɛ tɩ bɔbr k'ɩ̃ɩ maalɩ faa a. Nyɩ mʋʋrɩ nɩ nɩ-faar ƴãw bɛ be a bɛ ɩ-faar pʋɔ, ɛ́ à à ŋá n'a nyɩ ɩ kũu jɩɛrɛ a bɛ nyɔ-vʋʋrʋ.

Ezekɩɛl 18:23

A nɩ-faa kũu nyɛ́b nɔ̃w ɩrɛ mɛ̃ nɩ nʋ̃ɔ̀ bɩɩ? Ɩ̃ yere na kʋ̀rɛ nyɩ, a mãa, a Sore Naaŋmɩn: a ʋlɩ bom nɛ ɩ̃ na bɔbr'a, ʋlɛ n'ɩ k'ʋʋ lɩɛbɩ a ʋ ɩb ɛ́ vʋʋrɛ.

Zonasɩ 3:8

A nɩsaalbɛ nɩ a dʋn, bɛ su vʋɔrɩ kparɩ, bɛ kone kpɛ̃w za cɔwr a Naaŋmɩn, ɛ́ ŋa za mɩ́ lɛb bɛr a ɩ-faar nɩ a po-to-fãw-ɩb al ʋ na ɩ sãw a.

Mise 2:3

Alɛ n'a so a Sore yere: «Ɩ̃ cɔbrɛ nɩ kpɩɛrʋ a nyɩɩm bɛ ŋa taabɛ ƴãw, nyɩ bɛ cɩ̃ɛnɛ ɩ, nyɩ kʋ̃ cãà mɩ̀ lɛb dʋɔ zu cere nɩ ɛ. Bʋ̃ʋ n'ʋ vɛ̃, a nɩdaar na waar a na ɩ n kpɩɛrʋ daar.»

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Zakɩ 4:13

Ƴɛrɛŋa a, nyɩ bɛrɛ wone, nyɩɩm na yere kɛ́: «Dɩ̃a bɩɩ bio, tɩ na cen nɩ tẽ-kpɛ̃ɛ ŋa pʋɔ, tɩ maalɩ yũon a be, yɛ̀r yɛ̀rʋ́ páw libie a.»

Zakɩ 5:1

Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw!