Zeremi 17:5 - A SƐB-SÕW

⁵ À ŋá n'a a Sore yere: «Ŋmɛ-ƴãw, a páw a sob nɛ na ƴãw a ʋ tɩɛrʋ a nɩsaal ƴãw a, na bɔbr a ʋ fãw a nɩsaal bʋ̃-tɛrɩ pʋɔ, ɛ́ a ʋ socir zãá nɩ mɛ̃ a!

Zeremi 17:5 ပူးပေါင်းရင်းမြစ်များ

2 Bibie za yel-manɩ 16:12

A Asa naalʋ-dɩb yome lɩzɛr'ɩ pie nɩ awaɩ daar, gbɛ́ɛ bàal-faa kãw tɩ nyɔw ʋ na, ɛcɛ ʋ tɩ bɛr'ɩ a Sore sõwfʋ bɔb, ɛ́ bɔbr sanʋ a dɔwtarɩ zie.

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

Sɛb-sõw yielu 18:21

A Sore ɩrɛ nɩ à ŋá a ɩ̃ zie, a ɩ̃ mɩnʋ zũú, ʋ ɩrɛ mɛ̃ nɩ à ŋá, a ɩ̃ nuru tõ-vɩɛlɩ ƴãw.

Sɛb-sõw yielu 62:9

Nɩbɛ ɛ, nyɩ mɩ́ ɓãá ƴãw bɛr nyɩ tʋɔra kʋ̀ ʋ kʋralɛ, nyɩ mɩ́ ƴɛ̀r a nyɩ pʋɔ ƴɛ̀rʋ kʋ̀ ʋ. A Naaŋmɩn n'ɩ a tɩ sɔwlʋ zie! Tɛw-àrʋ

Ɩzayi 2:22

A na ɩ à ŋá a, nyɩ bɛr a nɩsaal, pɩɛlʋ tɛwr'ʋ a nyɔbɔwɛ pʋɔ. A ʋ pɛr pãa n'ɩ bo a?

Ɩzayi 20:5

A bɛlɩ dem na tɩ ƴãw a bɛ tɩɛrʋ a Etiopi tẽw ƴãw, bɩɩ pɔrɛ nɩ a Eziptɩ tẽw sõwfʋ a, pʋl-vʋ̃ɔ na tɛr bɛ na ɛ́ vĩ nyɔw bɛ.»

Ɩzayi 36:6

A Eziptɩ tẽw ƴãw n'a fʋ ƴãw a fʋ tɩɛrʋ, a bàa-kɛkɛr-kaba ŋa na mɩ́ nyɩ̀r sob nɛ za na mɩ́ yel k'ʋʋ nyɔw ʋ kɛ́ àr a nũu a. À ŋá n'a a Eziptɩ tẽw nãà, Faarawɔ̃, ŋmɛ̃ a bɛlɩ dem na mɩ́ ƴãw a bɛ tɩɛrʋ a ʋ ƴãw a zie!

Ɩzayi 59:15

A yel-mɩŋa bɔr'a, ɛ́ sob nɛ na zawrɛ a faa maalʋ a, mɩ́ ɩ na bɛ fa a ʋ bome za. A Sore nyɛ̃ nɩ à á ŋá za. Ʋ nyɛ̃ na k'aa ɩrɛ a lɛ-na-tu-sɔr-a na bɛ ka be a, ʋ ɩ n yel-faa.

Zeremi 11:3

Fʋ na yel bɛ na: “À ŋá n'a a Sore, a Ɩsɩrayɛl Naaŋmɩn, yere: ŋmɛ-ƴãw, a páw sob nɛ na bɛ bɛrɛ wone a wõ-taa ŋa ƴɛ̀r-bie a!

Ezekɩɛl 6:9

Bɛ na tɛr'ɩ a ɩ̃ tɩɛrʋ a nɩ-bʋʋrɛ bɛl sɔgɔ bɛ na na diw bɛ cen nɩ a. Bɛ na lɛb'a tɩɛrɩ a lɛ ɩ̃ na tɩ sãw a bɛ soci-faar na bɛ tu m'a bɛr, ɛ́ kpol a bɛ mimie na jɩ́rɛ a ŋmɩmɛ a bɛr a. Lɛ n'a a bɛl mɩŋa vʋla kʋ̃ ɩrɛ bɛ ɩ, a ɩb na bɛ maal'ɩ wob bɛ na ɩ a ƴãw.

A naaŋmɩn-ƴèr-manɛ Oze sɛbɛ 1:2

A ƴɛ̀rʋ a Sore na ƴãw a Oze ƴɛ̀r kʋ̀ a ʋ nɩ-bʋʋrɛ a tib zie n'ɩ a ka. A Sore tɩ yel'ɩ a Oze: «Cen tɩ de ŋmɩmɛ maalʋ-ziir pɔw-yɛm, dɔw nɩ ŋmɩmɛ maalʋ-ziir pɔw-yɛm bibiir. Bʋ̃ʋ n'ʋ vɛ̃, a tẽw nɩbɛ na zawrɩ a mãa Sore bɛr a, pɔw-yɛm ɩ-ɩrɩ tɛɛ za n'a bɛ ɩrɛ.»