Zeremi 17:27 - A SƐB-SÕW

²⁷ Ɛcɛ nyɩmɛ bɛ wa bɛr wõ m a, nyɩmɛ bɛ wa sàw de a pɩ̃ɛnʋ-bibir kʋ̀ m ʋ ɩ a ɩ̃ bibir a, nyɩmɛ wa tuore tuor yire nɩ a Zerizalɛm dɩ̃dɛɛ ƴãw a pɩ̃ɛnʋ-bibir a, ɩ̃ na ƴãw nɩ vũu a tẽ-kpɛ̃ɛ ŋa. A vũu na dɩ n a ʋ yir-vɩɛlɩ vɩɛlɩ ɛ́ kʋ̃ kpiiri ɛ.»

Zeremi 17:27 ပူးပေါင်းရင်းမြစ်များ

2 Na-mɩnɛ 22:17

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru, a bɛ tɩbɛ ɩ na a ɩ̃ suur ìr. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

2 Na-mɩnɛ 25:9

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr. Ʋ tɩ nyɩw nɩ a nɩ-tɩbrɛ za yie bɛr.

2 Bibie za yel-manɩ 36:19

A Babɩlɔn tẽw dem tɩ nyɩw nɩ a Ŋmɩn-yir-kpɛ̃ɛ bɛr, ɛ́ ŋmɛ a Zerizalɛm dacĩ-kpɛ̃ɛ lɔb, ɛ́ nyɩw a yir-vɩɛlɩ vɩɛlɩ bɛr, ɛ́ sãw a tẽw bʋ̃-vɩɛlɩ vɩɛlɩ za bɛr.

Sɛb-sõw yielu 122:7

A ƴã-ɓaarʋ, ʋ be a fʋ pʋɔ, ɛ́ a fʋ yir-vɩɛlɩ vɩɛlɩ gã zoom!

Ɩzayi 1:20

Ɛcɛ nyɩmɛ wa zawrɩ a, nyɩmɛ wa cãà gaarɩ a, a zɛbr-sɔ-kpɛ̃ɛ n'ʋ na dɩ nyɩ.» À ŋá n'a a Sore ƴɛ̀r.

Ɩzayi 1:31

A nɩr na tɛr fãw a na lɩɛb'a ɩ mɛ̃ mʋ̃ɔ a, ɛ́ a ʋ ɩ-ɩrɩ ɩ vũu-zele. Bɛ za ayi na lãw na dɩrɛ, ɛ́ nɩr kʋ̃ tʋ̃ɔ́ kpiiri a vũu ŋa ɩ.

Zeremi 17:24

A Sore yere na: «Ɛcɛ a nyɩɩm a, nyɩ bɛrɛ wone vla. A pɩ̃ɛnʋ-bibir a, nyɩ taa ɩrɛ tuor a yire a tẽ-kpɛ̃ɛ ŋa dɩ̃dɛɛ ƴãw ɛ, nyɩ de a bibir ŋa kʋ̀ m ɛ́ taa tone ton kãw za ɩ.

Zeremi 17:4

A na fɛr'a kɛ́ nyɩ bɛr a tẽw nyɩ na so a, a ʋl ɩ̃ na tɩ kʋ̀ nyɩ a. Ɩ̃ na ɩ na nyɩ ɩ a nyɩ dɔ̃ dem gbãgbaar tẽ-yũo nyɩ na bɛ bãw a pʋɔ. Bʋ̃ʋ n'ʋ vɛ̃, nyɩ ɩ na a ɩ̃ suur vũu 'le, ɛ́ na dɩrɛ kʋralɛ.»

Zeremi 18:1

A Sore tɩ ƴɛ̀r'ɩ a Zeremi zie yel ʋ à ŋá:

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 21:14

A Sore yere na: Ɩ̃ na ɩ nyɩ na mɛ̃ a lɛ a nyɩ ɩ-ɩrɩ na sɛw taa nɩ a. Ɩ̃ na ƴãw nɩ vũu a sɛɛdɩr tɩɩr tuw, ʋ na dɩ n bom za na jil koli ʋ a.

Zeremi 22:5

Ɛcɛ nyɩmɛ bɛ wa bɛrɛ wone a ƴɛ̀rʋ á ŋá a, à ŋá n'a a mãa, a Sore, yere: ɩ̃ pɔrɛ nɩ nɩ a mãa mɩŋa, a yir ŋa na lo na lɩɛbɩ kʋsɛbɛ na gbõ taa a.»

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zeremi 49:27

Ɩ̃ na nyɩw nɩ a Damasɩ tẽ-kpɛ̃ɛ. Ɛ́ a vũu na dɩ n a Bɛn-Hadadɩ nãà yir.»

Zeremi 52:13

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr, baa zuo a za a nɩ-tɩbrɛ yie.

Zeremi 6:17

Ɩ̃ ƴãw nɩ zi-gùrbɛ kɛ́ bɛ tʋ̃ɔ́ mɩ́ yel à ŋá kʋ̀ bɛ: Nyɩmɛ wa wõ a ɩɩl a, nyɩɩm cɛlɛ be! Ɛcɛ bɛ yel'a: “Tɩ kʋ̃ cɛlɛ be ɩ.”

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

A Lãw-mʋɔlɛ 2:6

Ʋ kpɛ n nɩ fãw a ʋ zie na ŋmãa pàw a pʋɔ. Ʋ sãw nɩ a zie ʋl ʋ na mɩ́ tɩ tuori tɩ a bɛr. A Sɩyɔ̃ tẽw a, a Sore ɩ na bɛ yiiri a cuwr bibie nɩ a pɩ̃ɛnʋ-bibie bɛr. A ʋ su-tʋlʋ pʋɔ a, ʋ jewr'ɩ a nãà nɩ a bàwr-maalbɛ.

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 16:41

bɛ na nyɩw nɩ a fʋ yie. Bɛ na ɩ n a ƴɛ̀rʋ bɛ na dɩ n fʋ ƴãw fʋ a dɔwrʋ a ʋ tu pɔw-yaga yaga mimirí. Ɩ̃ na ɩ n a fʋ pɔw-yɛm tome nʋɔr kʋ, ɛ́ fʋ kʋ̃ lɛb tʋ̃ɔ́ mɩ́ ya a fʋ sɛnbɛ ɩ.

Ezekɩɛl 21:15

Nɩ-yaga yaga ƴãw n'a bɛ saalɩ ʋ, bɛ kàr ʋ na ʋ nyɩwrɛ pɩn pɩn.

Ezekɩɛl 21:3

Fʋ na yel bɛ na kɛ́ bɛ bɛrɛ wone a ƴɛ̀rʋ a mãa Sore Naaŋmɩn na ƴɛ̀rɛ a saa-pɛrɩ́-dʋrʋ-lowr tuw zie a: Ɩ̃ na nyɩw nɩ vũu na na dɩ a tɩ-ɓaar nɩ a tɩ-kon za a. A vũu-zɛlɛ bɛ tɛr nãà kpiiri ɛ, ɛ́ a nɩbɛ za na dɩ na, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.

Ezekɩɛl 22:8

Bɛ jewre nɩ a ɩ̃ bʋ̃-son, bɛ ɩ n a ɩ̃ pɩ̃ɛnʋ-bibie tɛr dɛwr.

Ezekɩɛl 23:38

À á ŋá tɛwr bɛ na bɛ ɩ ɛ! Bɛ dɛw nɩ a ɩ̃ zi-sõw bɛr, ɛ́ ɩ a pɩ̃ɛnʋ-bibir ɩ̃ na so a la: à á ŋá za bibi-been!

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

Amɔsɩ 1:10

ɩ̃ na ƴãw nɩ vũu a Tɩ́ɩ̀r tẽw dacine, ʋʋ na dɩ n a ʋ yir-vɩɛlɩ vɩɛlɩ.»

Amɔsɩ 1:12

ɩ̃ na nyɩw nɩ a Teman tẽw bɛr, ɛ́ ƴãw vũu dɩ a Bɔsɩra tẽw yir-vɩɛlɩ vɩɛlɩ.»

Amɔsɩ 1:14

ɩ̃ na ƴãw nɩ vũu a Araba tẽw, ʋʋ na dɩ n a ʋ yir-vɩɛlɩ vɩɛlɩ za, zɛbr bibir zɛbr cɛlsɩ pʋɔ nɩ saa-sɛsɛb pʋɔ.

Amɔsɩ 1:4

À á ŋá zũú, ɩ̃ na ƴãw na vũu dɩ a nãà Hazayɛl yir, vũu na dɩ n a nãà Bɛn-Hadadɩ yir.

Amɔsɩ 1:7

ɩ̃ na ƴãw nɩ vũu a Gaza tẽw dacine, ʋʋ na dɩ n a ʋ yir-vɩɛlɩ vɩɛlɩ.

Amɔsɩ 2:2

Ɩ̃ na nyɩw nɩ a Mowab tẽw bɛr ɛ́ ƴãw vũu dɩ a Keriyɔtɩ tẽw yir-vɩɛlɩ vɩɛlɩ. Damnʋ pʋɔ n'a a Mowab na kpi, a lɛn daar bɛ na lɔbr zɛbr cɛlsɩ pɛblɛ nɩ wɩ́ɛ a.

Wulu-ayi-sob 32:22

Sɩza n'a, a ɩ̃ suur ìr'ɩ kel mɛ̃ vũu a, ʋ dɩ na tɩ sãá a kpɩmɛ tẽw. Ʋ dɩrɛ nɩ a tẽsɔw bʋ̃-bule za, ʋ dɩrɛ nɩ a tan sɩɩr.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.