Zeremi 17:25 - A SƐB-SÕW

²⁵ A lɛn daar a, a na-mɩnɛ na zɩnɛ a Daviir naalʋ-dà-kɔw zu, ɛ́ mɩ́ zɔm a wur bɩɩ zɩ̃ a zɛbr-torko zu a, na tuur'a yire a tẽ-kpɛ̃ɛ ŋa dɩ̃dɛɛ ƴãw kʋralɛ. A bɛ tõ-tõ-bi-bɛrɛ, a Zuda tẽw nɩbɛ nɩ a bɛlɩ dem na kpɩɛr a Zerizalɛm a mɩ̀ na tuur'a yire a be, ɛ́ a tẽ-kpɛ̃ɛ ŋa na tɛr'ɩ nɩbɛ kʋralɛ.

Zeremi 17:25 ပူးပေါင်းရင်းမြစ်များ

2 Samɩɛl 7:16

A fʋ bʋ̃-dɔwra kãw na dɩrɛ nɩ a naalʋ a fʋ pùorí, bʋ̃ʋ n'ʋ vɛ̃, a fʋ yir naalʋ-dɩb kʋ̃ tɛr baarʋ ɛ.”»

2 Samɩɛl 8:4

A Daviir tɩ nyɔw nɩ a soja-wi-zɔmnbɛ túr dɔwlɩ kɔbr ayopõi (1 700), nɩ soja-gbɛ́ɛ dem tùr-lɩzɛr (20 000). Ʋ tɩ tɛr'ɩ a bɛ wie ta kʋba (100) a zɛbr-torkori tawfʋ ƴãw, ɛ́ ƴãw bɛ ŋma a wie al na cɛ a pɛrɩ́ gbɛlõkori jiile.

Eziptɩ tẽw yib 12:14

«A bibir ŋa na ɩ n bibir nyɩ na na mɩ́ cãà bãwnɩ a, ɛ́ nyɩ na mɩ́ maal'ɩ cuw-kpɛ̃ɛ a mãa Sore ƴãw. Nʋɔr'ʋ ƴãw gã kʋralɛ, a nyɩ nɩbɛ na dɔwr lɩɛrɛ taa a ƴãw.»

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Zeremi 13:13

fʋ̃ʋ yel bɛ a lɛn daar: “À ŋá n'a a Sore yere: A nɩbɛ za na kpɩɛr a tẽw ŋa pʋɔ a, a na-mɩnɛ za na zɩnɛ a Daviir naalʋ-dà-kɔw zu, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za na kpɩɛr a Zerizalɛm a, ɩ̃ na ɩ na bɛ kuoli kuolu mɩŋa.

Zeremi 22:2

Fʋ na tɩ yel'a: “A fʋ̃ʋ, Zuda tẽw nãà, na zɩ̃ a Daviir naalʋ-dà-kɔw zu a, a fʋ̃ʋ, a fʋ tõ-tõ-bi-bɛrɛ nɩ a fʋ nɩbɛ za na tuur a dɩ̃dɛɛ á ŋá ƴãw kpɩɛr a, nyɩ wone a Sore ƴɛ̀rʋ.”

Zeremi 22:30

À ŋá n'a a Sore yere: «Nyɩ sɛb a Konɩahu ƴãw à ŋá: A nɩr ŋa bɛ tɛr bibiir ɛ, nɩ-guura n'ʋ. A ʋ bibiir za pʋɔ a, been kãw za kʋ̃ páw a nãà Daviir naalʋ-dà-kɔw zɩ̃ ɛ́ dɩ nɩ-kpɛ̃ɛnʋ a Zuda zu ɛ.»

Zeremi 22:4

Nyɩmɛ wa sɩrɩ ɩrɛ à à ŋá a, na-mɩnɛ na be n be kʋralɛ zɩnɛ a Daviir naalʋ-dà-kɔw zu, ɛ́ mɩ́ zɔm wur bɩɩ kpɛ zɛbr-torko pʋɔ cɔlɛ nɩ. Bɛ na cãà na tuur a dɩ̃dɛɛ á ŋá ƴãw kpɩɛr, a bɛl, a bɛ tõ-tõ-bi-bɛrɛ nɩ a nɩbɛ.

Zeremi 25:5

Ʋ yel nyɩ na: “A nyɩ kãw za, ʋ lɩɛbɩ a ʋ ɩb na bɛ vɩɛl a, ʋ bɛr a ʋ ɩ-faar! Lɛ n'a nyɩ na kpɩɛr a tẽw ŋa a Sore na kʋ̀ nyɩ, a nyɩɩm nɩ a nyɩ sãàkʋm-kore a koro kãw za nɩ kʋralɛ a.

Zeremi 33:15

A daar ʋl wa ta a, ɩ̃ na ɩ na a Daviir bi-mɩŋa dɔw. Ʋ na ɩ na bɛ ɩrɛ a lɛ-na-tu-sɔr ɛ́ tu mɩnʋ a, a tẽw pʋɔ.

Zeremi 33:17

À ŋá n'a a Sore yere: «Nɩr na mɩ́ yi n kʋralɛ a Daviir yir pʋɔ, ɩ a Ɩsɩrayɛl nɩbɛ nãà.

Zeremi 33:21

a lɛ pʋɔ a, a wõ-taa na be mãa nɩ a ɩ̃ tõ-tõ-bie Daviir cara pʋɔ a na sãw na. Ʋ kʋ̃ cãà mɩ́ tɛr bʋʋrɛ ʋ lɩɛr'ʋ dɩrɛ a naalʋ ɛ. Lɛ n'a a mɩ̀ na ŋmɛ̃ a wõ-taa na be mãa nɩ a bàwr-maalbɛ na tone a ɩ̃ tome, ɛ́ yi a Levi yir pʋɔ a zie.

Zeremi 7:3

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ ɩ a nyɩ cenu nɩ a nyɩ ɩ-ɩrɩ a vɩɛl. Lɛ n'a ɩ̃ na tʋ̃ɔ́ bɛr nyɩ nyɩ kpɩɛr a tẽw ŋa.

Zeremi 7:7

Lɛ n'a ɩ̃ na bɛr nyɩ nyɩ kpɩɛr a zie ŋa pʋɔ, a tẽw ŋa ɩ̃ na tɩ kʋ̀ a nyɩ sãàkʋm-kore a koro kãw za nɩ kʋralɛ a.

Wulu-ayi-sob 17:16

A nyɩ nãà a, ʋ ta tɛr wie yaga ɩ, ʋ mɩ̀ ta tõ nɩbɛ a Eziptɩ bɛ tɩ dà a ɩ. Bʋ̃ʋ n'ʋ vɛ̃, a Sore yel nyɩ na: «Towtow, nyɩ bɛ lɛbr cere a tẽw ŋa pʋɔ ɩ!»

Ebre 12:22

Sɩyɔ̃ tãw n'ʋ nyɩ taw pɩɛlɩ, nɩ a Naaŋmɩn na vʋʋrɛ a tẽ-kpɛ̃ɛ, a tẽ-vla pʋɔ Zerizalɛm nɩ a ʋ malkɩ tu-tu-túr.

1 Samɩɛl 8:11

Ʋ tɩ yel bɛ na: «A nãà na na dɩrɛ naalʋ a nyɩ zu a, nyɩ nyɛ̃ a lɛ ʋ na na kaarɛ a nyɩ zie a: a nyɩ bidɛbr pʋɔ, ʋ na mɩ́ ír'ɩ bɛ mɩnɛ ƴãw bɛ ɩ sojarɩ, dãanɛ a ʋ zɛbr-torkori, ɛ́ ɩ a ʋ wi-zɔmnbɛ, ɛ́ bɛ mɩnɛ mɩ́ de ʋ niwn zɔrɛ, ɛ́ a ʋl mɩŋa torko zɔrɛ tuur.