Zeremi 17:22 - A SƐB-SÕW

²² Nyɩ mɩ̀ kʋ̃ tuo tuor kãw za yi n a nyɩ yie pʋɔ a pɩ̃ɛnʋ-bibir ɛ, nyɩ bɛ tone ton kãw za ɩ. Ɛcɛ nyɩ na de nɩ a pɩ̃ɛnʋ-bibir ʋ ɩ bibi-tuo mɛ̃ a lɛ ɩ̃ na tɩ ƴãw a nʋɔr kʋ̀ a nyɩ sãàkʋm-kore a.

Zeremi 17:22 ပူးပေါင်းရင်းမြစ်များ

Neemi 13:15

A lɛn daar, ɩ̃ tɩ nyɛ̃ nɩ a Zuda tẽw pʋɔ nɩbɛ bɛ nɛbr divɛ̃ tɩɩr wɔmɛ ŋmɛrɛ a nɛbrʋ ziir a pɩ̃ɛnʋ-bibir. Bɛ mɩnɛ tɩ tuore nɩ ble, ɛ́ tuore divɛ̃, divɛ̃ tɩɩr wɔmɛ, kãkamɛ nɩ bʋ̃-yaga yaga a mɩnɛ a bɛ bòn kɛ́ bɛ kpɛ n a Zerizalɛm. A ʋlɩ bibir bɛ na tɩ kʋɔrɛ a bɛ yɛ̀rʋ́ bome a, ɩ̃ tɩ yel'a kɛ́ bɛ gùre bɛ tʋɔra.

Eziptɩ tẽw yib 23:12

«Nyɩ mɩ́ tõ a nyɩ tome bibie ayʋɔb, ɛcɛ a bibie ayopõi sob a, nyɩ ta mɩ́ tõ ton za ɩ, a nyɩ nĩi nɩ a nyɩ bòn pɩ̃ɛnɩ, ɛ́ a tõ-tõ-biir nɩ a nʋʋrɩ mɩ̀ tʋ̃ɔ́ mɩ́ vʋʋrɩ.»

Ɩzayi 58:13

A Sore yere na: «Fʋ̃ʋ wa bɛr a fʋ zi-ceni a pɩ̃ɛnʋ-bibir a, fʋ̃ʋ wa bɛr a fʋ yele zie kaafʋ a ɩ̃ bibi-sõw bibir a, fʋ̃ʋ wa bʋɔlɛ a pɩ̃ɛnʋ-bibir “Nʋ̃ɔ̀”, a Sore bibir “Bibi-ƴãwna”, ɛ́ sɩrɩ ƴãwnɛ ʋ, mɩ́ bɛr a zi-ceni, a yele zie kaafʋ, a nɔkpɛn na bɛ tɛr baarʋ a,

Zeremi 17:24

A Sore yere na: «Ɛcɛ a nyɩɩm a, nyɩ bɛrɛ wone vla. A pɩ̃ɛnʋ-bibir a, nyɩ taa ɩrɛ tuor a yire a tẽ-kpɛ̃ɛ ŋa dɩ̃dɛɛ ƴãw ɛ, nyɩ de a bibir ŋa kʋ̀ m ɛ́ taa tone ton kãw za ɩ.

Ezekɩɛl 20:12

Ɩ̃ mɩ̀ tɩ kʋ̀ bɛ nɩ a pɩ̃ɛnʋ-bibir. Bãwfʋ tɩ n'ʋ a mãa nɩ a bɛl cará, k'ɩ̃ɩ lɛb sɩ̃w a bɛ tɩɛrʋ k'aa mãa Sore, ɩ̃ ka n nũu ƴãw bɛ a ɩ̃ tome ƴãw.

Ezekɩɛl 22:8

Bɛ jewre nɩ a ɩ̃ bʋ̃-son, bɛ ɩ n a ɩ̃ pɩ̃ɛnʋ-bibie tɛr dɛwr.

Levitɩ mɩnɛ 19:3

«A nyɩ kãw za na ƴãwnɛ nɩ a ʋ sãà nɩ a ʋ mã, ɛ́ ƴãwnɛ a pɩ̃ɛnʋ-bibir. Mãa n'ɩ a Sore nyɩ Naaŋmɩn.»

Levitɩ mɩnɛ 23:3

A dàa tɛr'ɩ bibie ayʋɔb a tome tob ƴãw, ɛcɛ a bibie ayopõi sob ɩ n a pɩ̃ɛnʋ-bibir. Bɛ bɛr'ɩ a bibir ŋa kɛ́ nyɩ mɩ́ ɓã taa tɛr a ɩ̃ ƴãwfʋ. Nyɩ bɛ tone ton za a pɩ̃ɛnʋ-bibir ɛ, nyɩ na mɩ́ de ʋ na kʋ̀ m zie nɛ za nyɩ na kpɩɛr a.

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Luka 23:56

Al pùorí, bɛ tɩ lɛb'a kul tɩ cɔbrɩ kãa-nyuure nɩ parfɛ̃. Ɛ́ a pɩ̃ɛnʋ-bibir a, bɛ tɩ zɩ̃ na pɩ̃ɛnɩ, mɛ̃ a lɛ a nʋɔr na ƴãw a.

Luka 6:5

Ʋ tɩ cãà na yere kʋ̀rɛ bɛ: «A Nɩsaal Bie ɩ n a pɩ̃ɛnʋ-bibir sob.»

Yel-wula 1:10

A Naaŋmɩn Vʋʋrʋ tɩ siw mɛ̃ nɩ a Sore bibir, ɩ̃ɩ tɩ wõ kɔkɔr na yire kpɛ̃w kpɛ̃w za a ɩ̃ pùorí mɛ̃ wɩ́ɛ na pɛblɛ a.