Zeremi 17:2 - A SƐB-SÕW

² Bɛ mɩ́ tɩɛrɛ nɩ a bɛ bàwr-maal-kube, a bɛ dà-barɩ nɩ a tɩ-zimpiri zimpiri a tãli-kɛrɩ zu, mɛ̃ a lɛ bɛ na mɩ́ tɩɛrɛ a bɛ bibiir a.

Zeremi 17:2 ပူးပေါင်းရင်းမြစ်များ

2 Bibie za yel-manɩ 24:18

ɛ́ lɛ n'a a Ɩsɩrayɛl nɩbɛ tɩ zawrɩ a Sore, a bɛ sãà mɩnɛ Naaŋmɩn, yir bɛr, ɛ́ maalɛ a dà-barɩ nɩ a tɩbɛ. A sãwna ŋa tɩ ɩ na a Naaŋmɩn suur ìr a Zerizalɛm nɩ Zuda naalʋ-tẽw za ƴãw.

2 Bibie za yel-manɩ 33:19

A ʋ puoru nɩ a lɛ a Naaŋmɩn na sàw de a a, a ʋ yel-bebe nɩ a lɛ za ʋ na zawrɩ a Naaŋmɩn bɛr a, a ziir al ʋ na ƴãw a maalʋ-ziir, ɛ́ bà dà-barɩ nɩ ŋmɩmɛ dasuli ɛ́ wa bãw sàw a ʋ sãwna a Naaŋmɩn niŋé a, a za sɛb'a ƴãw a Hozaɩ ɩ-ɩrɩ sɛbɛ pʋɔ.

2 Bibie za yel-manɩ 33:3

Ʋ tɩ lɛb'a mɛ a maalʋ-ziir a ʋ sãà Ezekɩasɩ na tɩ ŋmɛr bɛr a. Ʋ tɩ mɛ n bàwr-maal-kube a ŋmɩn Báàl ƴãw, ɛ́ ba dà-barɩ, ɛ́ puori a salom zu bʋ̃-nyɩwrɩ.

Sɛb-sõw yielu 78:58

Bɛ tɩ tɛr'ɩ a bɛ maalʋ-ziir, ƴãw k'a Sore nyɛ̃ suur, bɛ tɩ tɛr'ɩ a bɛ ŋmɩmɛ dasuli, ɩ kɛ̀ nyuur ɩrɛ ʋ.

Eziptɩ tẽw yib 34:13

Nyɩ na nɩ̃ɛ na mɩ́ ŋmɛr a bɛ bàwr-maal-kube bɛr, ŋmɛ a bɛ kʋsɛ-teli kar, ɛ́ cɛ̀ a bɛ dà-barɩ ŋma.

Ɩzayi 1:29

Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

Ɩzayi 17:8

Ʋ kʋ̃ lɛb jɩ́r a bàwr-maal-kube na ɩ a ʋ nuru bʋ̃-maalɩ a ɩ, ʋ kʋ̃ lɛb nyɛ̃ a alɩ bome nɛ a ʋ nobie pie na maalɩ a ɩ: a dà-barɩ nɩ a parfɛ̃ bʋ̃-nyɩwrɩ.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 3:23

Yel-mɩŋa sɩza, a gɔmɛ á ŋá za na ɩrɛ a tan zu a, a maalʋ á ŋá za na maalɛ a tãli zu a, a bɛ̀lɛ nɩ a nɩbɛ. Yel-mɩŋa sɩza, a Sore tɩ Naaŋmɩn zie n'a a Ɩsɩrayɛl páwr a faafʋ.

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Zeremi 7:18

A bibiir wobr'ɩ dali, a sãà mɩnɛ gbɔwr vũu, ɛ́ a pɔwbɛ nawr zɔ̃ kɛ́ bɛ maal'ɩ gato kʋ̀ a salom zu Pɔw-nãà. Al pùorí bɛ dier divɛ̃ kʋ̀rɛ ŋmɩn-sãanbɛ, ɩrɛ a kpɩɛr mɛ̃.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Wulu-ayi-sob 12:2

Nyɩ na sãw nɩ a maalʋ-ziir al za na be a tã-kɛrɩ, a tãli nɩ a tɩ-zimpiri zimpiri za pile a bɛr. Be n'a a nɩ-bʋʋr-yoru nyɩ na na diw ɛ́ de a ten a tɩ maalɛ a bɛ ŋmɩmɛ.

Ƴɛ̀r-dɩrbɛ 3:7

A Ɩsɩrayɛl nɩbɛ tɩ ɩ na a bɛ pɛlɩ a Sore pʋɔ ɩ: bɛ tɩ yiir'ɩ a Sore bɛ Naaŋmɩn bɛr, ɛ́ puore a Báàl mɩnɛ nɩ a Asera mɩnɛ.