Zeremi 17:13 - A SƐB-SÕW

¹³ Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

Zeremi 17:13 ပူးပေါင်းရင်းမြစ်များ

Sɛb-sõw yielu 22:4

Ɛcɛ fʋ zɩ̃ n a fʋ naalʋ-dà-kɔw zu, fʋ̃ʋ Naaŋmɩn na ɩ sõw a Ɩsɩrayɛl danɛ kʋralɛ a.

Sɛb-sõw yielu 69:29

Sãw a bɛ yée bɛr a nɩ-vʋʋrɩ sɛbɛ pʋɔ, taa sɔrɛ bɛ ƴãwn a nɩ-mɩn pʋɔ ɩ.

Sɛb-sõw yielu 71:5

Sore Naaŋmɩn i, fʋ̃ʋ n'ʋ ɩ̃ tɩɛrɛ, fʋ̃ʋ zie n'a ɩ̃ ƴãw a ɩ̃ tɩɛrʋ a ɩ̃ pɔ̀lʋ daarɩ́ za.

Sɛb-sõw yielu 73:27

Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

Sɛb-sõw yielu 97:7

Bɛlɩ dem za na maalɛ a tɩbɛ a, bɛlɛ so vĩ, bɛlɩ dem na mɩ́ ɩrɛ ƴãwn a bʋ̃-zawlɛ á ŋá ƴãw a. A ŋmɩmɛ za, a lo gbĩ dume a Sore niŋé!

Zʋkpaɩ 10:7

A nɩbɛ mɩ́ tɛr'ɩ a nɩ-mɩŋa tɩ́ɛrʋ, ɛcɛ bɛ mɩ́ yiir'ɩ a nɩ-faar bɛr tɩ lãwnɩ a bɛ yie.

Zʋkpaɩ 14:14

Nɩr na bʋnɩ vʋʋrɛ a na páw nɩ a alɩ bome nɛ na sɛwnɩ ʋ a, ɛcɛ sob nɛ na ɩrɛ vla a na páw nɩ àrʋ zie na vɩɛl zuo a.

Ɩzayi 1:28

Ɛcɛ a yele za na sãw nɩ a nɩ-gaarɩ nɩ a yel-bebe dem zie. Bɛlɩ dem za na zawrɛ a Sore bɛrɛ a na bɔr a.

Ɩzayi 66:5

Nyɩ bɛrɛ wone a Sore ƴɛ̀rʋ, nyɩɩm ʋ na mɩ́ ƴɛ̀r nyɩ màwr a: A nyɩ yɛbr bɛ mɩnɛ hɩ̃ɛn nyɩ na, ɛ́ íre nyɩ bɛrɛ a bɛ pʋɔ a mãa ƴãw. Bɛ mɩ́ ɩrɛ nyɩ na laar yere nɩ: «A Sore, ʋ wul a ʋ yúor-vɩɛlʋ-danʋ tɩ tʋ̃ɔ́ nyɛ̃ a nyɩ cɩlʋ!» Ɛcɛ bɛlɛ nɛbɛ na nyɛ̃ vĩ.

Zeremi 14:8

A fʋ̃ʋ ƴãw a Ɩsɩrayɛl na ƴãw a ʋ tɩɛrʋ a, a fʋ̃ʋ na tɩ faa ʋ a kpɩɛrʋ daar a, bʋ̃ʋ n'ʋ so fʋ ɩrɛ mɛ̃ sãan a, a tẽw pʋɔ, mɛ̃ sɔr-tɔlɛ na bɩɛ k'ʋʋ gã ìr a?

Zeremi 17:17

Ta ɩ dɛ̃bɩ̃-bom a ɩ̃ zie ɩ, a fʋ̃ʋ na ɩ a ɩ̃ tɩ̀ɛrɛ a kpɩɛrʋ bibir a.

Zeremi 17:18

Vĩ, a nyɔw a bɛlɩ dem na dɔwrɛ mɛ̃ a, ɛ́ bɛr a mãa! Dɛ̃bɩ̃ɛ, a tɛr bɛ bɛ màwr, ɛ́ bɛr a mãa! Ɩ a kpɩɛrʋ bibir wa a bɛ zu, sãw bɛ bɛr pelẽpelẽ!

Zeremi 17:5

À ŋá n'a a Sore yere: «Ŋmɛ-ƴãw, a páw a sob nɛ na ƴãw a ʋ tɩɛrʋ a nɩsaal ƴãw a, na bɔbr a ʋ fãw a nɩsaal bʋ̃-tɛrɩ pʋɔ, ɛ́ a ʋ socir zãá nɩ mɛ̃ a!

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 50:7

A bɛlɩ dem za na mɩ́ tɩ tuori a a, mɩ́ tɩ vɔl a na, ɛ́ a dɔ̃ dem mɩ́ tɩ yere: “Tɩ bɛ tɛr sãwna ɩ. Bʋ̃ʋ n'ʋ vɛ̃, a nɩbɛ bɛ ŋa sãw nɩ a Sore na ɩ a bɛ taw-lanʋ zie, ɛ́ a bɛ sãàkʋm-kore tɩ ƴãw a bɛ tɩɛrʋ a ʋ ƴãw a.”»

Ezekɩɛl 13:9

Ɩ̃ na wul'ɩ a ɩ̃ fãw a naaŋmɩn-ƴɛ̀r-manbɛ bɛl na mɩ́ tɩɛrɩ a bɛ bʋ̃-nyɛrɩ yel, ɛ́ mɩ́ yel bome na bɛ ɩ sɩza a. Bɛ kʋ̃ pʋɔ a ɩ̃ nɩ-bʋʋrɛ lãw pʋɔ ɩ. A bɛ yée kʋ̃ be a Ɩsɩrayɛl bʋʋrɛ yée sɛbɛ pʋɔ ɩ, ɛ́ bɛ kʋ̃ lɛb wa a bɛ tẽw pʋɔ ɩ. À ŋá n'a bɛ na bãw kɛ́ mãa n'ɩ a Sore Naaŋmɩn.

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

Ezekɩɛl 36:32

A sɛw na kɛ́ nyɩ bãwnɩ a, a nyɩɩm zũú bɛ n'a ɩ̃ na ɩ ɛ, a mãa Sore Naaŋmɩn n'ʋ yere. Vĩ n'a a nɩ̃ɛ sɛw k'aa ɩrɛ nyɩ, a nyɩɩm Ɩsɩrayɛl nɩbɛ!

Zakari 13:1

«A lɛn daar a, kʋ̃ɔ na bule na yire a Daviir bʋʋrɛ nɩ a Zerizalɛm nɩbɛ yel-bebe nɩ a bɛ dɛwr pɛwfʋ ƴãw.»

Zakari 9:12

Nɩ-pàwrɩ na tɩɛrɛ nɩdaar na vɩɛl a, nyɩ lɛb kul a nyɩ tẽ-kpɛ̃ɛ pʋɔ bɛ na lɛb mɛ a dacine a. Ƴɛrɛŋa a, ɩ̃ yere na kʋ̀rɛ nyɩ: ɩ̃ na maalɩ nyɩ nɩ gb'a ayi, yáa a tuo nyɩ na wõ a san.

Luka 10:20

Ɛcɛ nyɩ ta cɩlɛ nyɩ na dɩrɛ naalʋ kɔ̃tɔ̃-faar zu a ɩ, nyɩ cɩlɛ bɛ na sɛb a nyɩ yée ƴãw a tẽ-vla pʋɔ a.»

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Nɩ-toni 28:20

Alɛ so ɩ̃ bɔbr k'ɩ̃ɩ nyɛ̃ nyɩ tɩ ƴɛ̀r sɔw taa. Alɛ ɩrɛ mɛ̃ bom a, a ʋlɩ bom nɛ a Ɩsɩrayɛl nɩbɛ na tɩɛrɛ a, ʋl zũú n'a ɩ̃ ƴãw a bamɛ á ŋá.»

1 Timote 1:1

A mãa Pol, a Naaŋmɩn tɩ Faarɛ nɩ a Kɩrɩta Yeezu ƴãw tɩ na ƴãw a tɩ tɩɛrʋ a, bɛl na ƴãw ɩ̃ ɩ a Kɩrɩta Yeezu nɩ-tona a,

Yel-wula 20:15

Sob nɛ za a yúor na bɛ tɩ sɛb a nyɔ-vʋʋrʋ sɛbɛ pʋɔ a, bɛ tɩ lɔb ʋ na ƴãw a gbãtar-kpɛ̃ɛ vũumí.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»