Zeremi 17:11 - A SƐB-SÕW

¹¹ Kɔrnyɛ̃ na ũú nɩ jɛlɛ ʋ na bɛ lɔb a, à ŋá n'a nɩr na kpɛ nyãnyu-naalʋ a ŋmɛ̃. A ʋ nyɔ-vʋʋrʋ põ-zɛ̃-taa pʋɔ a, a ʋ naalʋ mɩ́ bɛr ʋ na, ɛ́ a baarʋ daar ʋ ɩ mɛ̃ dãbol a.»

Zeremi 17:11 ပူးပေါင်းရင်းမြစ်များ

A Zɔb sɛbɛ 20:21

A ʋ bʋ̃-dɩ-nɔ̃w bɛ cɩɛr bom za bɛrɛ ɩ, lɛ so a ʋ nʋ̃ɔ̀ kʋ̃ kɔwrɩ ɛ.

Sɛb-sõw yielu 49:13

A nɩsaal nɩ a ʋ dɛpaalʋ za a, ʋ bɛ cɛlɛ ɩ, ʋ ŋmɛ̃ na taa nɩ a dʋn na kpiir a.

Sɛb-sõw yielu 55:23

Lɩɛbɩ a fʋ niw-sʋba ƴãw a Sore, ʋ na tɩɛ fʋ na tɛr, ʋ bɛ sàwr a nɩ-mɩŋa dẽdere towtow ɛ.

Zʋkpaɩ 13:11

A naalʋ fʋ na kpɛ a fʋrfʋr a na siwre na. Ɛcɛ tɛra fʋ na páwr bɩɛlbɩɛl a mɩ́ dɔwlɛ na cere.

Zʋkpaɩ 15:27

Nɩr na zɔrɛ tuur libir a ƴãwnɛ nɩ kpɩɛrʋ a ʋ yir, ɛcɛ nɩr na bɛ nɔnɛ kɛ́ bɛ mɩ́ ŋmɛ ʋ nʋɔr a na vʋʋr'a cɛlɩ.

Zʋkpaɩ 21:6

Bɛlɩ dem na mɩ́ ŋma a ziri kpɛ naalʋ a ɩ n nɩbɛ na wɩɛr a kũu pʋɔ a. Bɛ mɩ́ páw nɩ bome na bɛ tɛr pɛr ɛ́ bɛ cɛlɛ a.

Zʋkpaɩ 23:5

Fʋ bɛ mɩ́ nyɛ̃ ʋ baar ɛ, ʋʋ bɔr, ʋ mɩ́ ƴãw nɩ pɩgɛ ƴaw nɩ mɛ̃ a sɩla na mɩ́ ƴaw do a salom zu a.

Zʋkpaɩ 28:16

Nɩ-kpɛ̃ɛ na bɛ tɛr yã a, mɩ́ so a fáb fárɛ. Nɩr na bɛ nɔnɛ a nyãnyu-bome a na vʋʋr'a cɛlɩ.

Zʋkpaɩ 28:20

A nɩ-dẽdẽ na páw nɩ maalʋ yaga, nɩr na paw fɔ̃w kpɛ naalʋ a na nyɛ̃ nɩ dɔwrʋ bibir kãw.

Zʋkpaɩ 28:22

Nɩr na nyùur'ɩ a ʋ taabɛ a bɛ bʋ̃-tɛrɩ ƴãw a, ʋ mɩ́ zɔrɛ na tuur a naalʋ ɛ́ bɛ bãw kɛ́ nãw-woro na lo n a ʋ zu ɛ.

Zʋkpaɩ 28:8

Nɩr na zɔrɛ a bãbàalbɛ nɩbaalʋ a, ʋ na so nɩ a nɩr na kpɛ naalʋ ʋ na pɛ̃wnɛ nɩbɛ libie dier'ɩ dɔwlɛ yaga a tɛra.

Zeremi 22:13

«Baw-bio páw fʋ na, Yoyakim i! Fʋ ƴãw na bɛ mɩɛr yir kʋ̀rɛ fʋ ɛ́ a bɛ tuur a yel-mɩnʋ ɛ. Fʋ mɩɛr'ɩ bɔwpɩɩr dɔwlɛ ɛ́ a lɛ-na-tu-sɔr a nɩbɛ ƴãw a, fʋ bɛ cɛlɛ be ɩ. Fʋ ƴãw na a nɩbɛ tone zawla, ɛ́ fʋ bɛ yarɛ bɛ ɩ.

Zeremi 22:17

Ɛcɛ a fʋ̃ʋ a, a fʋ mɩŋa tɔnɛ tɛwr'a fʋ jɩ́rɛ, nɩbɛ na bɛ sãw a kʋb tɛwr'a fʋ bɔbr, nɩ po-to-fãw-ɩb a nɩbɛ zie.»

Zeremi 6:13

Bʋ̃ʋ n'ʋ vɛ̃, a na tĩ a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Zeremi 8:10

A Sore yere na: «Ɩ̃ na de nɩ a bɛ pɔwbɛ kʋ̀ nɩ-yoru, ɛ́ kʋ̀ a bɛ póru a bɛlɩ dem na na de a a. Bʋ̃ʋ n'ʋ vɛ̃, a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Amɔsɩ 3:10

A Sore yere na: «A Samaari tẽw dem bɛ bãw bʋ̃ʋ n'ɩ a yel na tori a ɩ. Bɛ gbone nɩ a bɛ yir-vɩɛlɩ pʋɔ a bome nɛ a bɛ po-to-fãw-ɩb nɩ a bɛ nyãnyuwlu na ɩrɛ bɛ páwr a.»

Mise 2:9

A ɩ̃ nɩ-bʋʋrɛ pɔwbɛ a, nyɩ mɩ́ diw bɛ na bɛr a bɛ yie bɛ na nɔnɛ a pʋɔ, a maalʋ ɩ̃ na mɩ́ kʋ̀ a bɛ bibiir a, nyɩ mɩ́ nyɔw ʋ na faa a nʋɔr kʋ.

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Sofoni 1:9

A ʋlɩ bibir nɛ a, ɩ̃ na dɔwr'ɩ a bɛlɩ dem na mɩ́ vár gãw a Ŋmɩn-yir-kpɛ̃ɛ dɩ̃dɔr mɛ̃ a tɩbɛ dem a, a bɛlɩ dem za na mɩ́ paalɩ a bɛ nɩ-kpɛ̃ɛ yir nɩ na-bome bɛ na ɩ nyãnyu-ɩb nɩ po-to-fãw-ɩb páw a.

Zakari 5:4

A Sore, a Kpɛnʋ-za-sob, yere na kɛ́ ʋl mɩŋa n'ʋ ƴãw a ŋmɛ-ƴãw ŋa waar: ʋ na tɩ kpɛ n nɩr za na zure nɩ nɩr za na mɩ́ pɔ, ɛ́ bɛ ír a ʋ pɔɛ a yir pʋɔ, be a be, sãwnɛ bom za bɛrɛ, mɩ́ tɩ lãwnɩ a wɛwr nɩ a kʋsɛbɛ.»

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Matie 23:13

«Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pàw nɩ a tẽ-vla Naalʋ dɩ̃dɔr a nɩbɛ ƴãw: a nyɩɩm tɛɛ za bɛ mɩ́ kpɛ a ʋ pʋɔ ɩ, ɛ́ a bɛlɩ dem na bɔbr a kpɛb a, nyɩ bɛ mɩ́ sàw bɛ na kpɛ ɩ. [

Luka 12:20

Ɛcɛ a Naaŋmɩn tɩ yel ʋ na: “Dãbol ŋa! A dɩ̃a tɩ̃ɩsɔw tɔr za, a fʋ nyɔ-vʋʋrʋ na baar'a. À á ŋá fʋ na bɔ gbõ taa a, ãa na so a?”»

1 Timote 6:9

Ɛcɛ a bɛlɩ dem na bɔbr kɛ́ bɛ kpɛ naalʋ a, bɛ mɩ́ lo n a bɛ̀lʋ pʋɔ, ɛ́ kpɛ dãbol-yel-bɔbrɩ na bɛ vɩɛl a bɛrɩ pʋɔ, a yel-bɔbrɩ á ŋá na lore a nɩsaalbɛ ɛ́ ɩrɛ bɛ bɔrɛ a.

Títɩ̀ 1:11

A fɛr'a kɛ́ fʋ ɩ bɛ pàw a bɛ nɛ́ɛ, bʋ̃ʋ n'ʋ vɛ̃, yir-ɓile nɩbɛ tɩɛrʋ n'a bɛ damnɛ nyawr taa, bɛ na mɩ́ wule lɛ a na bɛ sɛw kɛ́ bɛ wule a, ɛ́ a ɩ nyãnyu-tɛra ƴãw a.

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.