Zeremi 17:10 - A SƐB-SÕW

¹⁰ A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 17:10 ပူးပေါင်းရင်းမြစ်များ

1 Na-mɩnɛ 8:39

a fʋ̃ʋ a, Sore e, a salom zu be fʋ na kpɩɛr a, bɛr wõ, dɩ suur kʋ̀ bɛ, ɛ́ ɩ ɩb kãw. Mɩ́ ɩ ŋa za tu n a lɛ a ʋ ɩb na ŋmɛ̃ a, fʋ na faa bãw ŋa za socir a. Bʋ̃ʋ n'ʋ vɛ̃, fʋ̃ʋ n'ʋ bãw nɩsaal za socir.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

2 Bibie za yel-manɩ 6:30

a fʋ̃ʋ a, Sore e, a salom zu be fʋ na kpɩɛr a, bɛr wõ, dɩ suur kʋ̀ bɛ, ɛ́ ɩ ɩb kãw. Mɩ́ ɩ ŋa za tu n a lɛ a ʋ ɩb na ŋmɛ̃ a, fʋ na faa bãw ŋa za socir a. Bʋ̃ʋ n'ʋ vɛ̃, fʋ̃ʋ yõ n'ʋ bãw a nɩsaalbɛ socir.

A Zɔb sɛbɛ 34:11

Bʋ̃ʋ n'ʋ vɛ̃, ʋ mɩ́ kʋ̀ n a nɩsaal a ʋlɩ bom nɛ ʋ na sɛw taa nɩ a, ɛ́ ya ŋa za man nɩ a ʋ ɩb.

Sɛb-sõw yielu 44:21

Tɩmɛ tɩ yiiri a tɩ Naaŋmɩn yúor bɛr a, tɩmɛ tɩ zɛw a nuru cɔw ŋmɩn-yũo a,

Sɛb-sõw yielu 44:22

fʋ kʋ̃ʋ tɩ bãwnɩ a bɩɩ, fʋ̃ʋ na bãw a pʋ-tɩɛr-sɔwlɩ a?

Sɛb-sõw yielu 62:12

Gb'a à ŋá za n'a ɩ̃ wõ a Naaŋmɩn ƴɛ̀r a ƴɛ̀rʋ ŋa: «Mãa so a kpɛnʋ.»

Sɛb-sõw yielu 7:10

Ɩ a nɩ-faar po-tuolu a baarɩ ɛ́ fʋ ɩ a nɩ-mɩŋa ʋ kpɛmɛ, fʋ̃ʋ na mɩ́ jɛl a pʋ-tɩɛr-sɔwlɩ a, fʋ̃ʋ Naaŋmɩn na tuur yel-mɩnʋ a.

Sɛb-sõw yielu 7:9

Sore e, fʋ̃ʋ na dɩrɛ nɩ a nɩ-bʋʋrɛ ƴɛ̀rʋ a, dɩ n mɛ̃ a ƴɛ̀rʋ, Sore e, tu n a ɩ̃ mɩnʋ nɩ ɩ̃ na bɛ tɛr sãwna a.

Zʋkpaɩ 12:14

A ƴɛ̀rʋ na tʋ̃ɔ́ na ɩ fʋ páw bom mɛ̃ a lɛ a ton na mɩ́ ɩ fʋ páw sã-ya a.

Zʋkpaɩ 17:3

Vũu n'a bɛ mɩ́ ɩ n a salm-zɩɛ nɩ a salm-pla kaa bãw a vɩɛlʋ, ɛcɛ a Sore n'ʋ mɩ́ ɩ a socie kaa bãw a vɩɛlʋ.

Ekilezɩasɩ 9:3

A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

Ɩzayi 59:18

Ʋ na ya n a nɩbɛ man nɩ a bɛ ɩb. A ʋ suur a, a ʋ dɔ̃ dem ƴãw n'a, a dɔwrɩ yáa a san a, a nɩbɛ na zɛbr'ɩ ʋ a ƴãw n'a, tɩ lãwnɩ a tẽ-zãánɩ dem.

Zeremi 11:20

Ɛcɛ a fʋ̃ʋ Sore, kpɛnʋ-za-sob, fʋ mɩ́ dɩ n a ƴɛ̀rʋ nɩ mɩnʋ. Fʋ mɩ́ jɛl'ɩ a nɩbɛ za bʋ̃-bɔbrɩ nɩ a bɛ tɩɛrʋ. Ɩ̃ na tʋ̃ɔ́ na nyɛ̃ a lɛ fʋ na na yáa a san a bɛ zu a, bʋ̃ʋ n'ʋ vɛ̃, fʋ̃ʋ n'ʋ ɩ̃ de a ɩ̃ yele kʋ̀.

Zeremi 12:13

Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.

Zeremi 20:12

Sore kpɛnʋ-za-sob i, fʋ mɩ́ nyɛ̃ nɩ a nɩr na tu b a bãw. Fʋ bãw nɩ a tɩ bʋ̃-bɔbrɩ nɩ a tɩ tɩɛrʋ. Fʋ̃ʋ n'ʋ ɩ̃ de a ɩ̃ yele kʋ̀. Wul mɛ̃ a lɛ fʋ na na yáa a san kʋ̀ m a.

Zeremi 21:14

A Sore yere na: Ɩ̃ na ɩ nyɩ na mɛ̃ a lɛ a nyɩ ɩ-ɩrɩ na sɛw taa nɩ a. Ɩ̃ na ƴãw nɩ vũu a sɛɛdɩr tɩɩr tuw, ʋ na dɩ n bom za na jil koli ʋ a.

Zeremi 23:2

À ŋá n'a a Sore, a Ɩsɩrayɛl Naaŋmɩn, yere a dʋ̃-cɩ̃ɩnbɛ bɛ ŋa ƴãw: «Nyɩ bɛr'ɩ a ɩ̃ dʋn a bɔrɛ ɛ́ yaarɛ a ziir za. Nyɩ bɛ kaa a zie ɩ. A lɛ pʋɔ a, a mãa, ɩ̃ na kaa nɩ a nyɩ zie, a faa nyɩ na maalɩ a zũú, a Sore n'ʋ yel!

Zeremi 32:19

Fʋ mɩ́ tɩɛr'ɩ yel-bɛrɛ maalʋ, ɛ́ maalɩ a nɩ kpɛnʋ. Fʋ mɩ́ maal'a jɩ́rɛ a nɩsaalbɛ ɩ-ɩrɩ, ɛ́ mɩ́ ya ŋa za man nɩ a ʋ cenu, man nɩ a ʋ ɩ-ɩrɩ.

Ezekɩɛl 11:5

Lɛ n'a a Sore Vʋʋrʋ tɩ siw a ɩ̃ zu ɛ́ ƴãw k'ɩ̃ ƴɛ̀r à ŋá: «À ŋá n'a a Sore ƴɛ̀rɛ: Ɩsɩrayɛl nɩbɛ ɛ, ɩ̃ bãw nɩ a lɛ nyɩ na yere a, ɛ́ bãw a lɛ nyɩ a tɩɛrɛ a!

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

Mise 7:13

A tẽ-daa na cɛ a na lɩɛb'ɩ tẽw na bɛ tɛr kpɛb a, a nɩbɛ na kpɩɛr a ʋ pʋɔ a faalʋ zũú.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Matie 6:4

À ŋá n'a a fʋ nɩ-kɔmɛ sõwfʋ na sɔwlɩ, ɛ́ a fʋ Sãà Naaŋmɩn na mɩ́ nyɛ̃ bom za na sɔwlɩ a, na maalɩ fʋ na.»

Zã 2:25

Ʋ bɛ tɩ gù kɛ́ nɩr wa dɩ a nɩsaal dãsɩɛ a ʋ zie ɩ, ʋl mɩŋa tɩ bãw nɩ ʋlɩ bom nɛ na be a nɩsaal socir pʋɔ a.

Nɩ-toni 1:24

A nɩbɛ za tɩ lãw na puori à ŋá: «Sore e, fʋ̃ʋ na bãw a nɩbɛ socie a, wul a ʋlɩ sob fʋ na kaa ír a nɩbɛ bɛ ŋa ayi pʋɔ,

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Ʋrɔm 8:27

Ɛ́ a Naaŋmɩn na mɩ́ nyɛ̃ a lɛ a nɩsaal pʋɔ na ŋmɛ̃ a, ʋ bãw nɩ a Vʋʋrʋ Sõw pʋ-tɩɛrʋ: bʋ̃ʋ n'ʋ vɛ̃, a Vʋʋrʋ Sõw mɩ́ puore na kʋ̀rɛ a kɩrɩta-nɩbɛ nɩ zɛlʋ na tu a lɛ a ʋl Naaŋmɩn na bɔbr a.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Yel-wula 20:12

Al pùorí, ɩ̃ tɩ nyɛ̃ nɩ a kũuni, a bɛrɛ nɩ a pʋrmɛ, bɛ àr a naalʋ-dà-kɔw niŋé, ɛ́ sɛbr yuori. Bɛ tɩ lɛb'a yuo sɛbɛ ƴen sob, a nyɔ-vʋʋrʋ sɛbɛ, ɛ́ maal'ɩ a kũuni a ƴɛ̀rʋ tu n a bɛ ɩ-ɩrɩ na sɛb ƴãw a sɛbr pʋɔ a.

Yel-wula 22:12

A Yeezu yel'a: «Ɩ̃ kʋ̃ yaa kɛ́ wa ɩ! Ɩ̃ɩ na tɛr'ɩ a sã-ya wa n, mɩ́ wa ya ŋa za manɩ nɩ a ʋ tome.

1 Samɩɛl 16:7

Ɛcɛ a Sore tɩ yel ʋ na: «Ta jɩ́rɛ a ʋ ŋmɛ̃a nɩ a ʋ kɛrʋ ɛ, ʋlɛ bɛ n'ʋ ɩ̃ kaa ír ɛ. A ka a, lɛ nɩsaalbɛ na mɩ́ nyɛ̃ a yele a bɛ n'a ɩ: nɩsaalbɛ mɩ́ nyɛ̃ nɩ a al na sãá a, ɛcɛ mãa a, a tɩɛrʋ n'ʋ ɩ̃ mɩ́ nyɛ̃.»