Zeremi 16:6 - A SƐB-SÕW

⁶ A tẽw ŋa pʋɔ a, a na-mɩnɛ nɩ a nan dem na kpi na, ɛ́ nɩr kʋ̃ ka be ũù bɛ ɩ, nɩr za kʋ̃ kõ bɛ ɩ. Nɩr kʋ̃ cɩr cɩr a ʋ ƴã-gan bɩɩ fɔr a ʋ zu wul'ɩ a ʋ pʋ-sãwna ɩ.

Zeremi 16:6 ပူးပေါင်းရင်းမြစ်များ

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Ɩzayi 24:2

a bàwr-maalɛ mɛ̃ a nɩ-zawla a, a gbãgbaa sob mɛ̃ a gbãgbaa a, a pɔw-nɩ-kpɛ̃ɛ mɛ̃ a tõ-tõ-bi-pɔw a, a bʋ̃-kʋ̀ɔrɛ mɛ̃ a bʋ̃-daarɛ a, a sob nɛ na pɛ̃wn a mɛ̃ a sob nɛ bɛ na pɛ̃wn a, a sob nɛ zie bɛ na dɩ san a, mɛ̃ a sob nɛ na dɩ san a.

Zeremi 13:13

fʋ̃ʋ yel bɛ a lɛn daar: “À ŋá n'a a Sore yere: A nɩbɛ za na kpɩɛr a tẽw ŋa pʋɔ a, a na-mɩnɛ za na zɩnɛ a Daviir naalʋ-dà-kɔw zu, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za na kpɩɛr a Zerizalɛm a, ɩ̃ na ɩ na bɛ kuoli kuolu mɩŋa.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 41:5

Lɛ n'a nɩbɛ lɩz'a anaar tɩ yi Sisɛm, Silo nɩ Samaari wa ta. A bɛ tɩ̃ɛmɛ tɩ põ na, a bʋ̃-suuri cɩɛr cɩɛr, ɛ́ a ƴã-gamɛ za wɛr wɛr. Bɛ tɩ tɛr'ɩ ble de-kʋ̀b bome nɩ tɩ-suur-zɔ̃-na-nyùur-vla-vla-a, kɛ́ bɛ cen nɩ tɩ kʋ̀ a Sore a Zerizalɛm Ŋmɩn-yir-kpɛ̃ɛ́.

Zeremi 47:5

A Gaza a, a nɩbɛ za zuru fɔr'a. A Asɩkalon a, a nɩbɛ za ɩ n gbili. A nyɩɩm na ɩ a nɩ-kɛrɩ jarmam jarmam na cãà vʋʋrɛ a, debor'a nyɩ na wɛr wɛr a nyɩ ƴã-gamɛ tɩ ta n?

Zeremi 48:37

A dɛbr za fɔr'ɩ a bɛ zuru, ɛ́ põ a bɛ tɩ̃ɛmɛ. Bɛ wɛr wɛr'ɩ a bɛ nuru, ɛ́ su vʋɔrɩ kparɩ.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Levitɩ mɩnɛ 19:27

Nyɩ taa pòne a nyɩ zu zuŋmãkole ɩ, ɛ́ taa pòne a nyɩ tɩɛm kõkowe ɩ.

Levitɩ mɩnɛ 19:28

Nyɩ taa cɩ̀rɛ a nyɩ ƴã-gan nɩr na kpi a ƴãw ɛ. Nyɩ taa wire bʋ̃-wiri a nyɩ ƴã-gan zu ɛ. Mãa n'ɩ a Sore.»

Amɔsɩ 6:11

Bʋ̃ʋ n'ʋ vɛ̃, a Sore, ʋ tɩr nʋɔr tɛwr, ɛ́ a yir-kpɛ̃ɛ na lo na, ɛ́ a yir-cãpile dacine pur pur.

Matie 9:23

A Yeezu na tɩ ta a nɩ-kpɛ̃ɛ yir a, ʋ nyɛ̃ nɩ nɩbɛ na pɛblɛ weli a, nɩ zu-sɛbla na damnɛ a. Ʋ tɩ yel'a:

Wulu-ayi-sob 14:1

Nyɩ ɩ n a Sore nyɩ Naaŋmɩn bibiir. A na ɩ à à ŋá a, nyɩmɛ mɩ́ wa tɛr kuor a, nyɩ ta ƴãw bɛ wɛr wɛr nyɩ a ƴã-gan ɛ, ɛ́ ta põ a nyɩ zu a nisɔw ɛ.

Yel-wula 20:12

Al pùorí, ɩ̃ tɩ nyɛ̃ nɩ a kũuni, a bɛrɛ nɩ a pʋrmɛ, bɛ àr a naalʋ-dà-kɔw niŋé, ɛ́ sɛbr yuori. Bɛ tɩ lɛb'a yuo sɛbɛ ƴen sob, a nyɔ-vʋʋrʋ sɛbɛ, ɛ́ maal'ɩ a kũuni a ƴɛ̀rʋ tu n a bɛ ɩ-ɩrɩ na sɛb ƴãw a sɛbr pʋɔ a.

Yel-wula 6:15

A tẽw zu na-mɩnɛ, a nɩ-bɛrɛ, a sojarɩ nɩ-bɛrɛ, a tɛra dem, a fãw dem, bɛ za, gbãgbaar nɩ nɩbɛ na so bɛ tʋɔra a, tɩ sɔwl'ɩ a bɔwrɩ pʋɔ nɩ a pie pʋɔ a tan zu.