Zeremi 16:4 - A SƐB-SÕW

⁴ Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 16:4 ပူးပေါင်းရင်းမြစ်များ

2 Na-mɩnɛ 9:10

A Zezabɛl ʋl ƴãw a, nɩr bɛ ũùne ʋ ɛ, bʋ̃ʋ n'ʋ vɛ̃, baar na 'wɔb ʋ nɩ a Izireyɛl púo pʋɔ.”» Al pùorí, a naaŋmɩn-ƴɛ̀r-manɛ yuo a pan ɛ́ yi zɔ.

Sɛb-sõw yielu 78:64

A zɛbr-sɔ-kpɛ̃ɛ tɩ kʋ n a bàwr-maalbɛ, ɛ́ a pɔw-kɔbɛ bɛ tɩ ŋmãa lãw-mʋɔlɛ ɩ.

Sɛb-sõw yielu 83:10

Naaŋmɩn i, ɩ bɛ mɛ̃ a Yavin nɩ a ʋ zɛbr nɩ-kpɛ̃ɛ Sɩsera fʋ na tɩ ɩ a Kison bà-fʋɔla pʋɔ a. Ɩ bɛ mɛ̃ a Madian tẽw dem a.

Ɩzayi 18:6

Lɛ n'a bɛ mɩ̀ na bɛr a Etiopi tẽw nɩbɛ kʋ̀ a tan pʋɔ sɩlɩ nɩ a wɛ-dʋn. A sɩlɩ so bɛ a ũon, ɛ́ a wɛ-dʋn so bɛ a sɩ̃ɔ.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Zeremi 19:7

A zie ŋa tɛɛ za pʋɔ a, ɩ̃ na sãw nɩ a lɛ za a Zuda tẽw nɩ a Zerizalɛm tẽw nɩbɛ na cɔbrɩ a bɛr. Ɩ̃ na ɩ na a bɛ nɩbɛ kpi a zɛbr pʋɔ a bɛ dɔ̃ dem niŋé. A bɛlɩ dem na bɔbr a bɛ kũu a nɛbɛ ɩ̃ na ɩ n bɛ a lɛ. Ɩ̃ na kʋ̀ n a bɛ kũuni a sidume nɩ a gbõgbo-cili a dɩ a.

Zeremi 21:6

Ɩ̃ na dɔwr'ɩ a bɛlɩ dem za na kpɩɛr a tẽ-kpɛ̃ɛ ŋa pʋɔ a, a nɩsaalbɛ nɩ a dʋn. Bɛ za na kpi n jɛ̀lmɛ̃ bàal-faa kũu.

Zeremi 25:33

A Sore zũú a, a kũuni na yi n a tẽw lõbowr ŋa tɩ sãá lõbowr ŋa. A yele á ŋá wa ta a, nɩr kʋ̃ kõ a kũuni bɛ ŋa ɩ, nɩr kʋ̃ wob a bɛ ƴã-gamɛ ɩ, nɩr kʋ̃ ũù bɛ ɩ. Bɛ na lɩɛbɩ tẽsɔw pʋɔrʋ.

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Zeremi 34:20

Ɩ̃ na de bɛ na ƴãw a bɛ dɔ̃ dem nuru pʋɔ, a bɛl na bɔbr a bɛ kʋb a. A bɛ ƴã-gamɛ na lɩɛb'ɩ sidume nɩ gbõgbo-cili bʋ̃-dɩrɩ.

Zeremi 36:30

A na ɩ à ŋá a, à ŋá n'a a Sore yere: “A Yoyakim kʋ̃ tɛr nɩr a ʋ yir pʋɔ, ʋ lɩɛr'ʋ ɩ a nãà a Daviir naalʋ-tẽw pʋɔ ɩ. Ʋlɛ wa kpi a, a ʋ kũu na gã nɩ yẽw, a mʋ̃tɔ̃w tʋlʋ pʋɔ, nɩ a tɩ̃ɩsɔw ƴawr pʋɔ.

Zeremi 44:12

Ɩ̃ na de nɩ a Zuda nɩbɛ na cãà cɛ vʋʋrɛ a, a bɛl na zɔ wa a Eziptɩ tẽw wa kpɩɛr a naayir a, ɛ́ bɛ na kpi n bɛ za. A tẽw ŋa pʋɔ n'a bɛ na kpi a zɛbr-sɔ-kpɛ̃ɛ nɩ a kɔ̃ kũu, a pʋrmɛ nɩ a bɛrɛ. Ʋ̃ʋ, à ŋá n'a bɛ na kpi, ɛ́ bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna, bɩɩ bom na ɩrɛ nɩr vĩ a ƴɛ̀rʋ a, bɛlɛ nɛbɛ bɛ na mɩ́ de man nɩ.

Zeremi 44:27

Ɩ̃ na ìr'ɩ a bɛ ƴãw, a kʋ̃ ɩ a bɛ vla ƴãw ɛ, ɛcɛ a na ɩ n a bɛ faa ƴãw. A Zuda tẽw nɩbɛ bɛl za na be a Eziptɩ tẽw a, zɛbr nɩ kɔ̃ na kʋ bɛ na, tɩ kʋ pàw pɛr.

Zeremi 7:33

A nɩbɛ bɛ ŋa kũuni na lɩɛb'ɩ a sidume nɩ a gbõgbo-cili bʋ̃-dɩrɩ, ɛ́ nɩr za kʋ̃ be be mɩ́ diw a bɛr ɛ!

Zeremi 9:22

À ŋá n'a a Sore yere: «A yã-bãwnɛ, ʋ ta pɔrɛ nɩ a ʋ yã-bãwfʋ ɛ! A fãw sob, ʋ ta zɛwr ʋ tʋɔra nɩ a ʋ fãw ɛ! A nãà, ʋ ta zɛwr ʋ tʋɔra nɩ a ʋ naalʋ ɛ!

A Lãw-mʋɔlɛ 4:9

A zɛbr zie kũu sa n a kɔ̃ kũu na mɩ́ ɩ fʋ sɩrɛ tɩ baarɩ, a bʋ̃-dɩrɩ na bɛ ka be a ƴãw a.

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Sofoni 1:17

A Sore yere na: «Ɩ̃ na ƴãw nɩ a nɩsaalbɛ kpɩɛrʋ pʋɔ, bɛ na bɔblɛ na mɛ̃ zɔn a, bɛ na maalɩ yel-bier sãw mɛ̃ a zũú. A bɛ zɩ̃ɩ na cir'a pàw a ziir za, mɛ̃ uuru a, ɛ́ a bɛ kũuni pʋ̃ɔ́ mɛ̃ sagɛ a.»

Wulu-ayi-sob 28:22

A Sore na ɩ na a nyɩ ƴã-gamɛ sɩrɛ, zi-ɓori ɓore nyɩ, ƴã-tʋlɛ tɛr nyɩ. Ʋ na ɩ na wɛr nyɔw. Ʋ na ɩ na a bʋ̃-kʋ́ɔrɩ al na mɩ́ tɛr bie a, a ko a dàar zu bɩɩ pɔ̃. A bʋ̃-faar á ŋá na tɛr'ɩ lɛɛɛ tɩ baarɩ nyɩ.

Wulu-ayi-sob 28:26

Sidume nɩ gbõgbo-cili na so a nyɩ ƴã-gamɛ dɩrɛ, ɛ́ nɩr za kʋ̃ wa diw a ɩ.