Zeremi 16:19 - A SƐB-SÕW

¹⁹ Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 16:19 ပူးပေါင်းရင်းမြစ်များ

1 Na-mɩnɛ 20:23

A Siiri tẽw nãà tõ-tõ-bi-bɛrɛ tɩ yel ʋ na: «A Ɩsɩrayɛl Naaŋmɩn ɩ n tan pʋɔ Naaŋmɩn: alɛ n'a so a Ɩsɩrayɛl nɩbɛ tʋ̃ɔ́ tɩ. Ɛcɛ tɩ zɛb'ɩ bɛ zi-tɩ̃tal pʋɔ: a bɛ tɛr à ŋá ɩ, tɩ na tʋ̃ɔ́ bɛ na.

Sɛb-sõw yielu 18:3

A ɩ̃ Naaŋmɩn ɩ n pìir, ɩ̃ na mɩ́ taw lanɩ a yel-faar daar a, zɛbr-kur-pãgala na mɩ́ piw mɛ̃ a, fãw na faarɛ mɛ̃ a, zɛbr-yir-kpɛ̃w pʋɔ ɩ̃ na mɩ́ nyɛ̃ faafʋ a. Ʋl zie n'a ɩ̃ mɩ́ sɔwlɩ, a po-to-fãw dem bɛ tʋ̃ɔ́ páw mɛ̃ ɩ.

Sɛb-sõw yielu 19:14

Mɩ̀ gù a fʋ tõ-tõ-bie a pɔ̀lʋ dem ƴãw, bɛ taa wa nanɩ tʋ̃ɔ́nɛ mɛ̃ ɩ. Lɛ n'a ɩ̃ kʋ̃ tɛr sãwna ɩ, ɛ́ yel-bier-kpɛ̃ɛ dɛwr kʋ̃ be ɩ̃ zie ɩ.

Sɛb-sõw yielu 27:5

Lɛ n'a ʋ na sɔwlɩ mɛ̃ a ʋ yir pʋɔ, a kpɩɛrʋ bibir nãà wa vɩɛ a, ʋ na sɔwlɩ mɛ̃ nɩ a ʋ dĩó, ʋ na ɓáw mɛ̃ na dɔwlɩ pìir na kɛrɩ a zu.

Sɛb-sõw yielu 46:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Bɛ ŋmɩɛr'ɩ bʋ̃-ŋmɩɛrɩ ƴãwn. Yielu.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Sɛb-sõw yielu 62:2

Naaŋmɩn yõ zie n'a a ɩ̃ pɩ̃ɛnʋ be, ʋl zie n'a a ɩ̃ faafʋ yire,

Sɛb-sõw yielu 62:7

Ʋl yõ n'ɩ a ɩ̃ pìir, a ɩ̃ faafʋ, a ɩ̃ zɛbr-yir-kpɛ̃w, ɩ̃ kʋ̃ dam damnʋ ɛ.

Sɛb-sõw yielu 65:3

fʋ̃ʋ na mɩ́ sàw de a puoru a. A nɩsaalbɛ za waar'ɩ a fʋ zie,

Sɛb-sõw yielu 68:31

Be a be, ɛ́ tanɩ a bàa-kɛkɛɛ pʋɔ dʋ̃w, a nadɛr-yaga yaga nɩ a bili na tɛr salm-zɩɛ libie wa lo gbĩ n dume a fʋ niŋé a. Diw a nɩ-bʋʋrɛ na nɔnɛ a zɛbr a yaarɩ.

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Ɩzayi 44:10

Fʋ maal'ɩ ŋmɩn, fʋ nyɩl'ɩ kure maal'ɩ tɩɩb na kʋ̃ tɛr yel-ɩra kãw za a, nyɛ̃ dãbolu a!

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Ɩzayi 62:2

A nɩ-bʋʋrɛ na nyɛ̃ nɩ a fʋ mɩnʋ, ɛ́ a na-mɩnɛ za nyɛ̃ a fʋ yúor-vɩɛlʋ-danʋ. Fʋ na tɛr'ɩ yo-paala a Sore na na por a.

Zeremi 10:3

A nɩ-bʋʋr-yoru tub bɛ tɛr pɛr ɛ. Bɛ mɩ́ cɛ n dàa a tuw pʋɔ, ɛ́ a bʋ̃-pɛnɛ pɛnɩ tɩɩb.

Zeremi 10:5

A tɩbɛ à ŋá ŋmɛ̃ na mɛ̃ ŋmaar bɛra na be kɔ̃kɔ̃bʋr púo pʋɔ a. A bɛ ƴɛ̀rɛ ɩ. A mɩ́ fɛr'a kɛ́ bɛ tuo a, a na kʋ̃ tʋ̃ɔ́ cen a ƴãw. Nyɩ ta zɔrɛ a ɩ: a kʋ̃ tʋ̃ɔ́ mal nɩr ɛ, ɛ́ mɩ̀ kʋ̃ tʋ̃ɔ́ maalɩ nɩr vla ɩ.»

Zeremi 12:16

Bɛ tɩ zanɩ nɩ nɩ a ɩ̃ nɩ-bʋʋrɛ bɛ mɩ́ pɔ a Báàl yúor ƴãw. Ɛcɛ bɛlɛ mɩ̀ wa sɩrɩ zanɩ a tub a na fɛr k'aa ɩ̃ nɩ-bʋʋrɛ tuur a, bɛlɛ mɩ́ wa pɔ a ɩ̃ yúor ƴãw yel: “Ɩ̃ pɔrɛ nɩ nɩ a Sore na vʋʋrɛ a”, a lɛ pʋɔ a, bɛ na nyɛ̃ nɩ zie a ɩ̃ nɩ-bʋʋrɛ pʋɔ.

Zeremi 14:8

A fʋ̃ʋ ƴãw a Ɩsɩrayɛl na ƴãw a ʋ tɩɛrʋ a, a fʋ̃ʋ na tɩ faa ʋ a kpɩɛrʋ daar a, bʋ̃ʋ n'ʋ so fʋ ɩrɛ mɛ̃ sãan a, a tẽw pʋɔ, mɛ̃ sɔr-tɔlɛ na bɩɛ k'ʋʋ gã ìr a?

Zeremi 17:17

Ta ɩ dɛ̃bɩ̃-bom a ɩ̃ zie ɩ, a fʋ̃ʋ na ɩ a ɩ̃ tɩ̀ɛrɛ a kpɩɛrʋ bibir a.

Zeremi 2:11

Nɩ-bʋʋrɛ mɩ́ lɩɛr'ɩ a bɛ ŋmɩmɛ ɛ? Ŋmɩmɛ bɛ n'a mɩ̀ ɛ! A ɩ̃ nɩbɛ bɛl a, bɛ de m'a tɛw nɩ ŋmɩmɛ na kʋ̃ tʋ̃ɔ́ ɩ bom za a, mãa na ɩ a bɛ dɛpaalʋ a.

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 3:23

Yel-mɩŋa sɩza, a gɔmɛ á ŋá za na ɩrɛ a tan zu a, a maalʋ á ŋá za na maalɛ a tãli zu a, a bɛ̀lɛ nɩ a nɩbɛ. Yel-mɩŋa sɩza, a Sore tɩ Naaŋmɩn zie n'a a Ɩsɩrayɛl páwr a faafʋ.

Zeremi 33:9

Lɛ n'a nʋ̃ɔ̀ na mɩ́ ɩrɛ mɛ̃ a Zerizalɛm yúor bʋɔlʋ ƴãw. A tẽ-kpɛ̃ɛ ŋa na ɩ na ɩ̃ tɛr yúor, ʋlɛ n'ʋ na so ɩ̃ nyʋʋr a tẽw zu nɩ-bʋʋrɛ za niŋé. Bɛlɛ wa wõ a vla al za ɩ̃ na na maal'ʋ a, bɛ na màwr'ɩ dɛ̃bɩ̃-mawfʋ, ɛ́ pʋ̀lá vʋ̃ɔnɛ bɛ, bɛ na nyɛ̃ a nʋ̃ɔ̀ nɩ a ƴã-ɓaarʋ al za ɩ̃ na na kʋ̀ ʋ a.»

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Ezekɩɛl 11:16

A na ɩ à ŋá a, yel kʋ̀ a bɛl nɩ a fʋ̃ʋ bɛ na lãw diw cen nɩ a: À ŋá n'a a Sore ƴɛ̀rɛ: “Ɩ̃ ɩ na nyɩ cen tẽ-zãánɩ pʋɔ, nɩ-sãanbɛ pʋɔ, ɛcɛ a be mɔ̃ mɩ̀ a, ɩ̃ be n a nyɩ sɔgɔ mɛ̃ zi-sõw pʋɔ a.”

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Nahum 1:7

A Sore ɩ n nɩ-vla, ʋ ɩ n taw-lanʋ zie a kpɩɛrʋ daar. Ʋ mɩ́ kaa nɩ a bɛlɩ dem na zɔrɛ kpɩɛr a ʋ naayir a zie,

Habakukɩ 3:19

A Sore Naaŋmɩn n'ɩ a ɩ̃ fãw: ʋ mɩ́ ɩ na ɩ̃ zɔrɛ fɔ̃w fɔ̃w mɛ̃ wala a, ʋ ɩ na ɩ̃ cere ziir na kɛrɩ a zu. A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bʋ̃-ŋmɩɛrɩ bɛ na maal'ɩ mié a n'a bɛ mɩ́ ŋmɩɛr'ɩ ƴãwn.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Ʋrɔm 1:25

Bɛ de nɩ a yel-mɩŋa na càarɩ a Naaŋmɩn a, tɛw nɩ a ziri. Bɛ ƴãw na ɛ́ maalɩ a bʋ̃-íra, ɛ́ bɛr a Íre, ʋl na sɛwnɩ puoru yome yome za a! Amɛn.

1 Pɩɛr 1:18

Nyɩ bãwnɩ a vla, bom na ɩ bʋ̃-wɛra mɛ̃ a salm-pla nɩ a salm-zɩɛ a, alɛ bɛ n'a bɛ ya ír'ɩ nyɩ bɛr a ɩ-ɩrɩ na bɛ tɛr tɔnɛ a pʋɔ a nyɩ sãàkʋm-kore mɩnɛ na lʋɔrɩ kʋ̀ nyɩ a ɩ.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»