Zeremi 16:18 - A SƐB-SÕW

¹⁸ Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Zeremi 16:18 ပူးပေါင်းရင်းမြစ်များ

Sɛb-sõw yielu 106:38

Bɛ tɩ cir'ɩ nɩbɛ na bɛ tɛr sãwna a zɩ̃ɩ, — a bɛ bidɛbr nɩ a bɛ pɔwyaar bɛ na maal'ɩ bàwr kʋ̀ a Kanãa tẽw tɩbɛ a zɩ̃ɩ — ɛ́ a zɩ̃ɩ á ŋá tɩ dɛw a tẽw bɛr.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Ɩzayi 40:2

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.

Ɩzayi 61:7

A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Ɩzayi 65:6

Ɛcɛ ɩ sɛb'ɩ à á ŋá za. Ɩ̃ bɛ ɩrɛ gbili ɛ, ɩ̃ɩ na ɩ na bɛ ya

Ɩzayi 65:7

a bɛ sãwna san vla vla, lãwnɩ a bɛ sãàkʋm-kore dem. A bɛ sãàkʋm-kore nyɩw nɩ parfɛ̃ a tan zu, ɛ́ ɩ m la a tãli zu. A na ɩ à ŋá a, ɩ̃ na ɩ na bɛ ya a koro za ɩ-ɩrɩ san vla vla. A mãa, a Sore, mãa n'ʋ yere.

Zeremi 17:18

Vĩ, a nyɔw a bɛlɩ dem na dɔwrɛ mɛ̃ a, ɛ́ bɛr a mãa! Dɛ̃bɩ̃ɛ, a tɛr bɛ bɛ màwr, ɛ́ bɛr a mãa! Ɩ a kpɩɛrʋ bibir wa a bɛ zu, sãw bɛ bɛr pelẽpelẽ!

Zeremi 2:7

Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

Zeremi 3:9

Ʋ maal'ɩ pɩ̃ɔ-yele nɩ kʋsɩɛr nɩ dàa ŋmɩmɛ, ʋ dɛw nɩ a tẽw nɩ a ʋ pɔw-yɛm ɩ-ɩrɩ na ɩrɛ vĩ a.

Zeremi 44:4

Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

Zeremi 7:30

A Sore yere na: «Sɩza, a Zuda tẽw nɩbɛ ɩ n a ʋlɩ bom nɛ na bɛ vɩɛl a, a ɩ̃ zie. Bɛ bin nɩ a bɛ tɩb-faar faar a yir ŋa ɩ̃ na so a pʋɔ, dɛw ʋ bɛr.

Ezekɩɛl 11:18

Nyɩmɛ wa lɛb wa a ʋ pʋɔ a, nyɩ na ír'ɩ a puoru ɩ-ɩrɩ al na bɛ maal'ɩ wob a bɛlɩ dem na tɩ kpɩɛr a ʋ pʋɔ a na tɛr a ŋmɩn-bɛlɛbɛlɛ ƴãw a bɛr.

Ezekɩɛl 11:21

Ɛcɛ, a bɛlɩ dem na puore a ŋmɩn-bɛlɛbɛlɛ ɛ́ ɩrɛ ɩb na bɛ maal'ɩ wob, tuur'ɩ a bɛ socir bʋ̃-bɔbrɩ a, ɩ̃ na ɩ na bɛ ya a bɛ ɩb san.” Mãa n'ʋ yel, a mãa, Sore Naaŋmɩn.»

Ezekɩɛl 36:18

Bɛ ɩ n a tẽw ʋ dɛw, a zɩ̃ɩ bɛ na ɩ a cir a be a ƴãw, nɩ a bɛ ŋmɩn-bɛlɛbɛlɛ ƴãw. Alɛ n'a so ɩ̃ ɩ a ɩ̃ su-tʋlʋ kpãkpã ìr a bɛ ƴãw.

Ezekɩɛl 5:11

«A mãa, a Sore Naaŋmɩn, ɩ̃ pɔ n nɩ a ɩ̃ nyɔ-vʋʋrʋ, yel à ŋá: Nyɩ dɛw nɩ a ɩ̃ yir-sõw bɛr nɩ a nyɩ ɩb na bɛ maal'ɩ wob a, nɩ a nyɩ ŋmɩn-bɛlɛbɛlɛ. A na ɩ lɛ a, ɩ̃ na ɩ n a bʋra tɔl a nyɩ zu. Ɩ̃ bɛ tɛrɛ mimi-baalʋ ɛ, nyɩ bɛ cɩ̃ɛnɛ ɩ.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Levitɩ mɩnɛ 26:30

Ɩ̃ na sãw nɩ a nyɩ maalʋ-ziir bɛr, ɩ̃ na ŋmɛr'ɩ a nyɩ bàwr-maal-kube al zu nyɩ na mɩ́ nyɩw a parfɛ̃ a bɛr, ɩ̃ na gbõ n a nyɩ kũuni taa a tɩbɛ na ŋmɛr ŋmɛr ɛ́ kar kar a zu. A ɩ̃ pʋɔ kʋ̃ nɔ̃w nyɩ towtow ɛ.

Mise 2:10

Nyɩ ìr! Nyɩ cere! A nyɩ pɩ̃ɛnʋ baar'a! Kpɩɛrʋ na bɛ tɛr manʋ a gùre nyɩ na, a nyɩ ɩ-faar ƴãw.»

Yel-wula 18:6

Nyɩ ɩ ʋ mɛ̃ a lɛ ʋ na ɩ a nɩbɛ a, nyɩ ya ʋ a ʋ ɩb san gb'a ayi. Nyɩ paalɩ a ʋ koli-nyúura nɩ divɛ̃ na kpɛmɛ gb'a ayi gãw a al ʋ na ƴãw a nɩbɛ nyũ a.