Zeremi 16:17 - A SƐB-SÕW

¹⁷ Ɩ̃ jɩ́rɛ nɩ a bɛ ɩ-ɩrɩ za, a kʋ̃ tʋ̃ɔ́ sɔwlɩ a ɩ̃ zie ɩ, a bɛ ɩ-faar kùre mɛ̃ nɩ mimir.

Zeremi 16:17 ပူးပေါင်းရင်းမြစ်များ

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

A Zɔb sɛbɛ 10:14

kɛ́ mãa dɛ wa maalɛ yel-bier a, fʋ̃ʋ nyɔw mɛ̃ a yel-bier zu ɛ́ ta bɛr a ɩ̃ sãwna kãw za ʋ tɔl ɛ.

A Zɔb sɛbɛ 31:4

A Naaŋmɩn bɛ nyɛ̃ a ɩ̃ cenu bɩɩ? Ʋlɛ bɛ n'ʋ bãw a ɩ̃ gbɛ-ceni za nʋɔr ɛ?

Sɛb-sõw yielu 109:15

A Sore, ʋ tɛr a bɛ sãwna tɩɛrʋ kʋralɛ, ɛ́ ɩ a bɛ yúor bɔr a tẽw zu!

Sɛb-sõw yielu 139:3

Ɩ̃ cere na bɩɩ ɩ̃ gã na a, fʋ mɩ́ bãwnɩ a na, ɛ́ fʋ mili nɩ a ɩ̃ sɛ́ɛ za.

Sɛb-sõw yielu 33:15

Ʋlɛ na n'ʋ mɩ́ maalɩ a bɛ been been socir a, ʋ cɛlɛ nɩ a bɛ ɩ-ɩrɩ za zie.

Sɛb-sõw yielu 51:9

Ɩ a ɩ̃ yel-bier ʋ bɔr, ɩ̃ɩ na vɩɛl'a. so m a kʋ̃ɔ, ɩ̃ɩ na pɛlɩ nɩ furutu!

Sɛb-sõw yielu 90:8

Fʋ bin nɩ a tɩ sãwna a fʋ niŋé, ɛ́ a fʋ cãà caalɛ a tɩ yel-sɔwlɩ.

Zʋkpaɩ 15:3

A Sore mimie be n a ziir za, ʋ mɩ́ jɩ́rɛ nɩ a nɩ-faar nɩ a nɩ-vɩɛlɩ.

Zʋkpaɩ 5:21

A Sore nyɛrɛ nɩ nɩsaal za ɩb, ʋ jɩ́rɛ nɩ a ʋ ɩ-ɩrɩ been been.

Ɩzayi 29:15

Baw-bio! A nɩbɛ bɛ ŋa sɔwlɛ na ɩrɛ, kɛ́ bɛ sɔwlɩ a Sore a lɛ bɛ na tɩɛrɩ bin a. Bɛ cɔbrɛ nɩ a bɛ yele a lige pʋɔ. Bɛ yere na: «Ãa n'ʋ nyɛrɛ tɩ? Ãa n'ʋ bãw bom nɛ tɩ na ɩrɛ a?»

Ɩzayi 66:18

A Sore yere na: «Ɩ̃ bãw nɩ a alɩ bome nɛ bɛ na ɩrɛ a, nɩ a alɩ bome nɛ bɛ na tɩɛrɛ a. Ɩ̃ waar'a k'ɩ̃ɩ wa ɓã a nɩ-bʋʋrɛ za na ƴɛ̀rɛ ƴɛ̀r-pɛ-bʋʋrɛ za a taa.

Zeremi 2:22

Fʋ̃ʋ saa na so kʋ̃ɔ nɩ zɩ̃ɛ a, fʋ̃ʋ saa na so kʋ̃ɔ nɩ sɩfan-yaga yaga a, a fʋ faalʋ dɛwr na cãà na be a ɩ̃ niŋé, a Sore Naaŋmɩn n'ʋ yel.

Zeremi 23:24

A Sore sowre na: «Nɩr saa sɔwlɩ a, a mãa, ɩ̃ kʋ̃ nyɛ̃ ʋ bɩɩ? Ɩ̃ be n zie za, a salom zu nɩ a tẽw zu.» À à ŋá n'a a Sore yel.

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Zeremi 32:19

Fʋ mɩ́ tɩɛr'ɩ yel-bɛrɛ maalʋ, ɛ́ maalɩ a nɩ kpɛnʋ. Fʋ mɩ́ maal'a jɩ́rɛ a nɩsaalbɛ ɩ-ɩrɩ, ɛ́ mɩ́ ya ŋa za man nɩ a ʋ cenu, man nɩ a ʋ ɩ-ɩrɩ.

Zeremi 7:11

A yir ŋa ɩ̃ na so a, nyɩ de ʋ na k'ʋ ɩ nyãnyuwr sɔwlʋ zie ʋ? Mãa ƴãw a, ɩ̃ nyɛ̃ na kɛ́ lɛ n'a. A mãa Sore n'ʋ yel.

Ezekɩɛl 8:12

A Naaŋmɩn tɩ sowri mɛ̃ na: «A fʋ̃ʋ nɩsaal bie, fʋ nyɛ̃ nɩ a lɛ a Ɩsɩrayɛl nɩbɛ nɩ-kore na sɔwlɛ ɩrɛ, ŋa za a ʋ beba zie a ʋ ŋmɩn-bɛlɛbɛlɛ niŋé a? Bɛ yere na: “A Sore kʋ̃ tʋ̃ɔ́ nyɛ̃ tɩ ɛ, ʋ zawr'ɩ a tẽw bɛr.”»

Ezekɩɛl 9:9

Ʋ tɩ sɔw mɛ̃ na: «A Ɩsɩrayɛl nɩ a Zuda naalʋ-ten yel-bebe bɛ dɩ vuo ɩ: a tẽw ɩ n zɩ̃ɩ tɛwr, a ɩ-ɩrɩ na bɛ tu a mɩnʋ a paal'ɩ a tẽ-kpɛ̃ɛ. Sɩza n'a, a nɩbɛ yere na: “A Sore jɛ n a tẽw bɛr, ʋ kʋ̃ tʋ̃ɔ́ nyɛ̃ bom za ɩ.”

Sofoni 1:12

A ʋlɩ daar nɛ a, ɩ̃ na tɔ̃w nɩ vũu bɔ n a Zerizalɛm tẽw za pʋɔ. Ɩ̃ na ìr'ɩ a nɩbɛ bɛl bom za na bɛ damnɛ a ƴãw, bɛl na ɩ mɛ̃ dãa na tewli gã a dã-pɛr zu a. Bɛ yere nɩ à ŋá: “A Sore kʋ̃ tʋ̃ɔ́ ɩ bom za ɩ, a vla n'a bɩɩ a faa n'a a!”

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.