Zeremi 16:12 - A SƐB-SÕW

¹² Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

Zeremi 16:12 ပူးပေါင်းရင်းမြစ်များ

Yele-za-pɛr-tib 6:5

A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

Ekilezɩasɩ 8:12

Yel-bier-maalɛ na tʋ̃ɔ́ na maalɩ faa gb'aa kʋba (100), ɛ́ vʋʋrɩ tɩ cɛlɩ. Ɩ̃ bãwnɩ a na, bɛ mɩ́ yel'ɩ à ŋá: «Bɛlɩ dem na zɔrɛ a Naaŋmɩn a na bãw nɩ a nʋ̃ɔ̀ bɛ na zɔrɛ ʋ a zũú.

Ekilezɩasɩ 9:3

A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

Zeremi 18:12

Ɛcɛ bɛ na sɔw na: «Fʋ bàlɛ nɩ fʋ tʋɔra! Tɩ na ɩ n a lɛ tɩ na yel a, tɩ na tuur'ɩ a tɩ tɩɛr-faar.»

Zeremi 22:28

Nɩbɛ sowre na: «La-ŋmɛrnyɛ̃ na bɛ tɛr yel-ɩra a nɔ̃w n'ɩ a dɛb ŋa, a Konɩahu? Laa bɛ na bɛ cãà bɔbr a a? Bʋ̃ʋ n'ʋ so bɛ diw ʋlɛ nɩ a ʋ bibiir cen nɩ tẽ-yũo bɛ na bɛ bãw a?»

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

A Lãw-mʋɔlɛ 5:7

A tɩ sãà mɩnɛ maal'ɩ yel-bier ɛ́ bɛ cãà ɩ, ɛcɛ tɩmɛ nɛbɛ tuo a bɛ sãwna.

Ezekɩɛl 20:30

A na ɩ lɛ a, yel kʋ̀ a Ɩsɩrayɛl nɩbɛ a bom nɛ a mãa Sore Naaŋmɩn na yere a: Ŋmɩŋmɩn za n'a! Nyɩ ɩrɛ na mɛ̃ a nyɩ sãàkʋm-kore a, nyɩ ƴãwnɛ nɩ nyɩ tʋɔra dɛwr ɛ́ ɩrɛ pɔw-yɛm ɩb maalɛ nɩ a bɛ tɩb-faar faar.

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Malasɩ 3:7

Nyɩ bɛr'ɩ a ɩ̃ wulu, mɛ̃ a nyɩ sãàkʋm-kore a, nyɩ bɛ tu a ɩ. Nyɩ lɛb wa a ɩ̃ zie, ɩ̃ɩ na lɛb'a wa a nyɩ zie, mãa n'ʋ yere, a mãa, a Sore kpɛnʋ-za-sob. Ɛcɛ nyɩ sowre na: “Ŋmɩŋmɩn n'a tɩ na ɩ lɛb wa a fʋ zie?”

Markɩ 7:21

Sɩza n'a, a nɩsaal pʋ̃ɔmɩ, a ʋ socir pʋɔ n'a a tɩɛr-faar za mɩ́ yi: a nɩ-fa-ɩb, a nyãnyuwlu, a nɩbɛ kʋb,

Wulu-ayi-sob 29:19

a Sore kʋ̃ sàw dɩ suur kʋ̀ ʋ ɛ. A ʋ suur nɩ a ʋ nyuur na ír'ɩ a nɩr ŋa ƴãw. Ʋ na ɩ na a ŋmɛ-ƴãw na be a sɛbɛ ŋa pʋɔ a páw ʋ. Ʋ na ɩ na a ʋ yúor bɛ cãà pore a tẽw zu ɛ.

Wulu-ayi-sob 9:27

Cãà bãwnɩ a fʋ tõ-tõ-biir Abraham, Ɩzaakɩ nɩ Zakɔb. Ta cɛlɛ a nɩbɛ bɛ ŋa zu-kpɛnʋ, a bɛ ɩ-faar nɩ a bɛ yel-bebe zie ɩ.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

Ebre 3:12

Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ.

Ƴɛ̀r-dɩrbɛ 2:19

Ɛcɛ a ƴɛ̀r-dɩrɛ wa kpi a, bɛ mɩ́ lɛb'a tĩ ɩrɛ a ɩ-faar, a nɩ̃ɛ zuo a bɛ sãàkʋm-kore dem. Bɛ mɩ́ tɩ puore nɩ ŋmɩn yoru, ɛ́ gbine dume a niŋé. Bɛ bɛ mɩ́ tɩ zawrɩ a bɛ ɩ-faar ɛ, ɛ́ cãà zawrɛ a Naaŋmɩn nʋɔr cere nɩ.

1 Samɩɛl 15:23

A nʋɔr-zawrʋ ɩ n yel-bier-faa sɛw a bàwr bʋwfʋ, ɛ́ a kpãa-tobr ɩ faa sɛw a tɩbɛ maalʋ. Fʋ na faa zawrɩ na tu a Sore ƴɛ̀rʋ a, a Sore mɩ̀ zawrɩ fʋ na bɛr, fʋ bɛ cãà ɩ a nãà ɩ.»