Zeremi 16:11 - A SƐB-SÕW

¹¹ A lɛ pʋɔ a, fʋ na sɔw bɛ nɩ à ŋá: “À ŋá n'a a Sore yere: A nyɩ sãàkʋm-kore na zawrɩ mɛ̃ bɛr ɛ́ tu ŋmɩn-yoru pùor, maalɩ a ɛ́ gbĩ dume gũu tɩ tɔ tẽw a niŋé a n'a so. Mãa a, bɛ zawrɩ mɛ̃ na bɛr, bɛ bɛ sàw tu a ɩ̃ wulu ɛ.

Zeremi 16:11 ပူးပေါင်းရင်းမြစ်များ

1 Na-mɩnɛ 9:9

Bɛ na mɩ́ sɔw bɛ na: “A Ɩsɩrayɛl nɩbɛ na zawrɩ a Sore bɛ Naaŋmɩn bɛr a n'a so, ʋl na tɩ ɩ a bɛ sãàkʋm-kore yi a Eziptɩ tẽw a. Bɛ tu n ŋmɩn-yoru, gbĩ dume a niŋé puor'a. Alɛ n'a so a Sore ɩ a kpɩɛrʋ á ŋá za páw bɛ.”»

2 Bibie za yel-manɩ 7:22

Bɛ na mɩ́ sɔw bɛ na: “A Ɩsɩrayɛl nɩbɛ na zawrɩ a Sore, a bɛ sãà mɩnɛ Naaŋmɩn, bɛr a n'a so, ʋl na tɩ ɩ bɛ yi a Eziptɩ tẽw a. Bɛ tu n ŋmɩn-yoru, gbĩ dume gũu tɩ tɔ tẽw a niŋé, alɛ n'a so a Sore ɩ a kpɩɛrʋ á ŋá za páw bɛ.”»

Zeremi 13:22

Lɛ n'a fʋ na sowri: “Bʋ̃ʋ n'ʋ so à á ŋá za tarɛ mɛ̃?” A fʋ sãwna na tɩbrɛ a zũú n'a bɛ vaarɩ a fʋ kparʋ do n, ɛ́ fɛrɛ fʋ.

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 22:9

Bɛ na mɩ́ sɔw bɛ na: «Bɛ na zawrɩ a Sore bɛ Naaŋmɩn wõ-taa bɛr, ɛ́ gbĩ dume gũu tɩ tɔ tẽw ŋmɩn-yoru niŋé maalɩ a a n'a so.»

Zeremi 44:3

À á ŋá za ta na, a faa bɛ na maalɩ ƴãw a ɩ̃ suur ìr a zũú. Bʋ̃ʋ n'ʋ vɛ̃, bɛ cen na tɩ maalɩ bagɛ kʋ̀ ŋmɩn-yoru ɛ́ maalɩ a. Ɛcɛ bɛ bɛ bãw a ŋmɩmɛ á ŋá ɩ. Lɛb waar mɩ̀, a nyɩɩm nɩ a nyɩ sãàkʋm-kore mɩ́ bɛ tɩ bãw a ɩ.

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

A Lãw-mʋɔlɛ 5:7

A tɩ sãà mɩnɛ maal'ɩ yel-bier ɛ́ bɛ cãà ɩ, ɛcɛ tɩmɛ nɛbɛ tuo a bɛ sãwna.

Ezekɩɛl 11:21

Ɛcɛ, a bɛlɩ dem na puore a ŋmɩn-bɛlɛbɛlɛ ɛ́ ɩrɛ ɩb na bɛ maal'ɩ wob, tuur'ɩ a bɛ socir bʋ̃-bɔbrɩ a, ɩ̃ na ɩ na bɛ ya a bɛ ɩb san.” Mãa n'ʋ yel, a mãa, Sore Naaŋmɩn.»

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Malasɩ 3:7

Nyɩ bɛr'ɩ a ɩ̃ wulu, mɛ̃ a nyɩ sãàkʋm-kore a, nyɩ bɛ tu a ɩ. Nyɩ lɛb wa a ɩ̃ zie, ɩ̃ɩ na lɛb'a wa a nyɩ zie, mãa n'ʋ yere, a mãa, a Sore kpɛnʋ-za-sob. Ɛcɛ nyɩ sowre na: “Ŋmɩŋmɩn n'a tɩ na ɩ lɛb wa a fʋ zie?”

1 Pɩɛr 4:3

A dãwdãw nyɩ na tɩ tu a pɩ̃ɔ-yele pùor a, a tɛra vʋla, a dãa-kuolu, a dɩ̀rʋ́, a nyub nɩ a tɩbɛ maalʋ na bɛ vɩɛl towtow a, nyɩ tɩ maal'ɩ a sɔ-kʋra pʋɔ dem pʋ-tɩɛrʋ tɩ sɛw.

Ƴɛ̀r-dɩrbɛ 2:11

Lɛ n'a a Ɩsɩrayɛl nɩbɛ tɩ ɩ bom nɛ na bɛ pɛlɩ a Sore pʋɔ a, ɛ́ puore a Báàl mɩnɛ.