Zeremi 15:4 - A SƐB-SÕW

⁴ À ŋá n'a a tẽ-daa naalʋ-ten za na mɩ́ tɛr dɛ̃bɩ̃-kpɛ̃ɛ alɛ wa nyɛ̃ bɛ a. A faa a Ezekɩasɩ bidɛb, Manase, na ɩ Zuda tẽw nãà a na tɩ maalɩ a Zerizalɛm a, alɛ n'a wa n à á ŋá.»

Zeremi 15:4 ပူးပေါင်းရင်းမြစ်များ

2 Na-mɩnɛ 21:1

A Manase tɩ tɛr'ɩ yome pie nɩ ayi a lɛn daar ʋ na tɩ lɩɛbɩ a nãà a, ɛ́ dɩ a naalʋ a Zerizalɛm yome lɩz'a ata ŋmãa anũu. A mã tɩ dɩ na kɛ́ Hefisi-Ba.

2 Na-mɩnɛ 21:15

Ɩ̃ na ɩ n à à ŋá, a ɩ̃ nɩ-bʋʋrɛ na ɩ a lɛ na bɛ vɩɛl a ɩ̃ zie a kʋralɛ a. Bɛ ɩrɛ nɩ kʋralɛ a ɩ̃ suur ìre, a ʋlɩ bibir a bɛ sãàkʋm-kore na yi a Eziptɩ a, wa tɩ tɔ a dɩ̃a.”»

2 Na-mɩnɛ 21:2

A Manase tɩ ɩ n a lɛ na bɛ vɩɛl a, a Sore zie, cɔwrɩ a nɩ-bʋʋr-yoru ɩ-faar za na bɛ maal'ɩ wob a, a nɩ-bʋʋrɛ bɛl a Sore na tɩ diw a tẽw pʋɔ, ɛ́ ƴãw a Ɩsɩrayɛl nɩbɛ zɩ̃ a.

2 Bibie za yel-manɩ 33:1

A Manase tɩ tɛr'ɩ yome pie nɩ ayi a lɛn daar ʋ na tɩ lɩɛbɩ a nãà a, ɛ́ dɩ a naalʋ a Zerizalɛm yome lɩz'a ata ŋmãa nũu.

2 Bibie za yel-manɩ 33:2

Ʋ tɩ ɩ n a lɛ na bɛ pɛlɩ a Sore pʋɔ a, cɔwrɩ a nɩ-bʋʋr-yoru ɩ-faar za na bɛ maal'ɩ wob a, a nɩ-bʋʋr-yoru bɛl a Sore na tɩ diw a tẽw pʋɔ, ɛ́ ƴãw a Ɩsɩrayɛl nɩbɛ zɩ̃ a.

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Zeremi 9:16

À ŋá n'a a Sore, a kpɛnʋ-za-sob yere. «Nyɩ bãwnɩ a pɔw-kõ-konbɛ bʋɔlʋ, nyɩ ƴãw bɛ wa! Nyɩ tõ bɛ tɩ bʋɔlɩ a bɛl na bãw kon vla vla a bɛ wa!

A Lãw-mʋɔlɛ 1:8

A Zerizalɛm sãw nɩ faa faa, alɛ n'a so ʋ lɩɛbɩ sagɛ. A bɛlɩ dem za na tɩ ƴãwnɛ ʋ a, yàalɛ ʋ na, bʋ̃ʋ n'ʋ vɛ̃, bɛ nyɛ̃ nɩ a ʋ ƴã-gã-kpãkpol. Ʋl ƴãw a, ʋ lɩɛb'a kone cere nɩ.

Ezekɩɛl 18:19

Nyɩ sowre na: “Bʋ̃ʋ n'ʋ so a bidɛb bɛ tuo a sãà sãwna?” Ʋ na ɩ a ɩb a tu a sɔ́r nɩ mɩnʋ a, ʋ na sàw a ɩ̃ nɛ-ƴãwnɩ a n'a so. A na ɩ lɛ a, ʋ na vʋʋrɛ na.

Ezekɩɛl 23:46

À ŋá n'a a mãa Sore Naaŋmɩn yere: Nyɩ bʋɔlɩ a nɩbɛ ɓã taa a bɛ ƴãw! Bɛ ɩ bɛ màwr dɛ̃bɩ̃-mawfʋ, bɛ faa bom za bɛ na tɛr a!

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.