Zeremi 15:3 - A SƐB-SÕW

³ A Sore yere na: Ɩ̃ na ìr'ɩ a bɛ ƴãw nɩ tub anaar: a zɛbr-sɔ-kpɛ̃ɛ na kʋrɛ bɛ na, a baar tawr bɛ tɔlɛ nɩ nidaa, a sidume nɩ a gbõgbo-cili na gɔr gɔr bɛ na ɛ́ ɩ bɛ bɔr.

Zeremi 15:3 ပူးပေါင်းရင်းမြစ်များ

Sɛb-sõw yielu 68:23

A Sore yel'a: «Ɩ̃ na tɛr'ɩ a fʋ dɔ̃ dem a Basan tẽw lɛb wa n, ɩ̃ na tɛr bɛ nɩ a kʋ̃ɔ-kpɛ̃ɛ pɛrɩ́ yi wa n.

Ɩzayi 18:6

Lɛ n'a bɛ mɩ̀ na bɛr a Etiopi tẽw nɩbɛ kʋ̀ a tan pʋɔ sɩlɩ nɩ a wɛ-dʋn. A sɩlɩ so bɛ a ũon, ɛ́ a wɛ-dʋn so bɛ a sɩ̃ɔ.

Zeremi 12:9

A na ɩ lɛ a, a bɛlɩ dem ɩ̃ na so a ɩ na mɛ̃ lili-kpɛrɛ kpɛrɛ sidume na diwr a ziir za a bɩɩ? Nyɩ bʋɔlɩ a wɛ-dʋn za ɓã taa! Nyɩ ƴãw a wa a dɩb ƴãw!

Zeremi 14:12

Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Zeremi 14:16

A kɔ̃ nɩ a zɛbr na kʋ n a bɛlɩ dem bɛ na ƴɛ̀r a naaŋmɩn-ƴɛ̀r-manbɛ ƴɛ̀rʋ ŋa kʋ̀ a. Bɛ na lɔb lɔb'ɩ a bɛ kũuni bɛr a Zerizalɛm sɛ́ɛ pʋɔ, ɛ́ nɩr za kʋ̃ be be ũù bɛ ɩ, a bɛl, a bɛ pɔwbɛ, a bɛ bidɛbr nɩ a bɛ pɔwyaar. Ɩ̃ na ɩ na a bɛ faa lɩɛbɩ lo a bɛ zu.”»

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 7:33

A nɩbɛ bɛ ŋa kũuni na lɩɛb'ɩ a sidume nɩ a gbõgbo-cili bʋ̃-dɩrɩ, ɛ́ nɩr za kʋ̃ be be mɩ́ diw a bɛr ɛ!

A Lãw-mʋɔlɛ 3:11

Ʋ ɩ na ɩ̃ tuli a ɩ̃ sɔ́r, ʋ taw mɛ̃ na cɩɛrɩ, ɛ́ sãw mɛ̃ bɛr.

Ezekɩɛl 14:21

Al pùorí, a Sore Naaŋmɩn tɩ yel mɛ̃ na: «Ɩ̃ ɩ na kpɩɛrʋ bɛrɛ anaar ta a Zerizalɛm: a zɛbr, a kɔ̃, a dʋ̃-faar nɩ a jɛ̀lmɛ̃ bàalʋ, k'aa tʋ̃ɔ́ kʋ a nɩbɛ nɩ a dʋn pàw pɛr.

Ezekɩɛl 33:27

Yel bɛ k'aa mãa Sore Naaŋmɩn yere nɩ à ŋá kʋ̀rɛ bɛ: “Ɩ̃ pɔ n nɩ a ɩ̃ nyɔ-vʋʋrʋ, bɛ na kʋ n a bɛl na be a tẽ-bɛrɛ bɛ na sãw bɛr a pʋɔ, wɛ-dʋn na 'wɔb'ɩ a bɛl na be a wɩ̀ɛ pʋɔ a, ɛ́ a bɛl na sɔwlɛ a tan pʋɔ nɩ a pìe bɔwrɩ pʋɔ a, bɛ na kpi n jɛ̀lmɛ̃ bàalʋ kũu.

Levitɩ mɩnɛ 26:16

nyɩ nyɛ̃ a lɛ ɩ̃ na na ɩ nyɩ a: Ɩ̃ na ƴãw na a pʋl-vʋ̃ɔ, a kõwfʋ nɩ a ƴã-tʋlʋ wa a nyɩ ƴãw wa ɩ nyɩ lo mimie ɛ́ sɩrɛ cere. Nyɩ na mɩ́ bʋ̀r'ɩ a nyɩ póru zawla, bʋ̃ʋ n'ʋ vɛ̃, a nyɩ dɔ̃ dem nɛbɛ na mɩ́ cɛ̀ a.

Levitɩ mɩnɛ 26:22

Ɩ̃ na ƴãw na wɛ-dʋn wa a nyɩ ƴãw, wa kʋ a nyɩ bibiir, kʋ a nyɩ dʋn pàw pɛr, ɛ́ baarɩ nyɩ, bɛ bɛ mɩ́ cãà nyɛ̃ nɩr sɔ́r zu ɛ.

Levitɩ mɩnɛ 26:25

Ɩ̃ na ɩ na zɛbr lo a nyɩ zu a ɩ̃ wõ-taa nyɩ na ɩ k'ʋ sãw a ƴãw. Nyɩ na zɔ na kpɛ a nyɩ tẽ-bɛrɛ pʋɔ. Ɩ̃ na ɩ na a jɛ̀lmɛ̃ bàalʋ páw nyɩ, ɛ́ a nyɩ dɔ̃ dem na so nyɩ na.

Amɔsɩ 5:19

A na ɩ na mɛ̃ nɩr gbẽw na diwr ʋ tɩ ùr dʋ̃-faa kãw bɛ na bʋɔlɛ ursɩ a. Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.

Wulu-ayi-sob 28:26

Sidume nɩ gbõgbo-cili na so a nyɩ ƴã-gamɛ dɩrɛ, ɛ́ nɩr za kʋ̃ wa diw a ɩ.

Wulu-ayi-sob 32:24

A kɔ̃ wa kpɛ bɛ kʋ bɛr a, a ƴã-tʋlʋ bɩɩ a bàal-faar wa ɩ bɛ bʋ̃-zaalɛ a, ɩ̃ na ƴãw na wɛ-dʋ̃-faar wa a bɛ ƴãw, nɩ wɩɩr na tɛr lɔw yaga a.

Yel-wula 6:8

Ɩ̃ tɩ jɩ́r'a nyɛ̃ wur na sɔb mɛ̃ va-sɛbla a. A ʋ zɔmnɛ dɩ na kɛ́ Kũu, ɛ́ a kpɩmɛ tẽw tɩ tuur ʋ. Bɛ tɩ kʋ̀ a nɩ fãw a tẽw ziir anaar sob zu, k'aa kʋrɛ a nɩbɛ nɩ a zɛbr-sɔ-kpɛ̃ɛ, nɩ a kɔ̃, nɩ a bàal-faar nɩ a tẽw zu wɛ-dʋ̃-faar.