Zeremi 15:20 - A SƐB-SÕW

²⁰ A nɩbɛ bɛ ŋa niŋé a, ɩ̃ na ɩ na fʋ ɩ mɛ̃ kur-zɩɛ dacin bɛ na kʋ̃ tʋ̃ɔ́ dáa lɔb a. Bɛ na zɛb'ɩ fʋ na, ɛcɛ bɛ kʋ̃ tʋ̃ɔ́ fʋ ɩ bom za ɩ, bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ faa fʋ ɛ́ ɩ fʋ so fʋ tʋɔra. A Sore n'ʋ yel.

Zeremi 15:20 ပူးပေါင်းရင်းမြစ်များ

Sɛb-sõw yielu 37:39

A Sore zie n'a a nɩ-mɩn faafʋ yire, ʋlɛ n'ɩ a bɛ zɛbr-yir-kpɛ̃w a kpɩɛrʋ daar.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Zeremi 1:8

Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Zeremi 15:10

Ɩ̃ mã a, nyɛ̃ kpɩɛrʋ fʋ na ƴãw mɛ̃, fʋ na dɔw mɛ̃ a! A tẽw za pʋɔ a, a nɩbɛ bɛ de a ɩ̃ yele ɩ: bɛ mɩ́ ŋmɩɛr'ɩ a ɩ̃ ƴɛ̀rʋ lɔbr. Ɩ̃ bɛ pɛ̃w nɩr ɩ̃ libir ɛ, ɛ́ mɩ́ bɛ pɛ̃w libir nɩr zie ɩ. Ɛ́ a nɩbɛ za ŋmɩɛr ƴãwn mɛ̃.

Zeremi 15:15

Ɛcɛ fʋ̃ʋ a, Sore e, fʋ bãw nɩ bom za na càarɩ mɛ̃ a, tɛr a ɩ̃ tɩɛrʋ, ɩ ɩb kãw a ɩ̃ ƴãw. Yáa a san a bɛlɩ dem na dɔwrɛ mɛ̃ a zie. Ta bɛr mɛ̃ k'ɩ̃ wone tuo fʋ na nyɔwr fʋ tʋɔra a bɛ ƴãw a zũú ɛ. Bãwnɩ a, a fʋ zũú n'a ɩ̃ sàw a zʋmɛ.

Zeremi 38:28

Lɛ n'a a Zeremi tɩ be a soja-zi-gùrbɛ davʋra pʋɔ tɩ ta a lɛn daar a Babɩlɔn tẽw zɛbr-nɩbɛ na zɛb de a Zerizalɛm a. Nyɛ̃ a yele al na ɩ, bɛ na wa zɛb de a Zerizalɛm a:

Zeremi 39:11

A Zeremi ƴãw a, a Babɩlɔn tẽw nãà, Nabikodonozɔɔr, tɩ yel'ɩ à ŋá kʋ̀ a soja-zi-gùrbɛ nɩ-kpɛ̃ɛ, Nebuzaradan:

Zeremi 42:11

Nyɩ ta cãà zɔrɛ a Babɩlɔn tẽw nãà dɛ̃bɩ̃ɛ ɩ. A mãa, a Sore, ɩ̃ yere na kʋ̀rɛ nyɩ: Nyɩ ta cãà zɔrɛ ʋ ɛ, bʋ̃ʋ n'ʋ vɛ̃, ɩ̃ be n a nyɩ zie k'ɩ̃ɩ faa nyɩ, ɛ́ ír nyɩ a ʋ nuru pʋɔ.

Zeremi 6:27

«Zeremi i, ɩ̃ ƴãw na kɛ́ fʋ jieli a ɩ̃ nɩbɛ bãw bɛ ŋmɛ̃a. A na fɛr'a fʋ bãw ɛ́ jieli a bɛ ɩb, mɛ̃ tõ-tõ-bie na jiele kur-bʋʋrɛ bʋʋrɛ a.»

Ezekɩɛl 3:8

Ɛcɛ, ɩ̃ na ɩ na fʋ kpɛ zu-kpɛnʋ mɛ̃ a bɛl a, ɛ́ a fʋ zu ko mɛ̃ a bɛ zuru a.

Ezekɩɛl 3:9

Ɩ̃ na ɩ na fʋ kpɛmɛ mɛ̃ kʋsɛ-bi-nyɩla bɛ na bʋɔlɛ dɩamã a, fʋ kpɛmɛ zuo pìir. A na ɩ lɛ a, ta zɔrɛ bɛ ɩ, ɛ́ ta màwr a bɛ niŋé ɩ, bʋ̃ʋ n'ʋ vɛ̃, bɛ ɩ n nɩ-gaarɩ bʋʋrɛ.»

2 Timote 4:22

A Sore ʋ be a fʋ zie. A Naaŋmɩn maalʋ, ʋ be a nyɩ zie.