Zeremi 15:2 - A SƐB-SÕW

² Ɛ́ bɛlɛ wa sowre fʋ: “Nyɩnɛ n'a a fɛr kɛ́ tɩ cen?” Fʋ na sɔw bɛ na: “À ŋá n'a a Sore yere: Ŋa za na mɩ́ tu n a ʋ sɔ́r. Bɛ mɩnɛ a, a na ɩ n a jɛ̀lmɛ̃ kũu, bɛ mɩnɛ a ɩ a zɛbr kũu, bɛ mɩnɛ a ɩ a kɔ̃ kũu, ɛ́ bɛ mɩnɛ a ɩ a bɛ tẽw bɛ na na ìr bɛ cen nɩ tẽ-yũo a!”

Zeremi 15:2 ပူးပေါင်းရင်းမြစ်များ

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 24:18

Sob nɛ na na wõ a pʋl-vʋ̃ɔ cɛl zɔrɛ a na lo n a bɔw-zulu pʋɔ. Ʋlɛ wa tʋ̃ɔ́ yi a be a, ʋ na kpɛ n a bɛra pʋɔ. A salom tokori vɛɛ yuo nɩ 'he'hee lɛ, a tẽsɔw pɛr damnɛ na.

Zeremi 14:12

Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Zeremi 14:16

A kɔ̃ nɩ a zɛbr na kʋ n a bɛlɩ dem bɛ na ƴɛ̀r a naaŋmɩn-ƴɛ̀r-manbɛ ƴɛ̀rʋ ŋa kʋ̀ a. Bɛ na lɔb lɔb'ɩ a bɛ kũuni bɛr a Zerizalɛm sɛ́ɛ pʋɔ, ɛ́ nɩr za kʋ̃ be be ũù bɛ ɩ, a bɛl, a bɛ pɔwbɛ, a bɛ bidɛbr nɩ a bɛ pɔwyaar. Ɩ̃ na ɩ na a bɛ faa lɩɛbɩ lo a bɛ zu.”»

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 19:7

A zie ŋa tɛɛ za pʋɔ a, ɩ̃ na sãw nɩ a lɛ za a Zuda tẽw nɩ a Zerizalɛm tẽw nɩbɛ na cɔbrɩ a bɛr. Ɩ̃ na ɩ na a bɛ nɩbɛ kpi a zɛbr pʋɔ a bɛ dɔ̃ dem niŋé. A bɛlɩ dem na bɔbr a bɛ kũu a nɛbɛ ɩ̃ na ɩ n bɛ a lɛ. Ɩ̃ na kʋ̀ n a bɛ kũuni a sidume nɩ a gbõgbo-cili a dɩ a.

Zeremi 43:11

Ʋlɛ wa ta a, ʋ na zɛb'a tʋ̃ɔ́ a Eziptɩ tẽw. Ʋ na kʋ n a bɛlɩ dem a na fɛr kɛ́ bɛ kpi a, a bɛlɩ dem a na fɛr kɛ́ bɛ diw cen nɩ a, ʋ na diw bɛ na cen nɩ, a bɛlɩ dem a na fɛr kɛ́ bɛ kpi a zɛbr-sɔ-kpɛ̃ɛ kũu a, ʋ na kʋ bɛ na nɩ a zɛbr-sɔ-kpɛ̃ɛ.

Ezekɩɛl 12:11

Yel kʋ̀ bɛ kɛ́ fʋ ɩ n à à ŋá a ɩ bãwfʋ. Bʋ̃ʋ n'ʋ vɛ̃, bɛ na cen nɩ diw-cenu zie, gbãgbaalʋ pʋɔ.

Ezekɩɛl 14:21

Al pùorí, a Sore Naaŋmɩn tɩ yel mɛ̃ na: «Ɩ̃ ɩ na kpɩɛrʋ bɛrɛ anaar ta a Zerizalɛm: a zɛbr, a kɔ̃, a dʋ̃-faar nɩ a jɛ̀lmɛ̃ bàalʋ, k'aa tʋ̃ɔ́ kʋ a nɩbɛ nɩ a dʋn pàw pɛr.

Ezekɩɛl 33:27

Yel bɛ k'aa mãa Sore Naaŋmɩn yere nɩ à ŋá kʋ̀rɛ bɛ: “Ɩ̃ pɔ n nɩ a ɩ̃ nyɔ-vʋʋrʋ, bɛ na kʋ n a bɛl na be a tẽ-bɛrɛ bɛ na sãw bɛr a pʋɔ, wɛ-dʋn na 'wɔb'ɩ a bɛl na be a wɩ̀ɛ pʋɔ a, ɛ́ a bɛl na sɔwlɛ a tan pʋɔ nɩ a pìe bɔwrɩ pʋɔ a, bɛ na kpi n jɛ̀lmɛ̃ bàalʋ kũu.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Ezekɩɛl 5:2

Bɛlɛ wa zɛb de a Zerizalɛm baar'a, fʋ na nyɩw nɩ vũu pʋɔ a fʋ kɔblʋ na põ ziir ata a, a zi-been sob a tẽ-kpɛ̃ɛ sɔwlɩsɔw. Fʋ na de nɩ a fʋ zɛbr-sɔ-kpɛ̃ɛ ŋmɩɛr'ɩ a ziir ayi sob viire kole nɩ a tẽ-kpɛ̃ɛ. Fʋ na yɛ́lɩ nɩ a ziir ata sob bɛr sɛsɛb pʋɔ, ɛ́ mãa a, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ ƴãw.

Amɔsɩ 5:19

A na ɩ na mɛ̃ nɩr gbẽw na diwr ʋ tɩ ùr dʋ̃-faa kãw bɛ na bʋɔlɛ ursɩ a. Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.

Zakari 11:9

Lɛ n'a ɩ̃ tɩ yel a: «Ɩ̃ kʋ̃ cãà kaarɛ a nyɩ zie ɩ. A al na na kpi a, a kpi! A al na na bɔr a, a bɔr! A al na na cãà vʋʋrɛ a, a 'wɔbr taa!»

Yel-wula 13:10

Nɩr wa be a gaso kpɛb ƴãw a, ʋ na kpɛ n a gaso. Nɩr wa be a sʋɔ-kũu ƴãw a, ʋ na kpi n a sʋɔ-kũu. A Naaŋmɩn nɩ-bʋʋrɛ kanyir dɩb nɩ a bɛ naaŋmɩn-sàw-deb daar'ɩ à à ŋá.»