Zeremi 15:19 - A SƐB-SÕW

¹⁹ Nyɛ̃ a lɛ a Sore na ƴɛ̀rɛ a ɩ̃ zie a: «Fʋ̃ʋ wa lɛb wa a ɩ̃ zie a, ɩ̃ na lɛb'a de fʋ a ɩ̃ tome ƴãw. Fʋ̃ʋ wa gù kɛ́ fʋ mɩ́ ƴɛ̀r ƴɛ̀r-sɩza ɛ́ bɛr a ƴɛ̀r-fowle a, fʋ na lɛb'a ɩ a sob nɛ na ƴɛ̀rɛ a ɩ̃ yúor ƴãw a. A Zuda nɩbɛ nɛbɛ sɛw kɛ́ bɛ lɛb wa a fʋ zie, fʋ̃ʋ bɛ n'ʋ sɛw kɛ́ fʋ lɛb wa a bɛ zie ɩ.

Zeremi 15:19 ပူးပေါင်းရင်းမြစ်များ

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

Eziptɩ tẽw yib 4:12

Pãa cen ƴɛrɛŋa. Fʋ̃ʋ wa ƴɛ̀rɛ a lɛn daar a, ɩ̃ na be n a fʋ zie, ɩ̃ na mɩ́ wul fʋ nɩ a ʋlɩ bom nɛ fʋ na na yel a.»

Zʋkpaɩ 22:29

Jɩ́r a nɩr na bãw a ʋ tome vla a. Ʋ na tʋ̃ɔ́ na cen tɩ kpɛ tome a nãà zie, ɛ́ ta cãà be a tõ-tonbɛ a nɩbɛ na bɛ bãw a sɔgɔ ɩ.

Zeremi 1:9

Al pùorí, a Sore tɩ tur'ɩ a nũu tɔ n a ɩ̃ nʋɔr ɛ́ yel mɛ̃: «Ɩ̃ ƴãwnɛ nɩ a ɩ̃ ƴɛ̀rʋ a fʋ nʋɔrɩ́.

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Zeremi 20:9

Mãa wa yel: «Ɩ̃ bɛ lɛb tɩ́ɛrɛ a Sore yele ɩ, ɩ̃ kʋ̃ lɛb ƴɛ̀r a ʋ yúor ƴãw a», a lɛn daar a, a mɩ́ ɩ na mɛ̃ vũu na dɩrɛ a ɩ̃ pʋ̃ɔmɩ za a. Ɩ̃ mɩ́ bàl'ɩ ɩ̃ tʋɔra k'ɩ̃ɩ tʋ̃ɔ́ ʋ tɛr, ɛcɛ ɩ̃ bɛ mɩ́ tʋ̃ɔ́ ɩ.

Zeremi 35:19

A na ɩ à ŋá a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: a Erekaavʋ bidɛb, Yonadavʋ, yir pʋɔ a, nɩr na mɩ́ be n be kʋralɛ àr a ɩ̃ niŋé bibie za.»

Zeremi 4:1

A Sore yere na: «Ɩsɩrayɛl i, fʋ̃ʋ wa lɛbr waar a, fʋ̃ʋ lɛb wa a ɩ̃ zie, fʋ̃ʋ wa ír a fʋ tɩb-faar faar bɛr a ɩ̃ niŋé a, fʋ kʋ̃ cãà ɩ nɩ-cɔla ɩ.

Zeremi 6:29

A zuwre zuwr'a. A vũu tɩ sɛw na k'ʋʋ ɩ a kur-mɔrmɔr nyɩl. Ɛcɛ zawlalɛ n'a a sãa-kpɩɛrɛ bàlɛ ʋ tʋɔra bɔbr k'ʋʋ ɩ a salm-pla dɛwr yi: a dɛwr bɛ yire ɩ.

A Lãw-mʋɔlɛ 1:11

A ʋ nɩbɛ za kone na, bɛ bɔbr'ɩ bʋ̃-dɩrɩ. Bɛ de nɩ a bɛ bʋ̃-vɩɛlɩ bɛ na tɩ tɛr a tɛw nɩ bʋ̃-dɩrɩ, kɛ́ bɛ tʋ̃ɔ́ dɩ lɛb páw fãw. A Zerizalɛm yere na: «Sore e, nyɛ̃ a lɛ bɛ na yàalɛ mɛ̃ a.»

Ezekɩɛl 2:7

Tɩ yel a ʋlɩ bom nɛ ɩ̃ na na yel kʋ̀ b a kʋ̀ bɛ. Bɛ na bɛr'a wo b bɩɩ kʋ̃ bɛr wo b ɛ, bɛ na faa ɩ zu-kpɛn dem a.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

Ezekɩɛl 44:23

A bàwr-maalbɛ na zanɩ nɩ nɩ a ɩ̃ nɩ-bʋʋrɛ bɛ bãw a bom na ɩ sõw nɩ a bom na bɛ ɩ sõw a, a bom na vɩɛl nɩ a bom na tɛr dɛwr a.

Levitɩ mɩnɛ 10:10

Nyɩ mɩ̀ ta mɩ́ nyũ a ɩ, tʋ̃ɔ́ mɩ́ bãw a bʋ̃-sõw nɩ a bʋ̃-zawla owri, a bom na vɩɛl a, nɩ a bom na tɛr dɛwr a,

Levitɩ mɩnɛ 14:57

A wulu á ŋá mɩ́ sõw na bɛ yel, debor daar'a a nɩbɛ bɩɩ a bome mɩ́ tɛr dɛwr bɩɩ bɛ tɛr dɛwr.

Zonasɩ 3:2

«Ìr cen a Nɩnɩɩvʋ tẽ-kpɛ̃ɛ pʋɔ, tɩ hieri a ƴɛ̀rʋ ɩ̃ na kʋ̀ b a kʋ̀ ʋ.»

Zakari 3:7

À ŋá n'a a Sore, a Kpɛnʋ-za-sob, yere: «Fʋ̃ʋ wa ɩrɛ a lɛ ɩ̃ na yel a, fʋ̃ʋ wa tuur a ɩ̃ sɛ́ɛ a, fʋ̃ʋ n'ʋ na kaarɛ a ɩ̃ yir-kpɛ̃ɛ nɩ a ʋ davʋrɩ zie, ɩ̃ɩ na ɩ na fʋ pʋɔ a nɩbɛ bɛl na mɩ́ àr a ka tone a ɩ̃ tome a pʋɔ.»

Luka 1:19

A malkɩ tɩ sɔw ʋ na: «Mãa n'ɩ a Gabɩyɛl na mɩ́ be a Naaŋmɩn niŋé a. Ʋ tõ m'a k'ɩ̃ɩ wa ƴɛ̀r sɔw fʋ, ɛ́ yel a yel-nʋ̃ɔ̀ ŋa kʋ̀ b.

Luka 10:16

A Yeezu tɩ cãà na lɛb yel a ʋ po-tuurbɛ: «Sob nɛ na bɛrɛ wone a nyɩ ƴɛ̀rʋ a, a ɩ̃ ƴɛ̀rʋ n'a ʋ bɛrɛ wone, ɛ́ sob nɛ na zawrɩ nyɩ bɛr a, mãa n'ʋ ʋ zawrɩ bɛr. Ɛcɛ sob nɛ na zawrɩ mɛ̃ bɛr a, a sob nɛ na tõ m a n'ʋ ʋ zawrɩ bɛr.»

Luka 12:12

A Vʋʋrʋ Sõw na wul nyɩ nɩ a pɛr nɛ pʋɔ, lɛ a na sɛw kɛ́ nyɩ ƴɛ̀r a.»

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

Luka 21:36

Nyɩ bɛr gʋ̃ɔ ɛ́ puore kʋralɛ: lɛ n'a bɛ na nyɛ̃ nyɩ bɛ sɛwnɩ a yel-tuor á ŋá za na waar a ɩ, ɛ́ nyɛ̃ nyɩ sɛwnɩ saaƴẽwn àrʋ a Nɩsaal Bie niŋé.»

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

2 Korɛ̃tɩ 5:16

Lɛ n'a so tɩ bɛ cãà bãw nɩr za nɩsaalʋ bãwfʋ tɛwr ɛ. Tɩmɛ saa tɩ dãw bãw a Kɩrɩta nɩsaalʋ bãwfʋ a, ƴɛrɛŋa a, tɩ bɛ cãà bãw ʋ a lɛ ɩ.

Galasi 1:10

A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.

Galasi 2:5

Tɩ bɛ tɩ sàw kʋ̀ a nɩbɛ bɛ ŋa ɛ́ a ɩ zaa pʋrɩ ɛ, k'aa Yel-nʋ̃ɔ̀ yel-mɩŋa cãà be be a nyɩ ƴãw.

Ebre 5:14

A nɩ-bɛrɛ bɛl a, saab'ɩ a bɛ bʋ̃-dɩra, bɛl na mili nɩ a bɛ tɩɛrʋ a vla nɩ a faa owru a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,