Zeremi 15:15 - A SƐB-SÕW

¹⁵ Ɛcɛ fʋ̃ʋ a, Sore e, fʋ bãw nɩ bom za na càarɩ mɛ̃ a, tɛr a ɩ̃ tɩɛrʋ, ɩ ɩb kãw a ɩ̃ ƴãw. Yáa a san a bɛlɩ dem na dɔwrɛ mɛ̃ a zie. Ta bɛr mɛ̃ k'ɩ̃ wone tuo fʋ na nyɔwr fʋ tʋɔra a bɛ ƴãw a zũú ɛ. Bãwnɩ a, a fʋ zũú n'a ɩ̃ sàw a zʋmɛ.

Zeremi 15:15 ပူးပေါင်းရင်းမြစ်များ

Neemi 13:22

Lɛ n'a ɩ̃ tɩ ƴãw k'aa levitɩ mɩnɛ so a bɛ dɛwr bɛr, ɛ́ cen tɩ piwre a tẽw dɩ̃dɛɛ, k'aa nɩbɛ tʋ̃ɔ́ mɩ́ de a pɩ̃ɛnʋ-bibir ʋ ɩ bibi-sõw. «Ɩ̃ Naaŋmɩn i, cãà bãwnɩ mɛ̃, à á ŋá ƴãw mɩ̀. Zɔ ɩ̃ nɩbaalʋ a fʋ nɔ̃wfʋ na bɛrmɛ a ƴãw!»

Neemi 13:31

Lɛ n'a ɩ̃ mɩ̀ tɩ ɩ a dàar de-kʋ̀b tɩrʋ ƴãw, a na fɛr kɛ́ bɛ mɩ́ wa n a tɛm ʋl bɛ na ƴãw a, nɩ a kɔb bʋ̃-dan de-kʋ̀b ƴãw. «Ɩ̃ Naaŋmɩn i, cãà bãwnɩ mɛ̃, ɛ́ maalɛ mɛ̃ vla!»

Neemi 5:19

«Ɩ̃ Naaŋmɩn i, lɛb tɩɛrɩ a alɩ bome nɛ za ɩ̃ na ɩ a nɩ-bʋʋrɛ bɛ ŋa ƴãw a, ɛ́ tɛr pʋ-pɩɛlʋ a ɩ̃ zie!»

Neemi 6:14

«Ɩ̃ Naaŋmɩn i, cãà bãwnɩ a Toviya nɩ a Sanbalatɩ ɩ-ɩrɩ, mɩ̀ cãà bãwnɩ a pɔw-naaŋmɩn-ƴɛ̀r-manɛ Nowadɩa nɩ a ƴɛ̀r-manbɛ bɛl na cɛ a, na tɩ yel kɛ́ bɛ ɩ ɩ̃ zɔ dɛ̃bɩ̃ɛ a.»

A Zɔb sɛbɛ 10:7

Fʋ mɩŋa za bãwnɩ a na ɩ̃ na bɛ sãw a, ɛ́ bãwnɩ a nɩr na kʋ̃ tʋ̃ɔ́ faa mɛ̃ a fʋ nũú a.

Sɛb-sõw yielu 102:24

Ɩ̃ cen nɩ a sɔr põ-zɛ̃-taa, ɛ́ a Sore ɩ a ɩ̃ fãw siwri, ʋ ŋmãa nɩ a ɩ̃ nyɔ-vʋʋrʋ bibie bɛr.

Sɛb-sõw yielu 106:4

Sore e, bãwnɩ tɩ, fʋ̃ʋ na nɔnɛ a fʋ nɩ-bʋʋrɛ a. Ɩ ɩb kãw a tɩ ƴãw, fʋ̃ʋ tɩ faarɛ ɛ.

Sɛb-sõw yielu 119:84

Nyɔ-vʋʋrʋ bibie a ŋmɩn n'a fʋ cãà bɛr mɛ̃? Debor'a fʋ na dɩ n a bɛlɩ dem na dɔwrɛ mɛ̃ a ƴɛ̀rʋ?

Sɛb-sõw yielu 17:3

Fʋ wa n tɩ̃ɩsɔw, kɛ́ fʋ wa jɛl a ɩ̃ pʋɔ bãw a ɩ̃ yel-mɩŋa. Fʋ ɩ m a kaa, ɛ́ bɛ nyɛ̃ sãwna a ɩ̃ zie ɩ. Ɩ̃ bɛ ƴɛ̀r ƴɛ̀rʋ kãw za

Sɛb-sõw yielu 39:13

Sore e, bɛr wõ a ɩ̃ puoru, ƴãw tobr a ɩ̃ cɛlsɩ ƴãw, ta nyɛ̃ a ɩ̃ mʋta-kʋ̃ɔ ɛ́ cãà kpɛ mimi-kõw ɛ, bʋ̃ʋ n'ʋ vɛ̃, sãan nɛ m a fʋ zie, nɩ-tɔla nɛ m tɔlɛ, mɛ̃ a ɩ̃ sãàkʋm-kore za a.

Sɛb-sõw yielu 44:22

fʋ kʋ̃ʋ tɩ bãwnɩ a bɩɩ, fʋ̃ʋ na bãw a pʋ-tɩɛr-sɔwlɩ a?

Ɩzayi 38:3

«'Woi! Sore e, ɩ̃ zɛlɛ fʋ na, bãwnɩ a a ɩ̃ ɩb za a fʋ zie na tɩ tori a, ɩ̃ tɩ ɩ n a lɛ na vɩɛl a fʋ zie a kʋralɛ!» A Ezekɩasɩ tɩ kõ na cir mʋta-kʋ̃ɔ yaga.

Zeremi 12:3

A fʋ̃ʋ a, Sore, fʋ nyɛ̃ mɛ̃ na, fʋ jɛl'ɩ a ɩ̃ tɩɛrʋ: a lãw nɩ fʋ na. Ƴãw a nɩ-faar bɛ tʋɔra zie, mɛ̃ píir bɛ na cere nɩ a kʋb ƴãw a. Ƴãw bɛ bɛ tʋɔra zie gùre nɩ a kʋb bibir.

Zeremi 15:10

Ɩ̃ mã a, nyɛ̃ kpɩɛrʋ fʋ na ƴãw mɛ̃, fʋ na dɔw mɛ̃ a! A tẽw za pʋɔ a, a nɩbɛ bɛ de a ɩ̃ yele ɩ: bɛ mɩ́ ŋmɩɛr'ɩ a ɩ̃ ƴɛ̀rʋ lɔbr. Ɩ̃ bɛ pɛ̃w nɩr ɩ̃ libir ɛ, ɛ́ mɩ́ bɛ pɛ̃w libir nɩr zie ɩ. Ɛ́ a nɩbɛ za ŋmɩɛr ƴãwn mɛ̃.

Zeremi 15:20

A nɩbɛ bɛ ŋa niŋé a, ɩ̃ na ɩ na fʋ ɩ mɛ̃ kur-zɩɛ dacin bɛ na kʋ̃ tʋ̃ɔ́ dáa lɔb a. Bɛ na zɛb'ɩ fʋ na, ɛcɛ bɛ kʋ̃ tʋ̃ɔ́ fʋ ɩ bom za ɩ, bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ faa fʋ ɛ́ ɩ fʋ so fʋ tʋɔra. A Sore n'ʋ yel.

Zeremi 17:16

Ɩ̃ bɛ fɛr fʋ kɛ́ fʋ ɩ a kpɩɛrʋ wa ɩ, Sore e. Ɩ̃ bɛ tɩ bɔbr k'aa bibi-faa ŋa ta ɩ, fʋ bãwnɩ a na. A ʋlɩ bom nɛ ɩ̃ na yel a, a fʋ niŋé na ɩ̃ yel.

Zeremi 18:23

Ɛ́ a fʋ̃ʋ, Sore e, fʋ bãw nɩ a bɛ nɩ-kʋ yele al za bɛ na cɔbrɛ a ɩ̃ ƴãw a. Ta dɩ a bɛ yel-bier suur ɛ, ta ír a bɛ sãwna bɛr ɛ. Bɛ lo a fʋ niŋé! Ɩ ɩb kãw a bɛ ƴãw a fʋ suur daar!

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Zeremi 20:12

Sore kpɛnʋ-za-sob i, fʋ mɩ́ nyɛ̃ nɩ a nɩr na tu b a bãw. Fʋ bãw nɩ a tɩ bʋ̃-bɔbrɩ nɩ a tɩ tɩɛrʋ. Fʋ̃ʋ n'ʋ ɩ̃ de a ɩ̃ yele kʋ̀. Wul mɛ̃ a lɛ fʋ na na yáa a san kʋ̀ m a.

Zeremi 20:8

Kʋralɛ alɛ wa fɛr k'ɩ̃ɩ ƴɛ̀r a, a mɩ́ fɛr'a k'ɩ̃ɩ cɩɩrɛ yere: «Po-to-fãw-ɩb nɩ sãw-bɛrʋ!» A Sore ƴɛ̀rʋ zũú a, a nɩbɛ tʋʋr mɛ̃ na ɛ́ ɩrɛ mɛ̃ laar bibie za.

A Lãw-mʋɔlɛ 3:64

Sore e, ɩ bɛ mɛ̃ a lɛ bɛ na ɩ m a.

A Lãw-mʋɔlɛ 3:66

Ta tu bɛ nɩ suur tɩ ír bɛ bɛr a tẽw zu.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

Matie 19:29

Ɛ́ sob nɛ za nãà wa bɛr yie, yɛbr, yeepuuli, sãà, mã, bibiir bɩɩ póru a mãa ƴãw a, ʋ na páw nɩ à á ŋá gb'a a kʋba (100) dɔwlɩ, ɛ́ cãà páw a nyɔ-vʋʋrʋ na be kʋralɛ a ƴãw pʋɔ.

Luka 21:17

Nɩbɛ za na hɩ̃ɛn nyɩ nɩ a ɩ̃ yúor ƴãw.

Ʋrɔm 12:19

Ɩ̃ nɩ-nɔnɩ i, nyɩ ta mɩ́ lɛb ŋmɛlɩ yáa a ɩ-faa san ɛ, nyɩ bɛr a Naaŋmɩn suur ʋ tone, bʋ̃ʋ n'ʋ vɛ̃, a Sɛb-sõw yere nɩ à ŋá: «Mãa so a san-yaafʋ, mãa n'ʋ na yáa a san», a Sore n'ʋ yere.

Ʋrɔm 8:35

Ãa n'ʋ na tʋ̃ɔ́ bʋ́r tɩɩm nɩ a Kɩrɩta a ʋ nɔ̃wfʋ pʋɔ? Kpɩɛrʋ bɩɩ? Pʋl-vʋ̃ɔ bɩɩ? Nɩsaalbɛ dɔwrʋ bɩɩ? Kɔ̃ bɩɩ? Bom-bɛ-tɛrʋ bɩɩ? Bʋ̃-faa bɩɩ? A kũu bɩɩ?

2 Korɛ̃tɩ 5:11

A na ɩ à ŋá tɩ bãw ʋlɩ bom nɛ na n'ɩ a zɔrɛ-a-Sore a, tɩ bɔbr'a kɛ́ tɩ ɩ a nɩsaalbɛ za sàw kɛ́ sɩza n'a. Naaŋmɩn bãw tɩ na tɩ tɔ, ɩ̃ɩ tɩɛr kɛ́ nyɩ mɩ̀ bãw mɛ̃ na nɩ a nyɩ pʋɔ tɩ tɔ.

2 Timote 4:14

A sãa-kpɩɛrɛ Alɛsãdɩr ɩ na a kpɛ m yaga. «A Sore na ya ʋ na man nɩ a ʋ ɩ-ɩrɩ.»

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 6:10

Bɛ tɩ cɩɩrɛ na nɩ kɔkɔr-kpɛ̃w yere: «Zu-sob na ɩ sõw, ɛ́ ɩ Zu-sob sɩza a, debor'a fʋ na gù n a ƴɛ̀rʋ-maalʋ nɩ a tɩ kũu san sowru a tẽw zu nɩbɛ zie tɩ ta?»

Ƴɛ̀r-dɩrbɛ 16:28

Lɛ n'a a Samsɔ̃ tɩ puori a Sore à ŋá: «Sore Naaŋmɩn i, ɩ̃ zɛlɛ fʋ na, lɛb tɩɛrɩ a ɩ̃ yele, lɛb kʋ̀ m a fãw a ƴɛrɛŋa yõ ƴãw, Naaŋmɩn i, ɩ̃ tʋ̃ɔ́ yáa a ɩ̃ mimie ayi san daƴen daadaa, a Filisɩtɛ̃ mɩnɛ zie.»