Zeremi 14:3 - A SƐB-SÕW

³ A nɩ-bɛrɛ tone nɩ a bɛ tõ-tõ-biir kɛ́ bɛ tɩ bɔ a kʋ̃ɔ. Bɛ mɩ́ ta n a sa-bie-kʋ̃ɔ-bɔwrɩ pɛr, bɛ nyɛ̃ kʋ̃ɔ-bir za ɩ, bɛ mɩ́ lɛb'a wa n bʋ̃-zawlɛ, a bɛ tɩɛrʋ sãw, pʋ-sãwna tɛr bɛ, bɛ su zuru.

Zeremi 14:3 ပူးပေါင်းရင်းမြစ်များ

2 Samɩɛl 15:30

A Daviir tɩ kone na dúor'ɩ a Olivʋ tɩɩr tãw. Ʋ tɩ pàw nɩ a ʋ zu, ɛ́ cere nɩ gbɛ-zawlɛ. A bɛlɩ dem za na tɩ lãw nɩ ʋ dúor a mɩ̀ tɩ pàw nɩ a bɛ zuru ɛ́ kone.

2 Samɩɛl 19:4

A ʋlɩ bibir a, a sojarɩ tɩ mʋɔl'a kpɛ a tẽw pʋɔ, mɛ̃ nɩbɛ na zɔ zɛbr zie, vĩ ɩrɛ bɛ a.

1 Na-mɩnɛ 17:7

A na wa cen ta tab kãw a, a bà-fʋɔla tɩ ko na, a saa na bɛ tɩ wa a tẽw pʋɔ a ƴãw.

2 Na-mɩnɛ 18:31

Nyɩ ta bɛrɛ wone a Ezekɩasɩ ƴɛ̀rʋ ɛ, nyɩ nɩ̃ɛ bɛrɛ wone a lɛ a Asiiri tẽw nãà na yere kʋ̀rɛ nyɩ a: Nyɩ nyɔw nɩ mɛ̃ báalʋ, nyɩ bɛr nyɩ tʋɔra kʋ̀ m. Lɛ n'a a nyɩ kãw za na mɩ́ dɩrɛ a ʋ divɛ̃ tɩɛ nɩ a ʋ kãkã-tɩɛ wɔmɛ, ɛ́ nyúur a ʋ sa-bie-kʋ̃ɔ-bɔw kʋ̃ɔ,

A Zɔb sɛbɛ 6:20

Ɛcɛ vĩ tɩ nyɔw bɛ na bɛ na tɩ tɩɛrɛ a a. Bɛ na tɩ ta a fʋɔlɩ á ŋá pɛr a, a ɩ na mɛ̃ bɛ ɩ ŋmɩn a.

Sɛb-sõw yielu 109:29

A nɩbɛ na yere k'ɩ̃ɩ sãw na a, a bɛ yúor, ʋ́ sãw, a vĩ, ʋ́ pili pàw bɛ mɛ̃ kparʋ a!

Sɛb-sõw yielu 40:14

Sore e, sàw faa mɛ̃, Sore e, wa fɔ̃w wa sõw mɛ̃!

Zeremi 14:4

A saa na bɛ wa, ɛ́ a tẽsɔw pur pur a zũú a, a ka-kʋ́ɔrbɛ tɩɛrʋ sãw na, bɛ su n zuru.

Zeremi 15:18

Bʋ̃ʋ n'ʋ so a wob wone mɛ̃ bɛ tɛr baarʋ daar? Bʋ̃ʋ n'ʋ so a ɩ̃ natɩr bɛ tɛr sanʋ, ɛ́ bɛ bɔbr a ɓãafʋ? Fʋ sɩrɩ na lɩɛbɩ bàa na bɛ̀lɛ a, a ɩ̃ zie, mɩ́ tɛr kʋ̃ɔ ta sɔgɔ bɛ tɛr ɛ.

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Zeremi 2:37

Fʋ mɩ̀ na yi n a tẽw ŋa pʋɔ tuo nuru zũú, bʋ̃ʋ n'ʋ vɛ̃, a mãa Sore a, ɩ̃ bɛ nɔnɛ a tɩɛfʋ ŋa bʋʋrɛ fʋ na bɔbr a ɩ. À ŋá bɛ n'a a yele na ɩ vla a fʋ zie ɩ.»

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

A Lãw-mʋɔlɛ 4:4

A kʋ̃ɔ-nyúur ɩ na a bi-pɩɩlɛ zɛ̀lɛ mɛrɛ a bɛ lán. A bibiir zɛlɛ nɩ a bʋ̃-dɩrɩ, ɛ́ nɩr bɛ ka be kʋ̀rɛ bɛ ɩ.

A naaŋmɩn-ƴèr-manɛ Oze sɛbɛ 2:3

Nyɩ yere a nyɩ yɛbr kɛ́: «Ɩ̃ nɩ-bʋʋrɛ!», ɛ́ a nyɩ yeepuuli kɛ́: «Pɔw-nɔna nɔna.»

Zowɛl 1:20

A wɛ-dʋn tɛɛ za kone na cɔwr fʋ, bʋ̃ʋ n'ʋ vɛ̃, a bà-diru ko na, ɛ́ a vũu dɩrɛ a dʋn mʋ̃ɔ 'wɔbrʋ zie a dɩlãpʋɔ pʋɔ.

Amɔsɩ 4:7

«Mãa n'ʋ sɩb nyɩ a saa a nyɩ bʋ̃-kʋ́ɔrɩ deb na tɩ cɛ cuwr ata a. Ɩ̃ ƴãw na a saa wa tẽw ŋa, ɛ́ bɛr tẽw ŋa. Púo ŋa tɩ páw nɩ a saa ɓaarʋ, ɛ́ púo ŋa na bɛ páw a saa ɓaarʋ a ko gã.

Amɔsɩ 4:8

Nɩbɛ mɩ́ yi n ten ayi bɩɩ ata pʋɔ kɔ̃kɔlɩ cen tẽ-yũo pʋɔ kɛ́ bɛ tɩ nyũ kʋ̃ɔ, ɛ́ bɛ mɩ́ tɩ nyũ sɛw ɛ. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Zakari 14:17

A tẽw zu dɔwlʋ ƴen sob kãw bɛ wa cen a Zerizalɛm, k'ʋʋ tɩ puori a Nãà, a Sore, a Kpɛnʋ-za-sob a, saa kʋ̃ wa a ʋ tẽw pʋɔ ɛ.