Zeremi 14:22 - A SƐB-SÕW

²² A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 14:22 ပူးပေါင်းရင်းမြစ်များ

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

1 Na-mɩnɛ 17:14

Bʋ̃ʋ n'ʋ vɛ̃, à ŋá n'a a Sore, a Ɩsɩrayɛl Naaŋmɩn, yere: “A zɔ̃ ziduwle bɛ cɩɛr ɛ, a kãá laa bɛ báarɛ ɛ, ɛ́ gù a Sore tɩ ɩ a saa wa a tẽw zu.”»

1 Na-mɩnɛ 18:1

A tɩ cɛlɩ na, ɛ́ a Sore wa ƴɛ̀r a Eli zie, a wɛr na nyɔw a yome ata sob daar. Ʋ tɩ yel ʋ na: «Cen a nãà Akab tɩ nyɛ̃ b, bʋ̃ʋ n'ʋ vɛ̃, ɩ̃ na ɩ na a saa wa a tẽw zu.»

1 Na-mɩnɛ 8:36

a fʋ̃ʋ a, Sore e, be a salom zu ɛ́ bɛr wõ, dɩ a Ɩsɩrayɛl nɩbɛ yel-bebe suur kʋ̀ bɛ, bɛ na ɩ a fʋ tõ-tõ-biir nɩ a fʋ nɩ-bʋʋrɛ a. Wul bɛ, bɛ cere vla, ɛ́ fʋ ɩ a saa ʋ wa ƴãw a tẽw ŋa fʋ na so, ɛ́ de kʋ̀ bɛ bɛ mɩ̀ so a.»

A Zɔb sɛbɛ 28:26

ʋ ƴãw nɩ tʋr-bɔw kʋ̀ a saa, ɛ́ puo a saa sɔ́r.

A Zɔb sɛbɛ 5:10

Ʋlɛ n'ʋ mɩ́ ƴãw a saa mĩ ƴãw a tẽw za, ɛ́ ƴãw a sa-bie lo a póru pʋɔ.

Sɛb-sõw yielu 130:5

Ɩ̃ gùre nɩ a Sore, ɩ̃ gùre ʋ na nɩ ɩ̃ pʋɔ za, ɩ̃ ƴãw nɩ a ɩ̃ tɩɛrʋ a ʋ ƴɛ̀rʋ ƴãw.

Sɛb-sõw yielu 135:7

Ʋlɛ n'ʋ mɩ́ ɩ a zũzuge yi a tẽw-tʋra ƴãw do, ɛ́ maalɩ a saa-nyɩwrʋ k'aa saa tʋ̃ɔ́ wa, ʋ mɩ́ ɩ n a sɛsɛb ʋ cɛ̀r.

Sɛb-sõw yielu 147:8

Ʋlɛ n'ʋ mɩ́ ɩ a zũzuge yi pàw a salom. À ŋá n'a ʋ mɩ́ cɔbrɩ a saa a tẽsɔw ƴãw. Ʋ mɩ́ ɩ na a mʋ̃ɔ bul a tan zu.

Sɛb-sõw yielu 25:21

A faa-bɛ-tɛrʋ nɩ a cen-dẽdẽ, a gùre mɛ̃, ɩ̃ na ƴãw a ɩ̃ tɩɛrʋ a fʋ ƴãw a zũú.

Sɛb-sõw yielu 25:3

Bɛlɩ dem na tɩɛrɛ fʋ a, a bɛ been bɛ nyɛrɛ vĩ ɛ. Ɛcɛ bɛ na nyɛ̃ nɩ vĩ, a bɛlɩ dem na mɩlɛ zawlalɛ a!

Sɛb-sõw yielu 27:14

— Ƴãw a fʋ tɩ́ɛrʋ a Sore ƴãw, dɩ kanyir ɛ́ tɛr soci-kpɛ̃w, ƴãw a fʋ tɩ́ɛrʋ a Sore ƴãw.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 30:23

A Sore na kʋ̀ nyɩ nɩ a saa a bʋ̃-bʋʋrɛ nyɩ na bʋ̀r a ƴãw. A bʋ̃-dɩrɩ a tẽsɔw na na kʋ̀ nyɩ a na ʋr'a ɛ́ nʋmɛ nʋmɛ. A ʋlɩ bibir nɛ a, a dʋn na 'wɔbr'ɩ mʋ̃ɔ mʋ̃ɔ 'wɔbrʋ ziir na yɛlmɛ yɛlmɛ a pʋɔ.

Ɩzayi 41:29

A za bɛ ɩ bom za ɩ, bɛ ɩrɛ bom za ɩ. A dasuli bɩɩ? Sɛsɛb, zi-vuo!

Zeremi 10:12

A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

Zeremi 10:13

Ʋlɛ wa tanɩ a, a kʋ̃ɔnɩ mɩ́ ɓã n taa a salom zu, a zũzuwr-bɛrɛ mɩ́ yi n a tẽw baarʋ ziir do, ʋ mɩ́ ɩ na saa nyɩwrɩ ƴãw a saa waar. Ʋ mɩ́ ɩ na a sɛsɛb yi a be ʋ na ƴãw ʋ a.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 10:3

A nɩ-bʋʋr-yoru tub bɛ tɛr pɛr ɛ. Bɛ mɩ́ cɛ n dàa a tuw pʋɔ, ɛ́ a bʋ̃-pɛnɛ pɛnɩ tɩɩb.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 5:12

A Zuda tẽw dem bɛ bãw a Sore ɩ, ɛ́ yere: «Ʋ bɛ tɛr fãw kãw za ɩ. A faa kʋ̃ lo a tɩ zu ɛ, tɩ kʋ̃ bãw zɛbr nɩ kɔ̃ ɩ.

Zeremi 5:24

Nyɩ bɛ mɩ́ yel: “Nyɩ ɩ tɩ tɛr ƴãwfʋ a Sore tɩ Naaŋmɩn zie ɩ. Ʋ mɩ́ kʋ̀ tɩ nɩ a saa a ʋ daar, a kpãcãan nɩ a sɩ̃ɛ-kpɛ-paala, ɛ́ yũon za, ʋ mɩ́ bãwnɩ nɩ a tɩ bʋ̃-dieri-deb dàrʋ.”

Zeremi 51:16

Ʋlɛ wa ƴɛ̀rɛ a, a kʋ̃ɔnɩ mɩ́ ɓanɛ nɩ taa a salom zu, zũzu-bɛrɛ mɩ́ yi n saa-pɛrɩ́ dúor, a saa-nyɩwrʋ mɩ́ ɩ na a saa waar, a sɛsɛb mɩ́ yi n a ʋ beba ziir.

A naaŋmɩn-ƴèr-manɛ Oze sɛbɛ 2:7

Sɩza n'a, a bɛ mã kʋɔr'ɩ ʋ tʋɔra, a ʋl na dɔw bɛ a, tone nɩ vĩ tome. Ʋ mɩ́ tɩ yel'a: Ɩ̃ na zɔrɛ na tuur a ɩ̃ sɛnbɛ, a bɛl na kʋ̀rɛ mɛ̃ a dipɛ̃ nɩ a kʋ̃ɔ a, a pi-kɔblʋ pɛnɛ nɩ a lɛ̃ fomie pɛnɛ a, a kãá nɩ a divɛ̃ a.

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Amɔsɩ 4:7

«Mãa n'ʋ sɩb nyɩ a saa a nyɩ bʋ̃-kʋ́ɔrɩ deb na tɩ cɛ cuwr ata a. Ɩ̃ ƴãw na a saa wa tẽw ŋa, ɛ́ bɛr tẽw ŋa. Púo ŋa tɩ páw nɩ a saa ɓaarʋ, ɛ́ púo ŋa na bɛ páw a saa ɓaarʋ a ko gã.

Mise 5:6

A Ɩsɩrayɛl nɩbɛ na cɛ nɩ-bʋʋr-yoru viiri koli a, na ɩ na mɛ̃ Sore ɓɩɛlʋ a, mɛ̃ saa na mɩ́ wa ƴãw a mʋ̃ɔ a. Bɛ bɛ gùre bom za nɩsaal zie ɩ, bɛ bɛ tɩɛrɛ bom páwfʋ nɩsaal zie ɩ.

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Matie 5:45

Lɛ n'a nyɩ na sɩrɩ ɩ a nyɩ Sãà na be a tẽ-vla pʋɔ a bibiir. Bʋ̃ʋ n'ʋ vɛ̃, ʋ mɩ́ ɩ n a ʋ mʋ̃tɔ̃w pur a po-to-dem nɩ a nɩ-vɩɛlɩ ƴãw, ɛ́ ɩ a saa mĩ kʋ̀ a nɩ-mɩn nɩ a bɛlɩ dem na bɛ ɩ nɩ-mɩn a.

Wulu-ayi-sob 28:12

A Sore na yuo nɩ a salom kʋ̀ nyɩ, a be ʋ na maal bin a bʋ̃-sɩza ŋa na ɩ a kʋ̃ɔ a. Ʋ na mɩ́ ɩ na a saa wa a ʋ daar ƴãw a nyɩ tẽsɔw, ɛ́ a nyɩ tome za na mɩ́ maal'a. Nyɩ kʋ̃ tɛr libir pɛ̃wfʋ yel-ɩra ɩ. Nyɩmɛ nɛbɛ na nɩ̃ɛ mɩ́ pɛ̃w nɩ-sãanbɛ yaga libie.

Wulu-ayi-sob 32:21

Bɛ tɛr'ɩ ŋmɩn-ziri, ƴãw k'ɩ̃ kpɛ nyuur. Bɛ ɩ na nɩ a bɛ tɩɩb-zawlɛ, a ɩ̃ suur ìr. Mãa a, nɩbɛ na bɛ ɩ nɩ-bʋʋrɛ mɩ̀ a nɛbɛ, ɩ̃ na ɩ na kɛ̀ bɛ kpɛ nyuur. Nɩ-bʋʋrɛ na bɛ bãw yã a nɛbɛ, ɩ̃ na ɩ na a bɛ suur ìr.